ਪੈਰਾਂ ਦੇ ਦਰਦ ਤੋਂ ਔਰਤਾਂ ਜ਼ਿਆਦਾ ਪ੍ਰੇਸ਼ਾਨ ਰਹਿੰਦੀਆਂ ਹਨ।

ਜਿਸ ਵਿੱਚੋਂ ਸਭ ਤੋਂ ਆਮ ਹੈ ਅੱਡੀਆਂ 'ਚ ਹੋਣ ਵਾਲਾ ਦਰਦ। ਜਿਸਨੂੰ ਕਈ ਵਾਰ ਹਲਕੇ ਵਿੱਚ ਲਿਆ ਜਾਂਦਾ ਹੈ।

ਪਰ ਜੇਕਰ ਇਸ ਦਰਦ ਨੂੰ ਜ਼ਿਆਦਾ ਸਮੇਂ ਲਈ ਨਜ਼ਰ ਅੰਦਾਜ਼ ਕੀਤਾ ਜਾਏ ਤਾਂ ਇਹ ਗੰਭੀਰ ਬਿਮਾਰੀ ਦਾ ਰੂਪ ਧਾਰਨ ਕਰ ਲੈਂਦੇ ਹਨ।

ਅੱਡੀ ਦਾ ਦਰਦ ਕਈ ਕਾਰਨਾਂ ਕਰਕੇ ਹੋ ਸਕਦਾ ਹੈ

ਜਿਵੇਂ ਕਿ ਬਹੁਤ ਲੰਬੇ ਸਮੇਂ ਤੱਕ ਖੜ੍ਹੇ ਰਹਿਣਾ, ਉੱਚੀ ਅੱਡੀ ਵਾਲੇ ਜੁੱਤੀਆਂ ਦੀ ਵਰਤੋਂ, ਜ਼ਿਆਦਾ ਦੌੜਣ ਜਾਂ ਸਰੀਰ 'ਤੇ ਵੱਧ ਭਾਰ ਇਨ੍ਹਾਂ ਵਿੱਚੋਂ ਕੋਈ ਵੀ ਕਾਰਨ ਹੋ ਸਕਦਾ ਹੈ।

ਕਈ ਔਰਤਾਂ ਅਕਸਰ ਹੀ ਅੱਡੀ ਦੇ ਦਰਦ ਦੀ ਸ਼ਿਕਾਇਤ ਕਰਦੀਆਂ ਹਨ।

ਇਹ ਦਰਦ ਅੱਡੀ ਦੇ ਪਿੱਛੇ, ਹੇਠਾਂ ਜਾਂ ਆਲੇ-ਦੁਆਲੇ ਦੇ ਖੇਤਰ ਵਿੱਚ ਮਹਿਸੂਸ ਕੀਤਾ ਜਾ ਸਕਦਾ ਹੈ ਹਾਲਾਂਕਿ ਅੱਜ-ਕੱਲ੍ਹ ਇਹ ਸਮੱਸਿਆ ਆਮ ਹੈ ਪਰ ਪੁਰਸ਼ ਦੇ ਮੁਕਾਬਲੇ ਔਰਤਾਂ ਇਸ ਤੋਂ ਜ਼ਿਆਦਾ ਪੀੜਤ ਹਨ।

ਡਾਕਟਰੀ ਸਲਾਹ ਲੈਣਾ ਇਸ ਲਈ ਮਹੱਤਵਪੂਰਨ ਹੈ ਕਿਉਂਕਿ ਕਈ ਵਾਰ ਸਧਾਰਨ ਦਰਦ ਦੇ ਪਿੱਛੇ ਵੱਡੀਆਂ ਸਿਹਤ ਸਬੰਧੀ ਸਮੱਸਿਆਵਾਂ ਛੁਪੀਆਂ ਹੋ ਸਕਦੀਆਂ ਹਨ ਆਓ ਜਾਣਦੇ ਹਾਂ ਔਰਤਾਂ 'ਚ ਇਸ ਦਰਦ ਦਾ ਕੀ ਇਲਾਜ ਹੈ।

ਪਹਿਲਾ ਕਦਮ ਹੈ ਆਪਣੀਆਂ ਲੱਤਾਂ ਨੂੰ ਆਰਾਮ ਦਿਓ।

ਜੇਕਰ ਗਿੱਟਿਆਂ ਵਿੱਚ ਤੇਜ਼ ਦਰਦ ਹੋਵੇ ਤਾਂ ਜ਼ਿਆਦਾ ਚੱਲਣ ਜਾਂ ਖੜ੍ਹੇ ਹੋਣ ਤੋਂ ਬਚੋ ਅਤੇ ਪੈਰਾਂ ਨੂੰ ਆਰਾਮ ਦਿਓ। ਇਸ ਨਾਲ ਮਾਸਪੇਸ਼ੀਆਂ ਅਤੇ ਨਸਾਂ ਨੂੰ ਠੀਕ ਹੋਣ ਦਾ ਸਮਾਂ ਮਿਲੇਗਾ।

ਉੱਚੀ ਅੱਡੀ ਵਾਲੇ ਜਾਂ ਤੰਗ ਜੁੱਤੀਆਂ ਪਾਉਣ ਤੋਂ ਪਰਹੇਜ਼ ਕਰੋ।

ਆਰਾਮਦਾਇਕ ਅਤੇ ਸਹਾਇਕ ਜੁੱਤੇ ਪਾਓ ਜੋ ਤੁਹਾਡੇ ਪੈਰਾਂ ਨੂੰ ਸਥਿਰਤਾ ਪ੍ਰਦਾਨ ਕਰਦੇ ਹਨ ਅਤੇ ਅੱਡੀ ਉਤੇ ਦਬਾਅ ਘਟਾਉਂਦੇ ਹਨ। ਇਸ ਸਮੱਸਿਆ ਵਿੱਚ ਆਰਥੋਪੈਡਿਕ ਜੁੱਤੇ ਬਹੁਤ ਫਾਇਦੇਮੰਦ ਹੁੰਦੇ ਹਨ।

ਜੇਕਰ ਮੋਟਾਪੇ ਕਾਰਨ ਗਿੱਟਿਆਂ ਵਿਚ ਦਰਦ ਹੁੰਦਾ ਹੈ ਤਾਂ ਭਾਰ ਘਟਾਉਣ ਦੀ ਕੋਸ਼ਿਸ਼ ਕਰੋ। ਭਾਰ ਘਟਾਉਣ ਨਾਲ ਪੈਰਾਂ ਅਤੇ ਗਿੱਟਿਆਂ 'ਤੇ ਦਬਾਅ ਘੱਟ ਜਾਵੇਗਾ ਅਤੇ ਦਰਦ ਤੋਂ ਰਾਹਤ ਮਿਲੇਗੀ।