ਬਿੱਗ ਬੌਸ ਦਾ ਸੀਜ਼ਨ 17ਵਾਂ ਜੋ ਕਿ ਜਲਦ ਹੀ ਦਰਸ਼ਕਾਂ ਦੇ ਰੂਬਰੂ ਹੋਣ ਜਾ ਰਿਹਾ ਹੈ। ਇਸ ਵਾਰ ਵੀ ਦਰਸ਼ਕ ਬਿੱਗ ਬੌਸ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਨ।

ਬਿੱਗ ਬੌਸ 17 ਦੇ ਪ੍ਰੀਮੀਅਰ 'ਚ ਸਿਰਫ ਇਕ ਦਿਨ ਬਾਕੀ ਹੈ, ਜਿਸ ਕਾਰਨ ਮੇਕਰਸ ਸ਼ੋਅ ਦੇ ਪ੍ਰਤੀਯੋਗੀਆਂ ਨਾਲ ਜੁੜੇ ਇਕ ਤੋਂ ਬਾਅਦ ਇਕ ਨਵੇਂ ਪ੍ਰੋਮੋ ਸ਼ੇਅਰ ਕਰ ਰਹੇ ਹਨ।

ਹਾਲਾਂਕਿ, ਬਿੱਗ ਬੌਸ ਦੇ ਪ੍ਰਸ਼ੰਸਕ ਇਹ ਦੇਖਣਾ ਚਾਹੁੰਦੇ ਹਨ ਕਿ ਇਸ ਵਾਰ ਦਿਲ, ਦਿਮਾਗ ਅਤੇ ਦਮ ਦੇ ਥੀਮ ਦੇ ਨਾਲ ਘਰ ਕਿਹੋ ਜਿਹਾ ਲੱਗੇਗਾ।

ਇਸ ਦੌਰਾਨ ਮੇਕਰਸ ਨੇ ਘਰ ਦੇ ਹਰ ਕੋਨੇ ਤੋਂ ਪਰਦਾ ਚੁੱਕਦੇ ਹੋਏ ਇਕ ਐਕਸਕਲੂਸਿਵ ਵੀਡੀਓ ਸ਼ੇਅਰ ਕੀਤਾ ਹੈ, ਜਿਸ ਨੂੰ ਦੇਖ ਕੇ ਪ੍ਰਸ਼ੰਸਕ ਇਸ ਦੀ ਤਾਰੀਫ ਕਰਦੇ ਨਹੀਂ ਥੱਕ ਰਹੇ ਹਨ।

ਇਸ ਵਾਰ ਲਿਵਿੰਗ ਰੂਮ ਨੂੰ ਯੂਰਪੀਅਨ ਗਲੀ ਵਿੱਚ ਬਦਲ ਦਿੱਤਾ ਗਿਆ ਹੈ। ਕਾਰਪੇਟ ਪ੍ਰਿੰਟ ਕੀਤੇ ਗਏ ਹਨ ਅਤੇ ਇਹ ਬਹੁਤ ਸੁੰਦਰ ਲੱਗ ਰਿਹਾ ਹੈ।

ਇਸ ਸੀਜ਼ਨ ਵਿੱਚ, ਘਰ ਵਿੱਚ ਇੱਕ ਸੁੰਦਰ ਵਾਕਵੇਅ ਹੈ ਜਿੱਥੇ ਪ੍ਰਤੀਯੋਗੀ ਬੈਠ ਕੇ ਗੱਲ ਕਰ ਸਕਦੇ ਹਨ। ਇਸ ਨੂੰ ਸ਼ਾਨਦਾਰ ਫੁੱਲਾਂ ਅਤੇ ਰੰਗਾਂ ਨਾਲ ਖੂਬਸੂਰਤੀ ਨਾਲ ਸਜਾਇਆ ਗਿਆ ਹੈ।

ਕਨਫੈਸ਼ਨ ਰੂਮ ਥੋੜ੍ਹਾ ਸ਼ੈਤਾਨੀ ਲੱਗਦਾ ਪਿਆ ਹੈ। ਇਹ ਗੇਮ ਆਫ ਥ੍ਰੋਨਸ ਅਤੇ ਹੈਰੀ ਪੋਟਰ ਸੈੱਟ ਵਰਗਾ ਵੀ ਦਿਸਦਾ ਹੈ। ਇਸ ਕਮਰੇ ਨੂੰ ਬਿੱਗ ਬੌਸ ਵਿੱਚ ਵੀ ਪਹਿਲੀ ਵਾਰ ਪੇਸ਼ ਕੀਤਾ ਗਿਆ ਹੈ।

ਜਿਵੇਂ ਕਿ ਪ੍ਰੋਮੋ ਵਿੱਚ ਕਿਹਾ ਗਿਆ ਹੈ, ਮੁਕਾਬਲੇਬਾਜ਼ਾਂ ਨੂੰ ਉਹ ਸਭ ਕੁਝ ਦੇਖਣ ਨੂੰ ਮਿਲੇਗਾ ਜੋ ਉਨ੍ਹਾਂ ਦੀ ਪਿੱਠ ਪਿੱਛੇ ਕਿਹਾ ਜਾ ਰਿਹਾ ਹੈ।

ਘਰ ਦੇ ਪ੍ਰਵੇਸ਼ ਦੁਆਰ 'ਤੇ ਇੱਕ ਵਿਸ਼ਾਲ ਅਤੇ ਸੁੰਦਰ ਖੰਭਾਂ ਵਾਲੇ ਘੋੜੇ ਦੀ ਇੱਕ ਸ਼ਾਨਦਾਰ ਮੂਰਤੀ ਹੈ। ਐਂਟਰੀ ਗੇਟ ਹੀ ਬਿਆਨ ਕਰਦਾ ਹੈ ਕਿ ਇਹ ਘਰ ਪੂਰੀ ਤਰ੍ਹਾਂ ਸ਼ਾਹੀ ਹੈ।

ਸਵੀਮਿੰਗ ਪੂਲ ਉਹ ਜਗ੍ਹਾ ਹੈ ਜਿੱਥੇ ਸਾਨੂੰ ਕੁਝ ਮਜ਼ੇਦਾਰ ਪਲ ਦੇਖਣ ਨੂੰ ਮਿਲਦੇ ਹਨ। ਇਸ ਵਾਰ ਮੁਕਾਬਲੇਬਾਜ਼ਾਂ ਲਈ ਪੂਲ ਦੇ ਆਲੇ-ਦੁਆਲੇ ਬੈਠਣ ਦੀਆਂ ਥਾਵਾਂ ਬਣਾਈਆਂ ਗਈਆਂ ਹਨ।ਸ਼ੋਅ ਦਾ ਨਵਾਂ ਸੀਜ਼ਨ ਕੱਲ੍ਹ 15 ਅਕਤੂਬਰ ਤੋਂ ਕਲਰਸ ਟੀਵੀ 'ਤੇ ਪ੍ਰਸਾਰਿਤ ਹੋਵੇਗਾ। ਪ੍ਰਸ਼ੰਸਕ ਇਸ ਸ਼ੋਅ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।