ਅੱਜ-ਕੱਲ੍ਹ ਲੋਕ ਟੂਥ ਪੇਸਟ ਕਰਨ ਲੱਗੇ ਹਨ ਪਰ ਦੰਦਾਂ ਦੀਆਂ ਬਿਮਾਰੀਆਂ ਵਿੱਚ ਵੀ ਵਾਧਾ ਹੋਇਆ ਹੈ।

ਜਦੋਂ ਲੋਕ ਦਾਤਣ ਕਰਦੇ ਸੀ ਤਾਂ ਉਸ ਵੇਲੇ 80 ਸਾਲ ਦੀ ਉਮਰ ਤੱਕ ਵੀ ਦੰਦ ਮਜਬੂਤ ਰਹਿੰਦੇ ਸੀ।

ਸਿਹਤ ਮਾਹਿਰਾਂ ਦਾ ਕਹਿਣਾ ਹੈ ਕਿ ਦਾਤਣ ਔਸ਼ਧੀ ਗੁਣਾਂ ਨਾਲ ਭਰਪੂਰ ਹੁੰਦੀ ਹੈ ਜੋ ਦੰਦਾਂ ਦੀ ਸਫਾਈ ਦੇ ਨਾਲ ਹੀ ਸਿਹਤ ਲਈ ਵੀ ਬਹੁਤ ਫਾਇਦੇਮੰਦ ਹੁੰਦੀ ਹੈ।

ਜੇਕਰ ਤੁਸੀਂ ਨਿਯਮਿਤ ਤੌਰ ‘ਤੇ ਦਾਤਣ ਕਰਦੇ ਹੋ ਤਾਂ ਦੰਦਾਂ ‘ਚ ਕੀੜਾ ਨਹੀਂ ਲੱਗਦਾ। ਇਸ ਦੇ ਪਿੱਛੇ ਕਾਰਨ ਇਹ ਹੈ ਕਿ ਦਾਤਣ ਪੂਰੀ ਤਰ੍ਹਾਂ ਕੁਦਰਤੀ ਤੇ ਕੀਟਾਣੂਨਾਸ਼ਕ ਹੈ।

ਇਸ ਦੀ ਵਰਤੋਂ ਕਰਨ ਨਾਲ ਦੰਦ ਤੇ ਜੀਭ ਅੰਦਰੋਂ ਚੰਗੀ ਤਰ੍ਹਾਂ ਸਾਫ਼ ਹੋ ਜਾਂਦੇ ਹਨ। ਇਸ ਤਰ੍ਹਾਂ ਦੰਦਾਂ ਨੂੰ ਕੀੜਿਆਂ ਤੋਂ ਬਚਾਇਆ ਜਾਂਦਾ ਹੈ।

ਪਰ ਦਾਤਣ ਦੀ ਵਰਤੋਂ ਕਰਕੇ ਇਸ ਸਮੱਸਿਆ ਤੋਂ ਬਚਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਨਿੰਮ ਦੀ ਦਾਤਣ ਕਰਨ ਨਾਲ ਮਸੂੜਿਆਂ ਨੂੰ ਤਾਕਤ ਮਿਲਦੀ ਹੈ।

ਨਿੰਮ, ਬੇਰ, ਬੋਹੜ ਤੇ ਕਿੱਕਰ ਦੀ ਦਾਤਣ ਬਹੁਤ ਫਾਇਦੇਮੰਦ ਮੰਨੇ ਜਾਂਦੀ ਹੈ।

ਆਯੁਰਵੇਦ ਵਿੱਚ ਨਿੰਮ ਦੀ ਦਾਤਣ ਸਿਹਤ ਲਈ ਬਹੁਤ ਫਾਇਦੇਮੰਦ ਮੰਨੀ ਗਈ ਹੈ। ਨਿੰਮ ਦੇ ਦਾਤਣ ਕੁਦਰਤੀ ਮਾਊਥ ਫਰੈਸ਼ਨਰ ਦਾ ਵੀ ਕੰਮ ਕਰਦੀ ਹੈ, ਜਿਸ ਨਾਲ ਸਾਹ ਦੀ ਬਦਬੂ ਨਹੀਂ ਆਉਂਦੀ।

ਲੋਕ ਕਿੱਕਰ ਦੀਆਂ ਟਹਿਣੀਆਂ ਤੋਂ ਬਣੇ ਦਾਤਣ ਦੀ ਵਰਤੋਂ ਕਰਨਾ ਵੀ ਪਸੰਦ ਕਰਦੇ ਹਨ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਕਿੱਕਰ ਦੀ ਦਾਤਣ ਮਸੂੜਿਆਂ ਨੂੰ ਵੀ ਸਾਫ਼ ਰੱਖਦੀ ਹੈ ਤੇ ਦੰਦਾਂ ਨੂੰ ਮਜ਼ਬੂਤ ਕਰਦੀ ਹੈ।

ਬੋਹੜ ਦੀ ਸੱਕ ਵਿੱਚ 10 ਫੀਸਦੀ ਟੈਨਿਕ ਪਾਇਆ ਜਾਂਦਾ ਹੈ। ਇਸ ਦਾ ਰਸ ਪੀੜ, ਵਨਸਪਤੀ, ਸੋਜ, ਅੱਖਾਂ ਦੀ ਰੌਸ਼ਨੀ, ਰਕਤਰਤੰਭ ਤੇ ਰਕਤਪੀਠਰ ਆਦਿ ਰੋਗਾਂ ਵਿਚ ਲਾਭਦਾਇਕ ਹੈ।