Kane Williamson T20I Retirement: ਭਾਰਤ ਅਤੇ ਆਸਟ੍ਰੇਲੀਆਂ ਟੀ20 ਸੀਰੀਜ਼ ਵਿਚਾਲੇ ਕ੍ਰਿਕਟ ਜਗਤ ਨੂੰ ਵੱਡਾ ਝਟਕਾ ਲੱਗਾ ਹੈ।

ਦੱਸ ਦੇਈਏ ਕਿ ਨਿਊਜ਼ੀਲੈਂਡ ਦੇ ਸਟਾਰ ਬੱਲੇਬਾਜ਼ ਕੇਨ ਵਿਲੀਅਮਸਨ ਨੇ ਟੀ-20 ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਹੈ।

2026 ਵਿਸ਼ਵ ਕੱਪ ਤੋਂ ਸਿਰਫ਼ ਚਾਰ ਮਹੀਨੇ ਪਹਿਲਾਂ ਲਿਆ ਗਿਆ ਉਨ੍ਹਾਂ ਦਾ ਫੈਸਲਾ ਨਿਊਜ਼ੀਲੈਂਡ ਕ੍ਰਿਕਟ ਲਈ ਇੱਕ ਵੱਡਾ ਝਟਕਾ ਹੈ। 35 ਸਾਲਾ ਵਿਲੀਅਮਸਨ ਨੇ ਆਪਣੇ 93 ਟੀ-20 ਅੰਤਰਰਾਸ਼ਟਰੀ ਮੈਚਾਂ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ।

ਉਹ ਨਿਊਜ਼ੀਲੈਂਡ ਦੇ ਦੂਜੇ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਖਿਡਾਰੀ ਹਨ। ਉਨ੍ਹਾਂ ਨੇ 33 ਦੀ ਔਸਤ ਨਾਲ 2,575 ਦੌੜਾਂ ਬਣਾਈਆਂ ਹਨ, ਜਿਸ ਵਿੱਚ 18 ਅਰਧ ਸੈਂਕੜੇ ਅਤੇ 95 ਦਾ ਸਭ ਤੋਂ ਵਧੀਆ ਸਕੋਰ ਸ਼ਾਮਲ ਹੈ।

2011 ਵਿੱਚ ਆਪਣਾ ਟੀ-20 ਡੈਬਿਊ ਕਰਨ ਵਾਲੇ ਵਿਲੀਅਮਸਨ ਨੇ 75 ਮੈਚਾਂ ਵਿੱਚ ਨਿਊਜ਼ੀਲੈਂਡ ਦੀ ਕਪਤਾਨੀ ਕੀਤੀ ਹੈ, ਜਿਸ ਨਾਲ ਉਨ੍ਹਾਂ ਨੂੰ ਦੋ ਵਾਰ (2016 ਅਤੇ 2022) ਟੀ-20 ਵਿਸ਼ਵ ਕੱਪ ਦੇ ਸੈਮੀਫਾਈਨਲ ਅਤੇ ਇੱਕ ਵਾਰ (2021) ਫਾਈਨਲ ਵਿੱਚ ਪਹੁੰਚਾਇਆ ਹੈ।

ਵਿਲੀਅਮਸਨ ਨੇ ਕਿਹਾ, ਮੈਂ ਲੰਬੇ ਸਮੇਂ ਤੋਂ ਇਸ ਫਾਰਮੈਟ ਦਾ ਹਿੱਸਾ ਰਿਹਾ ਹਾਂ, ਅਤੇ ਇਸ ਨਾਲ ਜੁੜੀ ਹਰ ਯਾਦ ਅਤੇ ਅਨੁਭਵ ਮੇਰੇ ਲਈ ਬਹੁਤ ਖਾਸ ਹੈ। ਹੁਣ ਮੈਨੂੰ ਲੱਗਦਾ ਹੈ ਕਿ ਇਹ ਮੇਰੇ ਅਤੇ ਟੀਮ ਦੋਵਾਂ ਲਈ ਸਹੀ ਸਮਾਂ ਹੈ।

ਇਸ ਟੀਮ ਨੂੰ ਆਉਣ ਵਾਲੀ ਸੀਰੀਜ਼ ਅਤੇ ਉਨ੍ਹਾਂ ਦੇ ਅਗਲੇ ਵੱਡੇ ਟੀਚੇ: ਟੀ-20 ਵਿਸ਼ਵ ਕੱਪ ਲਈ ਸਪੱਸ਼ਟਤਾ ਦੇਵੇਗਾ। ਉਨ੍ਹਾਂ ਨੇ ਅੱਗੇ ਕਿਹਾ, ਸਾਡੇ ਕੋਲ ਇਸ ਸਮੇਂ ਟੀ-20 ਵਿੱਚ ਖਿਡਾਰੀਆਂ ਦਾ ਇੱਕ ਬਹੁਤ ਹੀ ਪ੍ਰਤਿਭਾਸ਼ਾਲੀ ਸਮੂਹ ਹੈ।

ਆਉਣ ਵਾਲਾ ਸਮਾਂ ਇਨ੍ਹਾਂ ਖਿਡਾਰੀਆਂ ਲਈ ਹੋਰ ਕ੍ਰਿਕਟ ਖੇਡਣ ਅਤੇ ਵਿਸ਼ਵ ਕੱਪ ਲਈ ਤਿਆਰੀ ਕਰਨ ਲਈ ਮਹੱਤਵਪੂਰਨ ਹੋਵੇਗਾ।

ਮਿਚ (ਮਿਸ਼ੇਲ ਸੈਂਟਨਰ) ਇੱਕ ਸ਼ਾਨਦਾਰ ਕਪਤਾਨ ਹੈ ਅਤੇ ਇਸ ਟੀਮ ਨੂੰ ਸ਼ਾਨਦਾਰ ਢੰਗ ਨਾਲ ਸੰਭਾਲਿਆ ਹੈ। ਹੁਣ ਬਲੈਕ ਕੈਪਸ ਨੂੰ ਅੱਗੇ ਵਧਾਉਣ ਦਾ ਸਮਾਂ ਹੈ। ਮੈਂ ਹਮੇਸ਼ਾ ਦੂਰੋਂ ਉਸਦਾ ਸਮਰਥਨ ਕਰਾਂਗਾ।