ਇਕ ਤਾਜ਼ਾ ਖੋਜ ਵਿਚ ਕਿਹਾ ਗਿਆ ਹੈ ਕਿ ਵਿਆਹ ਤੋਂ ਬਾਅਦ ਔਰਤਾਂ ਦੇ ਮੁਕਾਬਲੇ ਮਰਦਾਂ ਨੂੰ ਮੋਟਾਪਾ ਹੋਣ ਦਾ ਖ਼ਤਰਾ ਜ਼ਿਆਦਾ ਹੁੰਦਾ ਹੈ।

ਵਿਆਹ ਤੋਂ ਬਾਅਦ ਮਰਦਾਂ ਦਾ ਭਾਰ 62 ਫੀਸਦੀ ਤੇ ਔਰਤਾਂ ਦਾ ਭਾਰ 39% ਵਧਣ ਦੀ ਸੰਭਾਵਨਾ ਹੁੰਦੀ ਹੈ।

ਖੋਜ ’ਚ ਕਿਹਾ ਗਿਆ ਹੈ ਕਿ ਵਿਆਹ ਮਰਦਾਂ ’ਚ ਮੋਟਾਪੇ ਦਾ ਖ਼ਤਰਾ ਤਿੰਨ ਗੁਣਾ ਵਧਾ ਦਿੰਦੇ ਹਨ, ਜਦਕਿ ਔਰਤਾਂ ਦੇ ਮਾਮਲੇ ’ਚ ਅਜਿਹਾ ਨਹੀਂ ਹੈ।

ਇਕ ਰਿਪੋਰਟ ਅਨੁਸਾਰ ਮੋਟਾਪੇ ਲਈ ਮਾੜੀਆਂ ਖਾਣ-ਪੀਣ ਦੀਆਂ ਆਦਤਾਂ, ਜੈਨੇਟਿਕਸ, ਵਾਤਾਵਰਣ ਤੇ ਸਿਹਤ ਸਮੱਸਿਆਵਾਂ ਨੂੰ ਜ਼ਿੰਮੇਵਾਰ ਠਹਿਰਾਇਆ ਗਿਆ ਹੈ

ਪੋਲੈਂਡ ’ਚ ਨੈਸ਼ਨਲ ਇੰਸਟੀਚਿਊਟ ਆਫ਼ ਕਾਰਡੀਓਲੋਜੀ ਦੇ ਵਿਗਿਆਨੀਆਂ ਨੇ ਖੋਜ ਕਰ ਕੇ ਇਹ ਪਤਾ ਲਾਉਣ ਦੀ ਕੋਸ਼ਿਸ਼ ਕੀਤੀ ਕਿ ਕੀ ਮੋਟਾਪੇ ਲਈ ਹੋਰ ਕਾਰਨ ਵੀ ਜ਼ਿੰਮੇਵਾਰ ਹੁੰਦੇ ਹਨ ਜਾਂ ਨਹੀਂ।

ਖੋਜਕਾਰਾਂ ਨੇ 50 ਸਾਲ ਦੀ ਉਮਰ ਤੱਕ ਦੇ 2,405 ਪੁਰਸ਼ਾਂ ਦਾ ਅਧਿਐਨ ਕੀਤਾ।

ਇਸ ਵਿਚ ਵਧੇ ਹੋਏ ਭਾਰ ਤੇ ਉਮਰ, ਵਿਆਹੁਤਾ ਸਥਿਤੀ, ਮਾਨਸਿਕ ਸਿਹਤ ਤੇ ਹੋਰ ਕਾਰਕਾਂ ਵਿਚਾਲੇ ਸਬੰਧ ਦਾ ਪਤਾ ਲਾਉਣ ਦੀ ਕੋਸ਼ਿਸ਼ ਕੀਤੀ ਗਈ।

ਖੋਜ ਦੇ ਨਤੀਜਿਆਂ ਵਿਚ ਕਿਹਾ ਗਿਆ ਹੈ ਕਿ ਵਿਆਹੇ ਮਰਦਾਂ ਵਿਚ ਮੋਟਾਪੇ ਦਾ ਖ਼ਤਰਾ 3.2 ਫੀਸਦੀ ਵੱਧ ਹੁੰਦਾ ਹੈ ਪਰ ਵਿਆਹ ਔਰਤਾਂ ਵਿਚ ਮੋਟਾਪੇ ਦਾ ਖ਼ਤਰਾ ਨਹੀਂ ਵਧਾਉਂਦਾ।

2024 ਵਿਚ ਚੀਨ ’ਚ ਕੀਤੇ ਗਏ ਇਕ ਅਧਿਐਨ ਵਿਚ ਪਾਇਆ ਗਿਆ ਕਿ ਵਿਆਹ ਤੋਂ ਪਹਿਲਾਂ 5 ਸਾਲਾਂ ਦੌਰਾਨ ਮਰਦਾਂ ਦਾ ਬਾਡੀ ਮਾਸ ਇੰਡੈਕਸ ਵਧ ਗਿਆ

ਜਿਸ ਦਾ ਕਾਰਨ ਜ਼ਿਆਦਾ ਕੈਲੋਰੀ ਦੀ ਮਾਤਰਾ ਤੇ ਘੱਟ ਕਸਰਤ ਕਰਨਾ ਸੀ।

ਵਿਆਹ ਤੋਂ ਬਾਅਦ ਮਰਦਾਂ ਦਾ ਵੱਧ ਭਾਰ ਯਾਨੀ ਭਾਰ ਵਧਣ ਵਿਚ 5.2 ਫੀਸਦੀ ਦਾ ਵਾਧਾ ਹੋਇਆ ਤੇ ਮੋਟਾਪਾ 2.5 ਫੀਸਦੀ ਵਧਿਆ।