ਦੁਨੀਆ ਭਰ 'ਚ ਇੱਕ ਆਮ ਧਾਰਨਾ ਹੈ ਕਿ ਮੋਬਾਈਲ ਫੋਨ ਦੀ ਜ਼ਿਆਦਾ ਵਰਤੋਂ ਕੈਂਸਰ ਵਰਗੀਆਂ ਘਾਤਕ ਬਿਮਾਰੀਆਂ ਦਾ ਖਤਰਾ ਵਧਾਉਂਦੀ ਹੈ

ਪਰ WHO ਦੁਆਰਾ ਕੀਤੇ ਗਏ ਇੱਕ ਤਾਜ਼ਾ ਅਧਿਐਨ ਨੇ ਇਸ ਖਦਸ਼ੇ ਨੂੰ ਪੂਰੀ ਤਰ੍ਹਾਂ ਖਾਰਜ ਕਰ ਦਿੱਤਾ ਗਿਆ ਹੈ।

ਆਸਟ੍ਰੇਲੀਅਨ ਨਿਊਕਲੀਅਰ ਐਂਡ ਰੇਡੀਏਸ਼ਨ ਸੇਫਟੀ ਏਜੰਸੀ ਦੁਆਰਾ ਕੀਤੀ ਗਈ ਖੋਜ ਵਿੱਚ mobile ਫੋਨ ਦੀ ਵਰਤੋਂ ਅਤੇ ਵੱਖ-ਵੱਖ ਕੈਂਸਰਾਂ ਵਿਚਕਾਰ ਕੋਈ ਸੰਬੰਧ ਨਹੀਂ ਮਿਲਿਆ।

WHO ਦੁਆਰਾ ਕੀਤੀ ਗਈ ਅਤੇ ਹਾਲ ਹੀ 'ਚ ਪ੍ਰਕਾਸ਼ਿਤ ਇੱਕ ਖੋਜ ਦੇ ਅਨੁਸਾਰ, ਮੋਬਾਈਲ ਫੋਨਾਂ ਤੋਂ ਨਿਕਲਣ ਵਾਲੀਆਂ ਰੇਡੀਓ ਤਰੰਗਾਂ ਦੇ ਸੰਪਰਕ ਵਿੱਚ ਆਉਣ ਨਾਲ ਕਿਸੇ ਵੀ ਕਿਸਮ ਦਾ ਕੈਂਸਰ ਨਹੀਂ ਹੁੰਦਾ।

ਖੋਜ 'ਚ ਮੋਬਾਈਲ ਫੋਨ ਅਤੇ ਲਿਊਕੇਮੀਆ, ਲਿੰਫੋਮਾ ਅਤੇ ਥਾਇਰਾਇਡ ਅਤੇ ਮੂੰਹ ਦੇ ਕੈਂਸਰਾਂ ਸਮੇਤ ਵੱਖ-ਵੱਖ ਕੈਂਸਰਾਂ ਵਿਚਕਾਰ ਕੋਈ ਸਬੰਧ ਨਹੀਂ ਮਿਲਿਆ।

ਇਹ ਧਿਆਨ ਦੇਣ ਯੋਗ ਹੈ ਕਿ ਇਹ ARPANSA ਦੁਆਰਾ ਕੀਤੀ ਗਈ ਦੂਜੀ WHO-ਕਮਿਸ਼ਨ ਯੋਜਨਾਬੱਧ ਸਮੀਖਿਆ ਹੈ।

ਪਹਿਲੀ ਸਮੀਖਿਆ, ਜੋ ਸਤੰਬਰ 2024 ਵਿੱਚ ਪ੍ਰਕਾਸ਼ਿਤ ਹੋਈ ਸੀ, ਨੇ ਮੋਬਾਈਲ ਫੋਨ ਦੀ ਵਰਤੋਂ ਅਤੇ ਦਿਮਾਗ ਅਤੇ ਹੋਰ ਸਿਰ ਦੇ ਕੈਂਸਰਾਂ ਵਿਚਕਾਰ ਸਬੰਧ ਦੀ ਪੜਚੋਲ ਕੀਤੀ ਅਤੇ ਕੋਈ ਸਬੰਧ ਨਹੀਂ ਮਿਲਿਆ ਸੀ।

ਦੋਵਾਂ ਅਧਿਐਨਾਂ ਦੇ ਮੁੱਖ ਲੇਖਕ ਅਤੇ ARPNSA ਵਿਖੇ ਸਿਹਤ ਪ੍ਰਭਾਵ ਮੁਲਾਂਕਣ ਲਈ ਸਹਾਇਕ ਨਿਰਦੇਸ਼ਕ ਕੇਨ ਕਰੀਪੀਡਿਸ ਨੇ ਕਿਹਾ ਕਿ ਨਵੀਂ ਖੋਜ ਨੇ ਮੋਬਾਈਲ ਫੋਨ, ਮੋਬਾਈਲ ਫੋਨ ਟਾਵਰਾਂ ਅਤੇ ਕੈਂਸਰ ਵਿਚਕਾਰ ਸਬੰਧ ਬਾਰੇ ਸਾਰੇ ਉਪਲਬਧ ਸਬੂਤਾਂ ਦਾ ਮੁਲਾਂਕਣ ਕੀਤਾ ਹੈ।

ਉਨ੍ਹਾਂ ਕਿਹਾ ਕਿ ਖੋਜਕਰਤਾਵਾਂ ਨੂੰ ਰੇਡੀਓ ਤਰੰਗਾਂ ਦੇ ਸੰਪਰਕ ਅਤੇ ਵੱਖ-ਵੱਖ Cancer ਵਿਚਕਾਰ ਕੋਈ ਸਬੰਧ ਨਹੀਂ ਮਿਲਿਆ।