Sunny Deol Wish: ਬਾਲੀਵੁੱਡ ਅਦਾਕਾਰ ਸੰਨੀ ਦਿਓਲ ਇਨ੍ਹੀਂ ਦਿਨੀਂ ਆਪਣੀ ਫਿਲਮ ਗਦਰ 2 ਦੀ ਸਫਲਤਾ ਦਾ ਆਨੰਦ ਮਾਣ ਰਹੇ ਹਨ।

ਇਸ ਫਿਲਮ ਨੇ 465 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ ਅਤੇ ਜਲਦ ਹੀ 500 ਕਰੋੜ ਦੇ ਕਲੱਬ 'ਚ ਸ਼ਾਮਲ ਹੋਣ ਜਾ ਰਹੀ ਹੈ। 22 ਸਾਲ ਬਾਅਦ ਆਈ ਗਦਰ ਦੇ ਸੀਕਵਲ ਨੇ ਬਾਕਸ ਆਫਿਸ 'ਤੇ ਧਮਾਲ ਮਚਾ ਦਿੱਤਾ ਹੈ।

ਤਾਰਾ ਸਿੰਘ ਅਤੇ ਸਕੀਨਾ ਦੀ ਕੈਮਿਸਟਰੀ ਦਾ ਜਾਦੂ ਇੱਕ ਵਾਰ ਫਿਰ ਲੋਕਾਂ ਨੂੰ ਪ੍ਰਭਾਵਿਤ ਕਰ ਰਿਹਾ ਹੈ। ਸੰਨੀ ਦਿਓਲ ਬਾਲੀਵੁੱਡ ਅਦਾਕਾਰਾ ਨਾਲ ਕੰਮ ਕਰਨਾ ਚਾਹੁੰਦੇ ਹਨ। ਜਿਸ ਦੀ ਇੱਛਾ ਅਦਾਕਾਰ ਨੇ ਆਪ ਜ਼ਾਹਿਰ ਕੀਤੀ ਹੈ।

ਇਸ ਸਾਲ ਆਲੀਆ ਭੱਟ ਅਤੇ ਰਣਵੀਰ ਸਿੰਘ ਦੀ ਲਵ ਸਟੋਰੀ ਰੌਕੀ ਔਰ ਰਾਣੀ ਕੀ ਪ੍ਰੇਮ ਰਿਲੀਜ਼ ਹੋਈ ਹੈ।

ਇਹ ਫਿਲਮ ਅਜੇ ਵੀ ਬਾਕਸ ਆਫਿਸ 'ਤੇ ਬਰਕਰਾਰ ਹੈ ਅਤੇ ਚੰਗਾ ਕਾਰੋਬਾਰ ਕਰ ਰਹੀ ਹੈ। ਸੰਨੀ ਦਿਓਲ ਨੇ ਕਿਹਾ ਹੈ ਕਿ ਉਹ ਆਲੀਆ ਭੱਟ ਨਾਲ ਕੰਮ ਕਰਨਾ ਚਾਹੁੰਦੇ ਹਨ।

ਸੰਨੀ ਦਿਓਲ ਨੇ ਹਾਲ ਹੀ 'ਚ ਜ਼ੂਮ ਨਾਲ ਗੱਲਬਾਤ ਕੀਤੀ ਹੈ। ਸੰਨੀ ਤੋਂ ਪੁੱਛਿਆ ਗਿਆ ਕਿ ਉਹ ਕਿਸ ਮਹਿਲਾ ਅਦਾਕਾਰ ਨਾਲ ਕੰਮ ਕਰਨਾ ਚਾਹੁੰਦੇ ਹਨ।

ਸੰਨੀ ਦਿਓਲ ਨੇ ਆਲੀਆ ਭੱਟ ਦਾ ਨਾਂ ਲੈਂਦਿਆਂ ਕਿਹਾ ਕਿ ਇਹ ਜ਼ਰੂਰੀ ਨਹੀਂ ਹੈ ਕਿ ਕੋਈ ਅਜਿਹਾ ਰੋਲ ਹੋਵੇ, ਜਿਸ 'ਚ ਆਲੀਆ ਦੇ ਨਾਲ ਉਸ ਨੂੰ ਕਾਸਟ ਕੀਤਾ ਜਾਵੇ। ਮੈਨੂੰ ਆਲੀਆ ਪਸੰਦ ਹੈ।

ਉਸ ਨਾਲ ਫਿਲਮ ਕਰਨਾ ਕਾਫੀ ਦਿਲਚਸਪ ਹੋਵੇਗਾ। ਮੈਂ ਇਹ ਨਹੀਂ ਕਹਿ ਰਿਹਾ ਕਿ ਉਲਟ ਰੋਲ ਹੀਰੋ ਅਤੇ ਹੀਰੋਇਨ ਵਰਗੇ ਹੋਣੇ ਚਾਹੀਦੇ ਹਨ, ਮੈਂ ਇਹ ਕਹਿ ਰਿਹਾ ਹਾਂ ਕਿ ਕੋਈ ਵੀ ਰੋਲ ਚੱਲੇਗਾ, ਉਹ ਪਿਓ-ਧੀ ਵਰਗਾ ਵੀ ਹੋ ਸਕਦਾ ਹੈ।

ਆਲੀਆ ਭੱਟ ਨੂੰ ਸਰਵੋਤਮ ਅਭਿਨੇਤਰੀ ਦਾ 69ਵਾਂ ਰਾਸ਼ਟਰੀ ਪੁਰਸਕਾਰ ਮਿਲਿਆ ਹੈ। ਆਲੀਆ ਨੂੰ ਇਹ ਐਵਾਰਡ ਸੰਜੇ ਲੀਲਾ ਭੰਸਾਲੀ ਦੀ ਫਿਲਮ ਗੰਗੂਬਾਈ ਕਾਠੀਆਵਾੜੀ ਵਿੱਚ ਮੁੱਖ ਭੂਮਿਕਾ ਲਈ ਮਿਲਿਆ ਹੈ।

ਆਲੀਆ ਦੇ ਨੈਸ਼ਨਲ ਐਵਾਰਡ 'ਤੇ ਸੰਨੀ ਦਿਓਲ ਨੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਉਸਨੇ ਕਿਹਾ- ਇਹ ਉਸਦੇ ਲਈ ਬਹੁਤ ਵਧੀਆ ਹੈ, ਉਹ ਇਸਦੀ ਹੱਕਦਾਰ ਹੈ।