ਉਮਰ ਦੇ ਨਾਲ-ਨਾਲ ਪੁਰਸ਼ਾਂ 'ਚ ਵੀ ਹਾਰਮੋਨਲ ਬਦਲਾਅ ਆਉਂਦੇ ਹਨ ਜਿਸਨੂੰ ਕਈ ਵਾਰੀ ਮੇਲ ਮੀਨੋਪੌਜ਼ ਦੇ ਤੌਰ 'ਤੇ ਵੀ ਦੇਖਿਆ ਜਾਂਦਾ ਹੈ।

ਹਾਲਾਂਕਿ, ਪੁਰਸ਼ਾਂ 'ਚ ਇਸਨੂੰ ਉਮਰ ਦੇ ਕਾਰਨ ਹਾਰਮੋਨ ਦੇ ਪੱਧਰ 'ਚ ਹੋ ਰਹੇ ਬਦਲਾਅ ਦੇ ਰੂਪ 'ਚ ਜਾਣਿਆ ਜਾਂਦਾ ਹੈ।

ਪੁਰਸ਼ਾਂ ਤੇ ਔਰਤਾਂ ਦੇ ਮੀਨੋਪੌਜ਼ ਦੀ ਜੀਵ ਵਿਗਿਆਨਕ ਪ੍ਰਕਿਰਿਆ 'ਚ ਕਾਫੀ ਅੰਤਰ ਹੁੰਦਾ ਹੈ। ਆਓ ਜਾਣਦੇ ਹਾਂ...

ਔਰਤਾਂ 'ਚ ਐਸਟਰੋਜ਼ਨ ਤੇ ਪ੍ਰੋਜੈਸਟ੍ਰੋਨ ਦੇ ਪੱਧਰ 'ਚ ਕਮੀ ਕਾਰਨ Menopause ਹੁੰਦਾ ਹੈ, ਜਿਸਦਾ ਮਤਲਬ ਹੈ ਕਿ ਔਰਤਾਂ 'ਚ ਮਹਾਵਾਰੀ ਜਾਂ ਪੀਰੀਅਡਸ ਅਤੇ ਗਰਭਧਾਰਣ ਦੀ ਸਮਰੱਥਾ ਖਤਮ ਹੋ ਜਾਂਦੀ ਹੈ।

ਇਸ ਦੇ ਉਲਟ, ਪੁਰਸ਼ਾਂ 'ਚ ਅਚਾਨਕ ਇਸ ਤਰ੍ਹਾਂ ਦਾ ਹਾਰਮੋਨਲ ਬਦਲਾਅ ਨਹੀਂ ਹੁੰਦਾ। ਉਨ੍ਹਾਂ ਵਿਚ ਟੈਸਟੋਸਟੇਰੋਨ ਦਾ ਪੱਧਰ ਹੌਲੀ-ਹੌਲੀ ਘੱਟਦਾ ਹੈ।

ਦੋਹਾਂ 'ਚ ਮੂਡ 'ਚ ਬਦਲਾਅ ਹੁੰਦਾ ਹੈ ਅਤੇ ਸੈਕਸੁਅਲ ਫੰਕਸ਼ਨ ਵੀ ਘਟ ਜਾਂਦਾ ਹੈ। ਹਾਲਾਂਕਿ, ਦੋਹਾਂ 'ਚ ਇਸਦੀ ਸਮਾਂ ਤੇ ਤੀਬਰਤਾ 'ਚ ਕਾਫੀ ਅੰਤਰ ਹੋ ਸਕਦਾ ਹੈ। ਮਿਡਲਾਈਫ ਦਾ ਇਹ ਬਦਲਾਅ ਔਰਤਾਂ ਨਾਲੋਂ ਜ਼ਿਆਦਾ ਪੁਰਸ਼ਾਂ 'ਚ ਰਹੱਸਮਈ ਹੁੰਦਾ ਹੈ।

ਲੱਛਣ- ਇਰੈਕਸ਼ਨ ਤਕ ਨਾ ਪਹੁੰਚ ਸਕਣਾ ਜਾਂ ਉਸਨੂੰ ਬਣਾਈ ਰੱਖਣਾ

ਸੈਕਸ ਦੀ ਚਾਹ ਨਾ ਹੋਣਾ ਤੇ Infertility

ਡਿਪ੍ਰੈਸ਼ਨ, ਥਕਾਵਟ ਜਾਂ ਇਨਸੋਮਨੀਆ, ਬਾਡੀ ਫੈਟ ਦਾ ਵਧਣਾ, ਮਸਲ ਮਾਸ ਤੇ ਹੱਡੀਆਂ ਦੀ ਡੈਂਸਿਟੀ ਘਟਣਾ ਵਰਗੇ ਲੱਛਣ ਨਜ਼ਰ ਆਉਂਦੇ ਹਨ।

ਟੈਸਟੋਸਟੇਰੋਨ ਦੇ ਘਟੇ ਪੱਧਰ ਦੇ ਕਾਰਨਾਂ ਨੂੰ ਜਾਣਨ ਲਈ ਤੁਹਾਨੂੰ ਸਭ ਤੋਂ ਪਹਿਲਾਂ ਆਪਣੇ ਡਾਕਟਰ ਨਾਲ ਗੱਲ ਕਰਨੀ ਚਾਹੀਦੀ ਹੈ। Blood Test ਜ਼ਰੀਏ ਇਸ ਤਰ੍ਹਾਂ ਦੇ ਲੱਛਣਾਂ ਦਾ ਪਤਾ ਲਗਾਇਆ ਜਾ ਸਕਦਾ ਹੈ।