ਗਰਮੀਆਂ ਸ਼ੁਰੂ ਹੁੰਦੇ ਹੀ ਘਰ ਦੇ ਬਜ਼ੁਰਗ ਹੀਟਸਟ੍ਰੋਕ ਤੋਂ ਬਚਣ ਲਈ ਪਿਆਜ਼ ਨੂੰ ਡਾਈਟ 'ਚ ਸ਼ਾਮਲ ਕਰਨ ਦੀ ਸਲਾਹ ਦਿੰਦੇ ਹਨ।
ਇਹੀ ਕਾਰਨ ਹੈ ਕਿ ਇਸ ਮੌਸਮ 'ਚ ਹੋਰ ਸਬਜ਼ੀਆਂ ਦੇ ਨਾਲ-ਨਾਲ ਸਲਾਦ ਦੀ ਪਲੇਟ 'ਚ ਪਿਆਜ਼ ਨੂੰ ਜ਼ਰੂਰ ਜਗ੍ਹਾ ਦਿੱਤੀ ਜਾਂਦੀ ਹੈ। ਇਸ ਦੀ ਵਰਤੋਂ ਖਾਣੇ ਦੇ ਨਾਲ ਸਲਾਦ ਦੇ ਰੂਪ ਦੇ ਵਿੱਚ ਕੀਤੀ ਜਾਂਦੀ ਹੈ।
ਰੈਸਟੋਰੈਂਟਾਂ ਦੇ ਵਿੱਚ ਖਾਣੇ ਦੇ ਨਾਲ ਸਿਰਕੇ ਵਾਲਾ ਪਿਆਜ਼ ਦਿੱਤਾ ਜਾਂਦਾ ਹੈ। ਜੋ ਕਿ ਲੋਕਾਂ ਨੂੰ ਬਹੁਤ ਹੀ ਜ਼ਿਆਦਾ ਪਸੰਦ ਹੁੰਦਾ ਹੈ।
ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਤੁਸੀਂ ਕਿਵੇਂ ਇਸ ਨੂੰ ਘਰ ਦੇ ਵਿੱਚ ਤਿਆਰ ਕਰ ਸਕਦੇ ਹੋ
ਸਮੱਗਰੀ- 20 ਛੋਟੇ ਪਿਆਜ਼, ਅੱਧਾ ਕਟੋਰੀ ਚਿੱਟਾ ਸਿਰਕਾ, ਅੱਧਾ ਕੱਪ ਪਾਣੀ, 3 ਚਮਚ ਚੀਨੀ, 2 ਚਮਚ ਲੂਣ,5-6 ਹਰੀਆਂ ਮਿਰਚਾਂ,1 ਕਟੋਰੀ ਕੱਟਿਆ ਚੁਕੰਦਰ
ਸਿਰਕਾ ਪਿਆਜ਼ ਬਣਾਉਣ ਲਈ ਪਹਿਲਾਂ ਛੋਟੇ ਪਿਆਜ਼ ਨੂੰ ਛਿੱਲ ਲਓ ਅਤੇ ਸਾਫ਼ ਪਾਣੀ ਨਾਲ ਧੋ ਲਓ। ਹੁਣ ਇਨ੍ਹਾਂ ਪਿਆਜ਼ਾਂ ਦੇ ਸਾਰੇ ਪਾਸੇ ਹਲਕੇ ਕੱਟ ਲਓ।
ਇਸ ਤੋਂ ਬਾਅਦ 1 ਵੱਡੀ ਕਟੋਰੀ 'ਚ ਅੱਧਾ ਕੱਪ ਸਿਰਕਾ ਅਤੇ 1 ਕੱਪ ਪਾਣੀ, 3 ਚਮਚ ਚੀਨੀ ਅਤੇ 2 ਚਮਚ ਨਮਕ ਪਾਓ ਅਤੇ ਹਰ ਚੀਜ਼ ਨੂੰ ਚੰਗੀ ਤਰ੍ਹਾਂ ਨਾਲ ਮਿਲਾਓ।
ਇਸ ਤੋਂ ਬਾਅਦ ਇਸ ਕਟੋਰੀ ਵਿਚ ਕੱਟਿਆ ਚੁਕੰਦਰ ਅਤੇ 5-6 ਹਰੀਆਂ ਮਿਰਚਾਂ ਅਤੇ ਪਿਆਜ਼ ਪਾਓ ਅਤੇ ਹਰ ਚੀਜ਼ ਨੂੰ ਚੰਗੀ ਤਰ੍ਹਾਂ ਨਾਲ ਮਿਲਾਓ।
ਇਸ ਤੋਂ ਬਾਅਦ ਸਿਰਕਾ ਪਿਆਜ਼ ਨੂੰ ਸਟੋਰ ਕਰਨ ਲਈ ਇਕ ਕੱਚ ਦਾ ਜਾਰ ਲਓ ਅਤੇ ਪਿਆਜ਼ ਨਾਲ ਭਰ ਲਓ। ਇਸ ਜਾਰ 'ਚ ਸਿਰਕੇ ਦਾ ਪਾਣੀ ਵੀ ਪਾ ਦਿਓ।
2-3 ਦਿਨਾਂ ਬਾਅਦ ਤੁਸੀਂ ਦੇਖੋਗੇ ਕਿ ਪਿਆਜ਼ ਦਾ ਸਿਰਕਾ ਲਾਲ ਹੋਣਾ ਸ਼ੁਰੂ ਹੋ ਗਿਆ ਹੈ। ਤੁਸੀਂ ਇਸ ਸਿਰਕੇ ਦੇ ਪਿਆਜ਼ ਨੂੰ ਇੱਕ ਹਫ਼ਤੇ ਤੱਕ ਸਟੋਰ ਕਰ ਸਕਦੇ ਹੋ।
Thanks for Reading.
UP NEXT
ਜੇਕਰ ਤੁਹਾਡਾ ਕੂਲਰ ਮਾਰਦਾ ਹੈ ਹੂੰਮਸ ਤੇ ਗਰਮ ਹਵਾ ਤਾਂ ਅਜ਼ਮਾਓ ਇਹ 5 TIPS
View next story