ਬਹੁਤ ਸਾਰੇ ਲੋਕਾਂ ਨੂੰ ਲੱਗਦਾ ਹੈ ਕਿ ਜਦੋਂ ਸਰੀਰ 'ਚ ਖਰਾਬ ਕੋਲੈਸਟਰੋਲ ਦੀ ਮਾਤਰਾ ਵਧਦੀ ਹੈ ਤਾਂ ਵਾਧੂ ਚਰਬੀ ਅੱਖਾਂ ਦੇ ਆਲੇ-ਦੁਆਲੇ ਦੇ ਨਰਮ ਟਿਸ਼ੂਜ਼ 'ਚ ਇਕੱਠੀ ਹੋ ਕੇ ਸਿਰਫ਼ ਛੋਟੇ-ਛੋਟੇ ਪੀਲੇ ਧੱਬੇ ਬਣਾਉਂਦੀ ਹੈ। ਇਸਨੂੰ ਜੈਂਥੇਲਾਸਮਾ ਦਾ ਸ਼ੁਰੂਆਤੀ ਸੰਕੇਤ ਵੀ ਮੰਨਿਆ ਜਾਂਦਾ ਹੈ।

ਉੱਚ ਕੋਲੈਸਟਰੋਲ ਦਿਲ ਅਤੇ ਖੂਨ ਦੀਆਂ ਨਸਾਂ ਨਾਲ ਸੰਬੰਧਿਤ ਗੰਭੀਰ ਬਿਮਾਰੀਆਂ ਦਾ ਖਤਰਾ ਵਧਾ ਦਿੰਦਾ ਹੈ।

ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਸਰੀਰ ਵਿੱਚ ਵਧੇ ਹੋਏ ਕੋਲੈਸਟਰੋਲ ਦਾ ਅਲਰਟ ਸਿਰਫ਼ ਅੱਖਾਂ ਦੇ ਆਲੇ-ਦੁਆਲੇ ਦੀ ਸਕਿਨ ਹੀ ਨਹੀਂ, ਸਗੋਂ ਤੁਹਾਡੇ ਨਹੁੰ ਵੀ ਦਿੰਦੇ ਹਨ?

ਹਾਈ ਕੋਲੈਸਟਰੋਲ ਉਹ ਹਾਲਤ ਹੈ ਜਿਸ ਵਿੱਚ ਖੂਨ 'ਚ ਚਰਬੀ (ਲਿਪਿਡ) ਦੀ ਮਾਤਰਾ ਵੱਧ ਜਾਂਦੀ ਹੈ। ਇਸ ਕਾਰਨ ਧਮਨੀਆਂ ਵਿੱਚ ਪਲਾਕ ਜਮ੍ਹਾਂ ਹੋਣ ਲੱਗਦਾ ਹੈ ਅਤੇ ਉਹ ਸੁੰਗੜ ਜਾਂਦੀਆਂ ਹਨ। ਨਤੀਜੇ ਵਜੋਂ ਦਿਲ ਦੀ ਬਿਮਾਰੀ, ਸਟ੍ਰੋਕ ਅਤੇ ਦਿਲ ਦੇ ਦੌਰੇ ਦਾ ਖਤਰਾ ਕਾਫ਼ੀ ਵੱਧ ਜਾਂਦਾ ਹੈ।

ਜਦੋਂ ਸਰੀਰ 'ਚ ਕੋਲੈਸਟਰੋਲ ਦਾ ਪੱਧਰ ਵਧ ਜਾਂਦਾ ਹੈ ਤਾਂ ਕਈ ਵਾਰ ਨਹੁੰਆਂ ਦਾ ਰੰਗ ਬਦਲ ਜਾਂਦਾ ਹੈ ਅਤੇ ਉਹ ਫਿੱਕੇ ਦਿਸਣ ਲੱਗਦੇ ਹਨ।

ਜੇ ਨਹੁੰ ਆਮ ਗੁਲਾਬੀ ਰੰਗ ਦੀ ਥਾਂ ਫਿੱਕੇ ਜਾਂ ਸਫ਼ੈਦ ਨਜ਼ਰ ਆਉਣ, ਤਾਂ ਇਹ ਖੂਨ ਦੇ ਘੱਟ ਸੰਚਾਰ ਦਾ ਸੰਕੇਤ ਹੋ ਸਕਦਾ ਹੈ, ਜੋ ਉੱਚ ਕੋਲੈਸਟਰੋਲ ਨਾਲ ਜੁੜਿਆ ਹੁੰਦਾ ਹੈ।

ਨਹੁੰਆਂ 'ਚ ਆਉਣ ਵਾਲੇ ਬਦਲਾਅ ਅਕਸਰ ਕੋਲੇਸਟਰੋਲ ਜਾਂ ਦਿਲ ਦੀ ਬਿਮਾਰੀ ਵਰਗੀ ਕਿਸੇ ਅੰਦਰੂਨੀ ਸਿਹਤ ਸਮੱਸਿਆ ਕਾਰਨ ਹੁੰਦੇ ਹਨ।

ਨਹੁੰਆਂ ‘ਤੇ ਉਭਰੀਆਂ ਹੋਈਆਂ ਧਾਰੀਆਂ, ਜਿਨ੍ਹਾਂ ਨੂੰ ਓਨਿਕੋਰੇਕਸਿਸ ਕਿਹਾ ਜਾਂਦਾ ਹੈ, ਪੋਸ਼ਣ ਦੀ ਕਮੀ ਅਤੇ ਅਨੀਮੀਆ ਵਰਗੀਆਂ ਹੋਰ ਸਿਹਤ ਸਮੱਸਿਆਵਾਂ ਕਾਰਨ ਵੀ ਹੋ ਸਕਦੀਆਂ ਹਨ।

ਜੇ ਤੁਹਾਨੂੰ ਲੱਗਦਾ ਹੈ ਕਿ ਨਹੁੰ ਕੱਟਣ ਤੋਂ ਬਾਅਦ ਉਹ ਮੁੜ ਵਧਣ ਵਿੱਚ ਕਾਫ਼ੀ ਸਮਾਂ ਲੈਂਦੇ ਹਨ, ਤਾਂ ਇਹ ਉੱਚ ਕੋਲੇਸਟਰੋਲ ਦਾ ਸੰਕੇਤ ਹੋ ਸਕਦਾ ਹੈ। ਇਹ ਹਾਲਤ ਅਕਸਰ ਉਸ ਵੇਲੇ ਹੁੰਦੀ ਹੈ ਜਦੋਂ ਸਰੀਰ ਵਿੱਚ ਖੂਨ ਦਾ ਪ੍ਰਵਾਹ ਘੱਟ ਹੋ ਜਾਂਦਾ ਹੈ।

ਵੱਧ ਕੋਲੇਸਟਰੋਲ ਨਹੁੰਆਂ ਨੂੰ ਵੀ ਪ੍ਰਭਾਵਿਤ ਕਰ ਸਕਦਾ ਹੈ, ਜਿਸ ਨਾਲ ਉਹ ਮੁੜੇ ਹੋਏ ਦਿਸਣ ਲੱਗਦੇ ਹਨ ਅਤੇ ਉਨ੍ਹਾਂ ਦੀ ਨੋਕ ਸਪੰਜੀ ਜਿਹੀ ਹੋ ਜਾਂਦੀ ਹੈ। ਇਹ ਆਮ ਤੌਰ ‘ਤੇ ਕੋਲੇਸਟਰੋਲ ਦੇ ਅਸੰਤੁਲਨ ਕਾਰਨ ਲੰਮੇ ਸਮੇਂ ਤੱਕ ਆਕਸੀਜਨ ਦੀ ਕਮੀ ਦਾ ਸੰਕੇਤ ਹੁੰਦਾ ਹੈ।

ਉੱਚ ਕੋਲੇਸਟਰੋਲ ਦਾ ਇੱਕ ਹੋਰ ਸੰਕੇਤ ਇਹ ਵੀ ਹੋ ਸਕਦਾ ਹੈ ਕਿ ਤੁਹਾਡੇ ਨਹੁੰ ਨੀਲੇ ਜਾਂ ਜਾਮਨੀ ਰੰਗ ਦੇ ਦਿਸਣ ਲੱਗਣ। ਜੇ ਨਹੁੰਆਂ ਵਿੱਚ ਇਸ ਤਰ੍ਹਾਂ ਦਾ ਕੋਈ ਵੀ ਬਦਲਾਅ ਨਜ਼ਰ ਆਏ, ਤਾਂ ਦੇਰੀ ਨਾ ਕਰੋ ਅਤੇ ਤੁਰੰਤ ਆਪਣੇ ਡਾਕਟਰ ਨਾਲ ਸਲਾਹ ਕਰੋ