ਅੱਜ ਦੇ ਡਿਜੀਟਲ ਯੁੱਗ ਵਿੱਚ, ਮੋਬਾਈਲ ਫੋਨ ਸਾਡੇ ਸਾਰਿਆਂ ਦੇ ਹੱਥਾਂ ਵਿੱਚ ਨਜ਼ਰ ਆਉਂਦਾ ਹੈ। ਹਰ ਕੰਮ ਲਈ ਮੋਬਾਈਲ ਦੀ ਵਰਤੋਂ ਕੀਤੀ ਜਾ ਰਹੀ ਹੈ।

ਗੱਲ-ਬਾਤ ਹੋਵੇ, ਖਬਰਾਂ ਪੜ੍ਹਨਾ ਹੋਵੇ ਜਾਂ ਆਨਲਾਈਨ ਸ਼ਾਪਿੰਗ ਹੋਵੇ, ਸਾਡੇ ਹੱਥਾਂ 'ਚ ਹਮੇਸ਼ਾ ਮੋਬਾਈਲ ਹੁੰਦਾ ਹੈ

ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਸ ਦੀ ਵਰਤੋਂ ਕਰਨ ਨਾਲ ਸਾਡੀਆਂ ਉਂਗਲਾਂ ਨੂੰ ਕਾਫੀ ਨੁਕਸਾਨ ਹੋ ਰਿਹਾ ਹੈ।

ਮੋਬਾਈਲ ਫੋਨ ਦੀ ਜ਼ਿਆਦਾ ਵਰਤੋਂ ਨਾਲ ਉਂਗਲਾਂ 'ਚ 'ਟ੍ਰਿਗਰ ਫਿੰਗਰ' ਨਾਂ ਦੀ ਸਮੱਸਿਆ ਪੈਦਾ ਹੋਣ ਲੱਗੀ ਹੈ, ਜਿਸ ਨਾਲ ਉਂਗਲਾਂ 'ਚ ਦਰਦ, ਸੋਜ ਅਤੇ ਅਕੜਾਅ ਹੋ ਜਾਂਦਾ ਹੈ।

ਦੁਨੀਆ ਭਰ ਵਿੱਚ ਲਗਭਗ 2% ਲੋਕ ਇਸ ਬਿਮਾਰੀ ਤੋਂ ਪੀੜਤ ਹਨ। ਅਜਿਹੇ 'ਚ ਸਾਨੂੰ ਮੋਬਾਇਲ ਦੀ ਘੱਟ ਵਰਤੋਂ 'ਤੇ ਧਿਆਨ ਦੇਣ ਦੀ ਲੋੜ ਹੈ।

ਸਵੇਰੇ ਉਂਗਲਾਂ ਅਕੜਨ ਮਹਿਸੂਸ ਹੁੰਦੀਆਂ ਹਨ। ਜਦੋਂ ਉਂਗਲੀ ਨੂੰ ਹਿਲਾਇਆ ਜਾਂਦਾ ਹੈ ਤਾਂ ਟਿੱਕ ਕਰਨ ਦੀ ਆਵਾਜ਼ ਸੁਣਾਈ ਦਿੰਦੀ ਹੈ।

ਪ੍ਰਭਾਵਿਤ ਉਂਗਲੀ ਦੇ ਹੇਠਾਂ ਹਥੇਲੀ ਵਿੱਚ ਦਰਦ ਜਾਂ ਗੰਢ ਮਹਿਸੂਸ ਹੁੰਦੀ ਹੈ। ਕਈ ਵਾਰ ਉਂਗਲੀ ਅਚਾਨਕ ਝੁਕ ਜਾਂਦੀ ਹੈ ਅਤੇ ਫਿਰ ਦੁਬਾਰਾ ਖੁੱਲ੍ਹ ਜਾਂਦੀ ਹੈ।

ਜੇਕਰ ਅਸੀਂ ਆਪਣੀਆਂ ਉਂਗਲਾਂ ਨੂੰ ਲਗਾਤਾਰ ਮੋੜਦੇ ਜਾਂ ਸਿੱਧੇ ਕਰਦੇ ਹਾਂ ਜਾਂ ਉਨ੍ਹਾਂ ਦੀ ਜ਼ਬਰਦਸਤੀ ਵਰਤੋਂ ਕਰਦੇ ਹਾਂ ਤਾਂ ਉਂਗਲਾਂ ਦੀਆਂ ਨਾੜੀਆਂ ਸੁੱਜ ਜਾਂਦੀਆਂ ਹਨ।

ਹੱਥ ਨੂੰ ਆਰਾਮ ਦੇਣਾ ਅਤੇ ਅਜਿਹੀਆਂ ਗਤੀਵਿਧੀਆਂ ਤੋਂ ਪਰਹੇਜ਼ ਕਰਨਾ ਜੋ ਸਮੱਸਿਆ ਨੂੰ ਵਧਾ ਸਕਦੀਆਂ ਹਨ। ਰਾਤ ਨੂੰ ਸਪਲਿੰਟ ਲਗਾ ਕੇ ਪ੍ਰਭਾਵਿਤ ਉਂਗਲੀ ਜਾਂ ਅੰਗੂਠੇ ਨੂੰ ਸਿੱਧਾ ਰੱਖਣਾ।

ਹੱਥਾਂ ਲਈ ਹਲਕੀ ਖਿੱਚਣ ਵਾਲੀ ਕਸਰਤ ਕਰੋ ਜਿਸ ਨਾਲ ਅਕੜਾਅ ਘੱਟ ਹੋਵੇਗਾ। ਪੈਰਾਸੀਟਾਮੋਲ ਵਰਗੀਆਂ ਦਵਾਈਆਂ ਦਰਦ ਅਤੇ ਸੋਜ ਨੂੰ ਘਟਾ ਸਕਦੀਆਂ ਹਨ।