ਬਰਸਾਤ ਦੇ ਮੌਸਮ ਵਿੱਚ ਅਸਥਮਾ ਹੋਣ ਦਾ ਖਤਰਾ ਵੱਧ ਜਾਂਦਾ ਹੈ। ਨਮੀ, ਧੂੜ, ਵਾਇਰਸ ਜਾਂ ਫੰਗਸ ਕਾਰਨ ਇਹ ਸਮੱਸਿਆ ਹੋ ਸਕਦੀ ਹੈ।

ਇਸ ਦੌਰਾਨ ਰੋਗੀ ਨੂੰ ਸਾਂਹ ਲੈਣ ਵਿੱਚ ਤਕਲੀਫ, ਸੀਨੇ ਵਿੱਚ ਦਰਦ ਅਤੇ ਥਕਾਵਟ ਮਹਿਸੂਸ ਹੁੰਦੀ ਹੈ।

ਇਹ ਐਲਰਜੀ ਦੀ ਇਕ ਕਿਸਮ ਹੈ, ਜਿਸ ਤੋਂ ਬਚਾਅ ਲਈ ਪੋਲਨ ਤੋਂ ਸੰਭਲਣਾ ਜਰੂਰੀ ਹੈ।

ਹੈਲਥ ਐਕਸਪਰਟਸ ਦੱਸਦੇ ਹਨ ਮੌਸਮ ਵਿੱਚ ਨਮੀ 30 ਤੋਂ 50 ਫੀਸਦੀ ਤੱਕ ਹੋਵੇ, ਤਾਂ ਫੇਫੜੇ ਠੀਕ ਤਰੀਕੇ ਨਾਲ ਕੰਮ ਕਰਦੇ ਹਨ।

ਪਰ ਜਦ ਨਮੀ 50 ਫੀਸਦੀ ਤੋਂ ਵੱਧ ਹੋ ਜਾਂਦੀ ਹੈ, ਤਾਂ ਫੇਫੜਿਆਂ ਦੀਆਂ ਨਾਲੀਆਂ ਵਿੱਚ ਸੋਜ ਆਉਣ ਲੱਗਦੀ ਹੈ, ਜਿਸ ਨਾਲ ਸਾਂਹ ਲੈਣ ਵਿੱਚ ਦਿੱਕਤ ਹੋ ਸਕਦੀ ਹੈ।

ਜਦ ਬਰਸਾਤ ਜ਼ਿਆਦਾ ਹੁੰਦੀ ਹੈ ਤਾਂ ਫੁੱਲਾਂ ਅਤੇ ਦਰੱਖ਼ਤਾਂ ਵਿੱਚ ਮੌਜੂਦ ਪੋਲਨ ਝੜ ਜਾਂਦੇ ਹਨ। ਜਦ ਮਨੁੱਖ ਸਾਂਹ ਲੈਂਦਾ ਹੈ ਤਾਂ ਇਹ ਪੋਲਨ ਨੱਕ ਰਾਹੀਂ ਅੰਦਰ ਚਲੇ ਜਾਂਦੇ ਹਨ, ਜਿਸ ਕਾਰਨ ਅਸਥਮਾ ਦਾ ਦੌਰਾ ਪੈਣ ਦਾ ਖਤਰਾ ਵੱਧ ਜਾਂਦਾ ਹੈ।

ਬਰਸਾਤ ਦੇ ਮੌਸਮ 'ਚ ਸੂਰਜ ਦੀ ਰੋਸ਼ਨੀ ਘੱਟ ਮਿਲਦੀ ਹੈ, ਜਿਸ ਕਰਕੇ ਵਿਅਕਤੀ ਨੂੰ ਐਂਜ਼ਾਇਟੀ, ਤਣਾਅ ਅਤੇ ਡਿਪ੍ਰੈਸ਼ਨ ਹੋ ਸਕਦਾ ਹੈ, ਜੋ ਕਿ ਅਸਥਮਾ ਦੇ ਦੌਰੇ ਦਾ ਹੋਰ ਇੱਕ ਕਾਰਣ ਬਣ ਸਕਦਾ ਹੈ।

ਕੋਸ਼ਿਸ਼ ਕਰੋ ਕਿ ਵਰਖਾ ਵਿੱਚ ਨਾ ਭਿੱਜੋ।

ਧੂੜ-ਮਿੱਟੀ, ਚਿੱਕੜ ਅਤੇ ਗੰਦਗੀ ਵਾਲੀਆਂ ਥਾਵਾਂ 'ਤੇ ਜਾਣ ਤੋਂ ਬਚੋ।

ਮਾਨਸੂਨ ਦੇ ਮੌਸਮ ਵਿੱਚ ਗਰਮ ਪਾਣੀ ਪੀਓ ਅਤੇ ਗਰਮ ਪਾਣੀ ਨਾਲ ਹੀ ਨ੍ਹਾਓ।

AC ਦਾ ਤਾਪਮਾਨ ਨਾ ਤਾਂ ਬਹੁਤ ਠੰਢਾ ਹੋਵੇ ਤੇ ਨਾ ਹੀ ਬਹੁਤ ਗਰਮ। ਜੇਕਰ ਠੰਢ ਜਾਂ ਜ਼ੁਕਾਮ ਹੋ ਜਾਵੇ ਤਾਂ ਭਾਫ਼ ਜ਼ਰੂਰ ਲਓ।