IPL 2025 ਨਿਲਾਮੀ ਨੂੰ ਲੈ ਕੇ ਪ੍ਰਸ਼ੰਸਕ ਕਾਫੀ ਉਤਸ਼ਾਹਿਤ ਨਜ਼ਰ ਆ ਰਹੇ ਹਨ। BCCI ਨੇ ਸਾਰੀਆਂ ਫਰੈਂਚਾਇਜ਼ੀ ਦੇ ਮਾਲਕਾਂ ਨਾਲ ਵੀ ਮੀਟਿੰਗ ਕੀਤੀ ਹੈ।

ਇਸ ਵਾਰ ਕਈ ਵੱਡੇ ਨਿਯਮ ਵੀ ਲਾਗੂ ਹੋਣਗੇ। ਹਾਲਾਂਕਿ, IPL ਨਿਲਾਮੀ ਨੂੰ ਲੈ ਕੇ ਇੱਕ ਵੱਡਾ ਅਪਡੇਟ ਸਾਹਮਣੇ ਆਇਆ ਹੈ।

ਇਸ ਵਾਰ ਮੈਗਾ ਨਿਲਾਮੀ ਭਾਰਤ ਅਤੇ ਦੁਬਈ 'ਚ ਨਹੀਂ ਸਗੋਂ ਕਿਸੇ ਹੋਰ ਅਰਬ ਦੇਸ਼ 'ਚ ਆਯੋਜਿਤ ਹੋਣ ਜਾ ਰਹੀ ਹੈ। ਬੀਸੀਸੀਆਈ ਇਸ 'ਤੇ ਵਿਚਾਰ ਕਰ ਰਿਹਾ ਹੈ।

ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ ਸਾਊਦੀ ਅਰਬ ਵਿੱਚ ਇੱਕ ਵੱਡੀ ਨਿਲਾਮੀ ਕਰਵਾਉਣ ਬਾਰੇ ਵਿਚਾਰ ਕਰ ਰਿਹਾ ਹੈ।

ਹਾਲਾਂਕਿ, ਸਾਊਦੀ ਅਰਬ ਦੇ ਕਿਸ ਸ਼ਹਿਰ ਵਿੱਚ ਮੈਗਾ ਨਿਲਾਮੀ ਦਾ ਆਯੋਜਨ ਕੀਤਾ ਜਾਵੇਗਾ? ਇਸ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਹੈ।

ਪਰ ਇਸ ਵਾਰ ਜੇਦਾਹ ਸ਼ਹਿਰ ਵਿੱਚ ਨਿਲਾਮੀ ਹੋਣ ਦੀ ਸੰਭਾਵਨਾ ਹੈ। ਯੂਏਈ ਇਸ ਵਾਰ ਬੀਸੀਸੀਆਈ ਦੀ ਪਹਿਲੀ ਪਸੰਦ ਨਹੀਂ ਹੈ। ਫਿਲਹਾਲ ਬੀਸੀਸੀਆਈ ਲਈ ਮੈਗਾ ਨਿਲਾਮੀ ਲਈ ਹੋਟਲ ਲੱਭਣਾ ਚੁਣੌਤੀ ਹੈ।

ਕ੍ਰਿਕਬਜ਼ ਦੀ ਰਿਪੋਰਟ ਦੇ ਅਨੁਸਾਰ, ਲੰਡਨ ਨੂੰ ਆਈਪੀਐਲ ਨਿਲਾਮੀ ਲਈ ਸ਼ਾਰਟਲਿਸਟ ਕੀਤਾ ਗਿਆ ਸੀ।

ਪਰ ਬੀਸੀਸੀਆਈ ਨੇ ਠੰਡੇ ਮੌਸਮ ਕਾਰਨ ਬ੍ਰਿਟੇਨ ਵਿੱਚ ਮੇਗਾ ਨਿਲਾਮੀ ਦਾ ਆਯੋਜਨ ਨਾ ਕਰਨ ਦਾ ਫੈਸਲਾ ਕੀਤਾ ਸੀ।

ਬੀਸੀਸੀਆਈ ਹੁਣ ਅਜਿਹੀ ਜਗ੍ਹਾ ਦੀ ਤਲਾਸ਼ ਕਰ ਰਿਹਾ ਹੈ ਜਿੱਥੇ ਦੋ ਦਿਨਾਂ ਵਿੱਚ ਨਿਲਾਮੀ ਕੀਤੀ ਜਾ ਸਕੇ। ਹਰ ਵਾਰ ਦੀ ਤਰ੍ਹਾਂ ਇਸ ਵਾਰ ਵੀ ਨਿਲਾਮੀ 'ਚ 10 ਫਰੈਂਚਾਇਜ਼ੀ ਦਾ ਵਫਦ ਅਤੇ ਦੋ ਪ੍ਰਸਾਰਕ ਚੈਨਲਾਂ ਦੀ ਵੱਡੀ ਟੀਮ ਹਿੱਸਾ ਲਵੇਗੀ।