ਢਿੱਲੇ ਜਾਂ ਤੰਗ ਅੰਡਰਵੀਅਰ ਪਹਿਨਣ ਦੀ ਲੋੜ ਅਤੇ ਤਰਜੀਹ ਵੱਖ-ਵੱਖ ਹੋ ਸਕਦੀ ਹੈ। ਪਰ ਸਿਹਤ ਦੇ ਦ੍ਰਿਸ਼ਟੀਕੋਣ ਤੋਂ, ਜੇਕਰ ਪੁਰਸ਼ ਬਹੁਤ ਜ਼ਿਆਦਾ ਤੰਗ ਅੰਡਰਵੀਅਰ ਪਹਿਨਦੇ ਹਨ ਤਾਂ ਇਹ ਉਨ੍ਹਾਂ ਦੀ ਜਿਨਸੀ ਸਿਹਤ ਨੂੰ ਪ੍ਰਭਾਵਿਤ ਕਰਦਾ ਹੈ। ਜਿਸ ਕਾਰਨ ਮਰਦਾਂ ਨੂੰ ਇਨ੍ਹਾਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। 2018 ਦੇ ਇੱਕ ਅਧਿਐਨ ਦੇ ਅਨੁਸਾਰ, ਤੰਗ ਅੰਡਰਵੀਅਰ ਪਹਿਨਣ ਨਾਲ ਸ਼ੁਕਰਾਣੂਆਂ ਦੀ ਗਿਣਤੀ ਘੱਟ ਜਾਂਦੀ ਹੈ। ਦਰਅਸਲ, ਤੰਗ ਅੰਡਰਵੀਅਰ ਪਹਿਨਣ ਨਾਲ ਅੰਡਕੋਸ਼ ਦਾ ਤਾਪਮਾਨ ਵਧ ਜਾਂਦਾ ਹੈ। ਇਸੇ ਤਰ੍ਹਾਂ ਜੇਕਰ ਤੁਸੀਂ ਲੈਪਟਾਪ ਨੂੰ ਗੋਦ 'ਚ ਰੱਖ ਕੇ ਕੰਮ ਕਰਦੇ ਹੋ ਤਾਂ ਇਸ ਦਾ ਅਸਰ ਤੁਹਾਡੀ ਸਿਹਤ 'ਤੇ ਪੈਂਦਾ ਹੈ। ਇਸੇ ਤਰ੍ਹਾਂ ਤੰਗ ਅੰਡਰਵੀਅਰ ਸ਼ੁਕਰਾਣੂਆਂ ਦੀ ਗਿਣਤੀ ਨੂੰ ਘਟਾਉਂਦੇ ਹਨ। ਇਸ ਤੋਂ ਇਲਾਵਾ ਟਾਈਟ ਅੰਡਰਵੀਅਰ ਵੀ ਚਮੜੀ ਲਈ ਚੰਗਾ ਨਹੀਂ ਹੁੰਦਾ। ਕਮਰ ਅਤੇ ਪੱਟਾਂ ਵਿੱਚ ਜਲਣ ਅਤੇ ਧੱਫੜ ਵਰਗੀਆਂ ਸਮੱਸਿਆਵਾਂ ਪੈਦਾ ਹੋਣ ਲੱਗਦੀਆਂ ਹਨ। ਜਿਸ ਨਾਲ ਸਕਿਨ ਇਨਫੈਕਸ਼ਨ ਵੀ ਹੋ ਜਾਂਦੀ ਹੈ। ਜੇਕਰ ਤੁਸੀਂ ਪਸੀਨਾ ਅਤੇ ਨਮੀ ਨੂੰ ਸੋਖਣ ਵਾਲੇ ਅੰਡਰਵੀਅਰ ਦੀ ਚੋਣ ਨਹੀਂ ਕਰਦੇ ਅਤੇ ਕਸਰਤ ਦੌਰਾਨ ਤੰਗ ਅੰਡਰਵੀਅਰ ਪਹਿਨਦੇ ਤਾਂ ਪਸੀਨਾ ਜਣਨ ਅੰਗਾਂ ਵਿਚ ਜਾਣ ਦਾ ਡਰ ਰਹਿੰਦਾ ਹੈ। ਜਿਸ ਕਾਰਨ ਬੈਕਟੀਰੀਆ ਵਧ ਸਕਦੇ ਹਨ। ਟਾਈਟ ਅੰਡਰਵੀਅਰ ਦੇ ਕਾਰਨ ਲਿੰਗ 'ਚ ਦਰਦ, ਜਲਨ ਅਤੇ ਖਾਰਸ਼ ਦੀ ਸ਼ਿਕਾਇਤ ਹੋ ਸਕਦੀ ਹੈ।