ਹੁਣ ਰੋਜ਼ਾਨਾ ਵਰਤੋਂ 'ਚ ਆਉਣ ਵਾਲਾ ਦੁੱਧ ਵੀ ਅਸਲੀ ਸ਼ੁੱਧ ਨਹੀਂ ਮਿਲ ਰਿਹਾ, ਬਲਕਿ ਮਿੱਠਾ ਜ਼ਹਿਰ ਬਣ ਚੁੱਕਾ ਹੈ।

ਦੁੱਧ ਨੂੰ 13ਵਾਂ ਰਤਨ ਕਹਿ ਜਾਂਦਾ ਹੈ, ਪਰ ਹੁਣ ਦੁੱਧ ਨੂੰ ਜ਼ਹਿਰੀਲਾ ਬਣਾ ਦਿੱਤਾ ਹੈ।

ਮਿਲਾਵਟ ਵਾਲਾ ਦੁੱਧ ਪੀਣ ਨਾਲ ਤੁਹਾਡੀ ਸਿਹਤ ਨੂੰ ਖਤਰਾ ਹੋ ਸਕਦਾ ਹੈ। ਅੱਜ ਅਸੀਂ ਤੁਹਾਨੂੰ ਕੁਝ ਅਜਿਹੇ ਤਰੀਕੇ ਦੱਸਣ ਜਾ ਰਹੇ ਹਾਂ, ਜਿਨ੍ਹਾਂ ਦੀ ਵਰਤੋਂ ਕਰਕੇ ਤੁਸੀਂ ਮਿਲਾਵਟ ਵਾਲੇ ਦੁੱਧ ਦੀ ਪਛਾਣ ਕਰ ਸਕਦੇ ਹੋ।

ਦੁੱਧ ਵਿੱਚ ਆਮ ਤੌਰ 'ਤੇ ਮਾਲਟੋਡੇਕਸਟ੍ਰੀਨ ਪਾਊਡਰ, ਰਿਫਾਇੰਡ ਆਇਲ ਅਤੇ ਹਾਈਡ੍ਰੋਜਨ ਪਰਆਕਸਾਈਡ ਦੀ ਮਿਲਾਵਟ ਹੁੰਦੀ ਹੈ। ਅਜਿਹੀ ਸਥਿਤੀ ਵਿੱਚ, ਤੁਸੀਂ ਦੁੱਧ ਨੂੰ ਸੁੰਘ ਕੇ ਜਾਂ ਦੁੱਧ ਨੂੰ ਚੱਖਣ ਨਾਲ ਇਸ ਦੀ ਸ਼ੁੱਧਤਾ ਦਾ ਪਤਾ ਲਗਾ ਸਕਦੇ ਹੋ।

ਸ਼ੁੱਧ ਦੁੱਧ ਦੀ ਪਛਾਣ ਕਰਨ ਲਈ, ਸਭ ਤੋਂ ਪਹਿਲਾਂ ਤੁਹਾਨੂੰ ਦੁੱਧ ਦੀਆਂ ਕੁਝ ਬੂੰਦਾਂ ਜ਼ਮੀਨ 'ਤੇ ਸੁੱਟਣੀਆਂ ਪੈਣਗੀਆਂ।

ਦੁੱਧ ਦੀਆਂ 2-3 ਬੂੰਦਾਂ ਜ਼ਮੀਨ 'ਤੇ ਸੁੱਟੋ ਅਤੇ ਦੇਖੋ ਕਿ ਦੁੱਧ ਕਿਵੇਂ ਵਹਿ ਰਿਹਾ ਹੈ। ਜੇਕਰ ਦੁੱਧ ਚਿੱਟਾ ਨਿਸ਼ਾਨ ਛੱਡ ਕੇ ਹੌਲੀ-ਹੌਲੀ ਵਹਿ ਰਿਹਾ ਹੋਵੇ ਤਾਂ ਇਹ ਦੁੱਧ ਸ਼ੁੱਧ ਹੈ।

ਪਰ ਜੇਕਰ ਦੁੱਧ ਜ਼ਮੀਨ 'ਤੇ ਡਿੱਗਦੇ ਹੀ ਤੇਜ਼ ਵਹਿਣ ਲੱਗੇ ਤਾਂ ਸਮਝੋ ਕਿ ਇਸ 'ਚ ਮਿਲਾਵਟ ਕੀਤੀ ਗਈ ਹੈ।

ਤੁਸੀਂ ਮਿਲਾਵਟੀ ਦੁੱਧ ਦੀ ਪਛਾਣ ਕਰਨ ਲਈ ਲਿਟਮਸ ਪੇਪਰ ਦੀ ਵਰਤੋਂ ਵੀ ਕਰ ਸਕਦੇ ਹੋ।

ਲਿਟਮਸ ਪੇਪਰ 'ਤੇ ਦੁੱਧ ਦੀਆਂ ਦੋ ਬੂੰਦਾਂ ਪਾਓ ਅਤੇ ਚੈੱਕ ਕਰੋ।ਜੇਕਰ ਦੁੱਧ ਵਿੱਚ ਯੂਰੀਆ ਮਿਲਿਆ ਹੋਵੇਗਾ ਤਾਂ ਲਿਟਮਸ ਪੇਪਰ ਦਾ ਰੰਗ ਲਾਲ ਤੋਂ ਨੀਲਾ ਹੋ ਜਾਵੇਗਾ। ਪਰ ਜੇਕਰ ਕਾਗਜ਼ ਦਾ ਰੰਗ ਇੱਕੋ ਜਿਹਾ ਰਹਿੰਦਾ ਹੈ, ਤਾਂ ਸਮਝੋ ਕਿ ਇਸ ਵਿੱਚ ਮਿਲਾਵਟ ਨਹੀਂ ਕੀਤੀ ਗਈ ਹੈ।

50 ਗਰਾਮ ਦੁੱਧ ਨੂੰ ਉਬਾਲ ਕੇ ਖੋਆ ਬਣਾਓ, ਬਣਿਆ ਖੋਆ ਤੋੜ ਕੇ ਵੇਖੋ ਜੇ ਆਰਾਮ ਨਾਲ ਟੁੱਟਦਾ ਹੈ ਤਾਂ ਠੀਕ ਜੇ ਰਬੜ ਵਾਂਗ ਵੱਧਦਾ ਹੈ ਤਾਂ ਨਕਲੀ/ਮਿਲਾਵਟ ਹੈ। ਨਕਲੀ ਖੋਏ ਦਾ ਸਵਾਦ ਵੀ ਵੱਖਰਾ ਹੁੰਦਾ ਹੈ।