Cristiano Ronaldo's New Club: ਪੁਰਤਗਾਲ ਦੇ ਸਟਾਰ ਖਿਡਾਰੀ ਕ੍ਰਿਸਟੀਆਨੋ ਰੋਨਾਲਡੋ (Cristiano Ronaldo) ਹੁਣ ਸਾਊਦੀ ਅਰਬ ਦੀ ਅਲ ਨਾਸਰ ਐਫਸੀ (Al Nassr FC) ਦੀ ਜਰਸੀ ਵਿੱਚ ਨਜ਼ਰ ਆਉਣਗੇ।

ਮਾਨਚੈਸਟਰ ਯੂਨਾਈਟਿਡ ਦੇ ਨਾਲ ਆਪਣੇ ਸਬੰਧ ਨੂੰ ਖਤਮ ਕਰਨ ਤੋਂ ਬਾਅਦ, ਅਨੁਭਵੀ ਖਿਡਾਰੀ ਨੇ ਸ਼ੁੱਕਰਵਾਰ ਨੂੰ ਇਸ ਵੱਡੇ ਸਾਊਦੀ ਕਲੱਬ ਦੇ ਨਾਲ ਸੌਦੇ ਨੂੰ ਅੰਤਿਮ ਰੂਪ ਦਿੱਤਾ. ਮੀਡੀਆ ਰਿਪੋਰਟਾਂ ਮੁਤਾਬਕ ਇਹ ਡੀਲ 1700 ਕਰੋੜ (200 ਮਿਲੀਅਨ ਯੂਰੋ) ਤੋਂ ਜ਼ਿਆਦਾ ਦੀ ਹੈ।

ਰੋਨਾਲਡੋ ਨਾਲ ਸਮਝੌਤੇ ਦੀ ਪੁਸ਼ਟੀ ਹੋਣ ਤੋਂ ਬਾਅਦ ਸ਼ੁੱਕਰਵਾਰ ਦੇਰ ਰਾਤ ਅਲ ਨਾਸਰ ਨੇ ਇੱਕ ਤਸਵੀਰ ਸਾਂਝੀ ਕੀਤੀ। ਇਸ ਤਸਵੀਰ 'ਚ ਪੰਜ ਵਾਰ ਦੇ ਬੈਲਨ ਡੀ'ਓਰ ਜੇਤੂ ਰੋਨਾਲਡੋ ਆਪਣੀ ਨਵੀਂ ਜਰਸੀ ਫੜੀ ਨਜ਼ਰ ਆ ਰਹੇ ਹਨ।

ਰੋਨਾਲਡੋ ਦੀ ਉਮਰ 37 ਸਾਲ ਹੈ। ਉਹਨਾਂ ਨੇ ਅਲ ਨਾਸਰ ਨਾਲ ਜੂਨ 2025 ਤੱਕ ਸਮਝੌਤਾ ਕੀਤਾ ਹੈ। ਭਾਵ ਕਿ 40 ਸਾਲ ਦੀ ਉਮਰ ਤੱਕ ਉਹ ਪੇਸ਼ੇਵਰ ਫੁੱਟਬਾਲ ਖੇਡਦਾ ਰਹੇਗਾ।

ਮੰਨਿਆ ਜਾ ਰਿਹਾ ਹੈ ਕਿ ਇਹ ਉਸ ਦੇ ਕਰੀਅਰ ਦੀ ਆਖਰੀ ਡੀਲ ਹੋਵੇਗੀ। ਦੱਸ ਦੇਈਏ ਕਿ ਅਲ ਨਾਸਰ ਹੁਣ ਤੱਕ 9 ਵਾਰ ਸਾਊਦੀ ਅਰਬ ਲੀਗ ਜਿੱਤ ਚੁੱਕਾ ਹੈ। ਪਿਛਲੀ ਵਾਰ ਇਹ ਕਲੱਬ 2019 ਵਿੱਚ ਚੈਂਪੀਅਨ ਬਣਿਆ ਸੀ।

ਕੀ ਕਿਹਾ ਨਵੇਂ ਕਲੱਬ 'ਚ ਸ਼ਾਮਲ ਹੋਣ 'ਤੇ ਰੋਨਾਲਡੋ ਨੇ? : ਅਲ ਨਾਸਰ ਨਾਲ ਜੁੜਨ ਤੋਂ ਬਾਅਦ ਰੋਨਾਲਡੋ ਨੇ ਕਿਹਾ, 'ਮੈਂ ਕਿਸੇ ਵੱਖਰੇ ਦੇਸ਼ 'ਚ ਨਵੀਂ ਫੁੱਟਬਾਲ ਲੀਗ ਖੇਡਣ ਲਈ ਉਤਸੁਕ ਹਾਂ। ਅਲ ਨਸੇਰ ਦੇ ਸੰਚਾਲਨ ਦੇ ਤਰੀਕੇ ਲਈ ਦ੍ਰਿਸ਼ਟੀਕੋਣ ਬਹੁਤ ਪ੍ਰੇਰਣਾਦਾਇਕ ਹੈ ਅਤੇ ਮੈਂ ਆਪਣੇ ਨਵੇਂ ਸਾਥੀਆਂ ਨਾਲ ਜੁੜ ਕੇ ਬਹੁਤ ਖੁਸ਼ ਹਾਂ।

ਅਲ ਨਸੇਰ ਦੇ ਸੰਚਾਲਨ ਦੇ ਤਰੀਕੇ ਲਈ ਦ੍ਰਿਸ਼ਟੀਕੋਣ ਬਹੁਤ ਪ੍ਰੇਰਣਾਦਾਇਕ ਹੈ ਅਤੇ ਮੈਂ ਆਪਣੇ ਨਵੇਂ ਸਾਥੀਆਂ ਨਾਲ ਜੁੜ ਕੇ ਬਹੁਤ ਖੁਸ਼ ਹਾਂ। ਅਸੀਂ ਇਕੱਠੇ ਮਿਲ ਕੇ ਟੀਮ ਨੂੰ ਵੱਡੀ ਸਫਲਤਾ ਦਿਵਾ ਸਕਦੇ ਹਾਂ।

ਮੈਨਚੈਸਟਰ ਯੂਨਾਈਟਿਡ ਵਿਵਾਦ ਦੇ ਬਾਅਦ ਦਿੱਤਾ ਛੱਡ :EPL, ਲਾ ਲੀਗਾ ਤੇ ਸੀਰੀ-ਏ ਵਰਗੀਆਂ ਵੱਡੀਆਂ ਯੂਰਪੀਅਨ ਲੀਗਾਂ ਵਿੱਚ ਖੇਡਣ ਤੋਂ ਬਾਅਦ ਰੋਨਾਲਡੋ ਦਾ ਹੇਠਲੇ ਪੱਧਰ ਦੀ ਲੀਗ ਵਿੱਚ ਜਾਣ ਦਾ ਫੈਸਲਾ ਥੋੜਾ ਹੈਰਾਨੀਜਨਕ ਹੈ, ਪਰ ਉਸਦੀ ਤਾਜ਼ਾ ਫਾਰਮ ਤੇ ਉਮਰ ਨੂੰ ਦੇਖਦੇ ਹੋਏ ਵੱਡੇ ਕਲੱਬਾਂ 'ਚ ਉਹਨਾਂ ਦੀ ਜਗ੍ਹਾ ਦੀ ਸੰਭਾਵਨਾ ਨਹੀਂ ਹੈ।

ਇਹ ਮੁਸ਼ਕਲ ਲੱਗ ਰਿਹਾ ਸੀ। ਮੌਜੂਦਾ ਸੀਜ਼ਨ 'ਚ ਮਾਨਚੈਸਟਰ ਯੂਨਾਈਟਿਡ ਨਾਲ ਉਹਨਾਂ ਦਾ ਵਿਵਾਦ ਵੀ ਵਧ ਗਿਆ ਕਿਉਂਕਿ ਉਸ ਨੂੰ ਬਦਲ ਵਜੋਂ ਮੈਦਾਨ 'ਚ ਉਤਾਰਿਆ ਜਾ ਰਿਹਾ ਸੀ। ਹਾਲ ਹੀ ਵਿੱਚ ਸਮਾਪਤ ਹੋਏ ਫੀਫਾ ਵਿਸ਼ਵ ਕੱਪ 2022 ਵਿੱਚ, ਉਸਨੂੰ ਨਾਕਆਊਟ ਪੜਾਅ ਵਿੱਚ ਬਦਲ ਵਜੋਂ ਮੈਦਾਨ ਵਿੱਚ ਉਤਾਰਿਆ ਗਿਆ ਸੀ।