ਪਿਛਲੇ ਕੁਝ ਸਾਲਾਂ ਤੋਂ ਦਿਲ ਦੇ ਦੌਰੇ ਦੇ ਮਾਮਲੇ ਵਧ ਰਹੇ ਹਨ, ਕੁਝ ਲੋਕ ਛਾਤੀ ਦੇ ਦਰਦ ਦੀ ਸਮੱਸਿਆ ਨੂੰ ਦਿਲ ਦਾ ਰੋਗ ਮੰਨਦੇ ਹਨ।

ਉਹ ਹਸਪਤਾਲ ਜਾ ਕੇ ਕਈ ਤਰ੍ਹਾਂ ਦੇ ਟੈਸਟ ਕਰਵਾਉਂਦੇ ਹਨ। ਬਾਅਦ ਵਿੱਚ ਪਤਾ ਲੱਗਿਆ ਕਿ ਦਰਦ ਇੱਕ ਸਾਧਾਰਨ ਗੈਸ ਦੀ ਸਮੱਸਿਆ ਸੀ ਨਾ ਕਿ ਦਿਲ ਦਾ ਦੌਰਾ।

ਇਸ ਕਰਕੇ ਤੁਹਾਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਛਾਤੀ 'ਚ ਦਰਦ ਪੇਟ ਵਿੱਚ ਗੈਸ ਹੋਣ ਕਰਕੇ ਹੋਇਆ ਹੈ ਜਾਂ ਦਿਲ ਦਾ ਦੌਰਾ ਹੈ, ਆਓ ਤੁਹਾਨੂੰ ਦੱਸਦੇ ਇਸ ਦੀ ਕਿਵੇਂ ਪਛਾਣ ਕਰਨੀ ਹੈ

ਸਿਹਤ ਮਾਹਰਾਂ ਦਾ ਕਹਿਣਾ ਹੈ ਕਿ ਜੇਕਰ ਤੁਹਾਨੂੰ ਛਾਤੀ ਚ ਜਲਨ ਅਤੇ ਦਰਦ ਹੋ ਰਿਹਾ ਹੈ ਤਾਂ ਗੈਸ ਦੀ ਦਵਾਈ ਲਓ। ਗੈਸ ਦੀ ਦਵਾਈ ਲੈਣ ਤੋਂ ਬਾਅਦ ਜੇਕਰ ਤੁਹਾਨੂੰ ਰਾਹਤ ਮਿਲਦੀ ਹੈ ਤਾਂ ਪੇਟ ਦੀ ਸਮੱਸਿਆ ਕਰਕੇ ਗੈਸ ਦਾ ਦਰਦ ਸੀ, ਪਰ ਜੇਕਰ ਤੁਹਾਨੂੰ ਰਾਹਤ ਨਹੀਂ ਮਿਲਦੀ ਅਤੇ ਦਰਦ ਲਗਾਤਾਰ ਰਹਿੰਦਾ ਹੈ ਤਾਂ ਤੁਹਾਨੂੰ ਤੁਰੰਤ ਹਸਪਤਾਲ ਜਾਣਾ ਚਾਹੀਦਾ ਹੈ।

ਇਸ ਦੌਰਾਨ, ਪਹਿਲਾਂ ਈਸੀਜੀ ਕਰਵਾਓ ਅਤੇ ਜੇਕਰ ਛਾਤੀ ਵਿੱਚ ਦਰਦ ਦੇ ਨਾਲ-ਨਾਲ ਪਸੀਨਾ ਆ ਰਿਹਾ ਹੈ ਜਾਂ ਦਰਦ ਖੱਬੀ ਬਾਂਹ ਤੱਕ ਫੈਲ ਰਿਹਾ ਹੈ, ਤਾਂ ਤੁਰੰਤ ਹੋਰ ਟੈਸਟ ਕਰਵਾਓ। ਇਹ ਦਿਲ ਵਿੱਚ ਕਿਸੇ ਰੁਕਾਵਟ ਦਾ ਸੰਕੇਤ ਹੋ ਸਕਦਾ ਹੈ।

ਜੇਕਰ ਤੁਹਾਨੂੰ ਖਾਣਾ ਖਾਣ ਤੋਂ ਬਾਅਦ ਛਾਤੀ ਵਿੱਚ ਦਰਦ ਅਤੇ ਜਲਨ ਹੁੰਦੀ ਹੈ, ਤਾਂ ਇਹ ਆਮ ਤੌਰ 'ਤੇ ਗੈਸ ਦਾ ਦਰਦ ਹੁੰਦਾ ਹੈ। ਕਿਉਂਕਿ ਗਲਤ ਸਮੇਂ 'ਤੇ ਖਾਣਾ ਖਾਣ ਅਤੇ ਜ਼ਿਆਦਾ ਖਾਣ ਨਾਲ ਐਸੀਡਿਟੀ ਹੋ ​​ਸਕਦੀ ਹੈ। ਇਸ ਨਾਲ ਛਾਤੀ ਵਿੱਚ ਦਰਦ ਹੋ ਸਕਦਾ ਹੈ।

ਜੇਕਰ ਦਿਲ ਵਿੱਚ ਕੋਈ ਸਮੱਸਿਆ ਹੈ ਤਾਂ ਛਾਤੀ ਵਿੱਚ ਤੇਜ਼ ਦਰਦ ਹੋਵੇਗਾ ਅਤੇ ਇਸ ਦੇ ਨਾਲ ਹੀ ਪਸੀਨਾ ਆਵੇਗਾ, ਸਾਹ ਲੈਣ ਚ ਤਕਲੀਫ਼ ਹੋਵੇਗੀ, ​​ਖੱਬੇ ਹੱਥ ਵਿੱਚ ਦਰਦ ਅਤੇ ਜਬਾੜੇ ਵਿੱਚ ਦਰਦ ਵੀ ਹੋ ਸਕਦਾ ਹੈ।

ਗੈਸ ਦੇ ਦਰਦ ਦੇ ਮਾਮਲੇ ਵਿੱਚ ਅਜਿਹਾ ਘੱਟ ਹੀ ਹੁੰਦਾ ਹੈ। ਜਦੋਂ ਗੈਸ ਦਾ ਦਰਦ ਹੁੰਦਾ ਹੈ, ਤਾਂ ਇਸ ਨਾਲ ਛਾਤੀ ਦੇ ਮੱਧ ਵਿੱਚ ਦਰਦ ਦੇ ਨਾਲ-ਨਾਲ ਪੇਟ ਵਿੱਚ ਹਲਕਾ ਦਰਦ ਹੁੰਦਾ ਹੈ।

ਦਿਲ ਦੇ ਦੌਰੇ ਦੇ ਮਾਮਲਿਆਂ ਵਿੱਚ, ਦਰਦ ਛਾਤੀ ਤੋਂ ਖੱਬੀ ਬਾਂਹ ਤੱਕ ਫੈਲ ਸਕਦਾ ਹੈ। ਅਜਿਹੀ ਸਥਿਤੀ ਵਿੱਚ ਤੁਹਾਨੂੰ ਇਨ੍ਹਾਂ ਲੱਛਣਾਂ ਤੋਂ ਜਾਣੂ ਹੋਣਾ ਚਾਹੀਦਾ ਹੈ।

ਜਿਹੜੇ ਲੋਕ ਸਿਗਰੇਟ ਪੀਂਦੇ ਹਨ, ਉਨ੍ਹਾਂ ਨੂੰ ਦਿਲ ਦੇ ਦੌਰੇ ਦਾ ਖਤਰਾ ਸਭ ਤੋਂ ਵੱਧ ਰਹਿੰਦਾ ਹੈ