ਇਨ੍ਹਾਂ ਤਰੀਕਿਆਂ ਨਾਲ ਇਹ ਆਸਾਨੀ ਨਾਲ ਪਛਾਣਿਆ ਜਾ ਸਕਦਾ ਹੈ ਕਿ ਗੁੜ ਅਸਲੀ ਹੈ ਜਾਂ ਨਹੀਂ। ਸਾਵਧਾਨ ਰਹਿਣ ਨਾਲ ਅਸੀਂ ਆਪਣੇ ਆਪ ਨੂੰ ਧੋਖਾਧੜੀ ਤੋਂ ਬਚਾ ਸਕਦੇ ਹਾਂ ਅਤੇ ਨਾਲ ਹੀ ਆਪਣੀ ਸਿਹਤ ਨੂੰ ਨੁਕਸਾਨ ਹੋਣ ਤੋਂ ਵੀ।
ਸਰਦੀਆਂ ਦੇ ਮੌਸਮ ਵਿੱਚ ਗੁੜ ਦੀ ਵਰਤੋਂ ਜ਼ਿਆਦਾ ਵੱਧ ਜਾਂਦੀ ਹੈ। ਗੁੜ ਦਾ ਸਵਾਦ ਤਾਂ ਵਧੀਆ ਹੁੰਦਾ ਹੈ, ਪਰ ਸਵਾਦ ਦੇ ਨਾਲ-ਨਾਲ ਗੁੜ ਦੇ ਕਈ ਸਿਹਤ ਲਾਭ ਵੀ ਹੁੰਦੇ ਹਨ ਜੋ ਸਰਦੀਆਂ ਵਿੱਚ ਖਾਸ ਤੌਰ 'ਤੇ ਫਾਇਦੇਮੰਦ ਹੁੰਦੇ ਹਨ।
ਜਿਸ ਕਰਕੇ ਬਾਜ਼ਾਰਾਂ ਦੇ ਵਿੱਚ ਨਕਲੀ ਗੁੜ ਵੀ ਵਿੱਕਣ ਲੱਗ ਜਾਂਦਾ ਹੈ।
ਅਜਿਹੇ 'ਚ ਸਾਨੂੰ ਗੁੜ ਖਰੀਦਦੇ ਸਮੇਂ ਕੁੱਝ ਗੱਲਾਂ ਦਾ ਖਾਸ ਧਿਆਨ ਰੱਖਣਾ ਚਾਹੀਦਾ ਹੈ।
ਜੇਕਰ ਤੁਸੀਂ ਨਕਲੀ ਗੁੜ ਖਰੀਦ ਰਹੇ ਹੋ ਅਤੇ ਇਸਨੂੰ ਖਾ ਰਹੇ ਹੋ ਤਾਂ ਇਸ ਵਿੱਚ ਸੋਡੀਅਮ ਅਤੇ ਕੈਲਸ਼ੀਅਮ ਕਾਰਬੋਨੇਟ ਹੋਣ ਦਾ ਖਤਰਾ ਹੈ। ਇਸ ਨਾਲ ਸਰੀਰ ਨੂੰ ਕੋਈ ਫਾਇਦਾ ਨਹੀਂ ਹੁੰਦਾ ਅਤੇ ਇਹ ਸਰੀਰ ਨੂੰ ਹੋਰ ਬਿਮਾਰ ਕਰ ਦਿੰਦਾ ਹੈ।
ਅਸਲੀ ਗੁੜ ਇਸ ਦੇ ਰੰਗ ਤੋਂ ਪਛਾਣਿਆ ਜਾ ਸਕਦਾ ਹੈ। ਅਸਲੀ ਗੁੜ ਦਾ ਰੰਗ ਹਲਕਾ ਪੀਲਾ ਜਾਂ ਥੋੜ੍ਹਾ ਭੂਰਾ ਹੁੰਦਾ ਹੈ। ਇਹ ਸਾਫ਼ ਅਤੇ ਚਮਕਦਾਰ ਦਿਖਾਈ ਦਿੰਦਾ ਹੈ।
ਇਸ ਵਿੱਚ ਕੋਈ ਕਾਲਾ, ਚਿੱਟਾ ਜਾਂ ਹੋਰ ਰੰਗਦਾਰ ਧੱਬੇ ਨਹੀਂ ਹਨ। ਇਸ ਦੇ ਨਾਲ ਹੀ ਨਕਲੀ ਜਾਂ ਮਿਲਾਵਟੀ ਗੁੜ ਵਿਚ ਛੋਟੇ-ਛੋਟੇ ਚਿੱਟੇ ਕਣ ਜਾਂ ਧੱਬੇ ਨਜ਼ਰ ਆਉਂਦੇ ਹਨ।
ਇਸ ਦਾ ਰੰਗ ਅਸਲੀ ਗੁੜ ਨਾਲੋਂ ਗੂੜਾ ਭੂਰਾ ਜਾਂ ਕਾਲਾ ਵੀ ਹੋ ਸਕਦਾ ਹੈ। ਇਸ ਲਈ ਰੰਗ ਨੂੰ ਧਿਆਨ ਨਾਲ ਦੇਖ ਕੇ ਅਸਲੀ ਅਤੇ ਨਕਲੀ ਗੁੜ ਨੂੰ ਆਸਾਨੀ ਨਾਲ ਵੱਖ ਕੀਤਾ ਜਾ ਸਕਦਾ ਹੈ।
ਅਸਲੀ ਗੁੜ ਦਾ ਸਵਾਦ ਬਹੁਤ ਖੁਸ਼ਬੂਦਾਰ ਅਤੇ ਸੁਆਦੀ ਮਿੱਠਾ ਹੁੰਦਾ ਹੈ। ਅਸਲ ਗੁੜ ਵਿੱਚ ਗੰਨੇ ਦੀ ਮਿੱਠੀ ਖੁਸ਼ਬੂ ਸਾਫ਼ ਮਹਿਸੂਸ ਹੁੰਦੀ ਹੈ। ਇਸ ਦਾ ਸਵਾਦ ਨਾ ਤਾਂ ਬਹੁਤਾ ਮਿੱਠਾ ਹੁੰਦਾ ਹੈ ਅਤੇ ਨਾ ਹੀ ਬਿਲਕੁਲ ਕੌੜਾ ਹੁੰਦਾ ਹੈ।
ਜਦੋਂ ਕਿ ਨਕਲੀ ਜਾਂ ਮਿਲਾਵਟੀ ਗੁੜ ਕਈ ਵਾਰ ਸਵਾਦ ਵਿੱਚ ਬਹੁਤ ਮਿੱਠਾ ਜਾਂ ਕੌੜਾ ਹੁੰਦਾ ਹੈ। ਅਜਿਹੇ ਗੁੜ ਤੋਂ ਗੰਨੇ ਦੀ ਮਹਿਕ ਨਹੀਂ ਆਉਂਦੀ। ਇਸ ਲਈ ਸਵਾਦ ਦੇ ਆਧਾਰ 'ਤੇ ਅਸਲੀ ਅਤੇ ਨਕਲੀ ਗੁੜ ਨੂੰ ਆਸਾਨੀ ਨਾਲ ਵੱਖ ਕੀਤਾ ਜਾ ਸਕਦਾ ਹੈ।
ਗੁੜ ਨੂੰ ਗੈਸ 'ਤੇ ਕੜਾਹੀ ਵਿੱਚ ਗਰਮ ਕਰਕੇ ਪਛਾਣਿਆ ਜਾ ਸਕਦਾ ਹੈ। ਅਸਲੀ ਗੁੜ ਦੀ ਤਰਲਤਾ ਥੋੜੀ ਚਿਪਚਿਪੀ ਅਤੇ ਮੋਟੀ ਹੁੰਦੀ ਹੈ। ਇਹ ਆਸਾਨੀ ਨਾਲ ਨਹੀਂ ਵਗਦਾ।