ਰੈਵੇਨਿਊ ਪਟਵਾਰ ਯੂਨੀਅਨ ਦੇ ਸੱਦੇ ’ਤੇ ਸ਼ੁੱਕਰਵਾਰ ਨੂੰ ਜਲੰਧਰ ਸਥਿਤ ਡਿਪਟੀ ਕਮਿਸ਼ਨਰ ਦਫ਼ਤਰ ਕੰਪਲੈਕਸ ਦਾ ਪਟਵਾਰਖਾਨਾ ਪੂਰੀ ਤਰ੍ਹਾਂ ਬੰਦ ਰਿਹਾ

ਸਾਰੇ ਪਟਵਾਰੀ ਸਮੂਹਿਕ ਛੁੱਟੀ 'ਤੇ ਰਹੇ, ਜਿਸ ਕਾਰਨ ਜ਼ਮੀਨ ਅਤੇ ਮਾਲੀਆ ਵਿਭਾਗ ਨਾਲ ਜੁੜੇ ਵਧੇਰੇ ਕੰਮ ਪ੍ਰਭਾਵਿਤ ਹੋਏ

ਪਟਵਾਰਖਾਨਾ ਬੰਦ ਰਹਿਣ ਨਾਲ ਜ਼ਮੀਨ ਸਬੰਧੀ ਦਸਤਾਵੇਜ਼ਾਂ ਅਤੇ ਹੋਰ ਕੰਮਾਂ ਲਈ ਪਹੁੰਚੇ ਲੋਕਾਂ ਨੂੰ ਬਿਨਾਂ ਕੰਮ ਕਰਵਾਏ ਵਾਪਸ ਮੁੜਨਾ ਪਿਆ

ਪਟਵਾਰੀਆਂ ਨੇ ਸਵਾਮਿੱਤਵ (ਲਾਲ ਲਕੀਰ) ਯੋਜਨਾ ਦਾ ਪੂਰਨ ਬਾਈਕਾਟ ਕੀਤਾ। ਇਸ ਤੋਂ ਇਲਾਵਾ ਐਗਰੀਸਟੈਕ ਐਪ ਅਤੇ ਆਨਲਾਈਨ ਪੋਰਟਲ ਜ਼ਰੀਏ ਕਿਸਾਨ ਆਈ. ਡੀ. (ਜ਼ਮੀਨ ਤਸਦੀਕ) ਨਾਲ ਜੁੜੀ ਕਿਸੇ ਵੀ ਅਰਜ਼ੀ ਨੂੰ ਮਨਜ਼ੂਰੀ (ਅਪਰੂਵਲ) ਨਹੀਂ ਦਿੱਤੀ ਗਈ

ਹੜਤਾਲ ਕਾਰਨ ਇੰਤਕਾਲ (ਮਿਊਟੇਸ਼ਨ) ਦੇ ਮਾਮਲਿਆਂ ਦਾ ਵੀ ਨਿਪਟਾਰਾ ਨਹੀਂ ਹੋ ਸਕਿਆ, ਜਿਸ ਨਾਲ ਕਈ ਮਾਮਲੇ ਲਟਕਦੇ ਰਹਿ ਗਏ

ਇਸ ਦੌਰਾਨ ਪਟਵਾਰੀ ਰਵੀ ਸੱਭਰਵਾਲ, ਰੋਹਿਤ ਸਹੋਤਾ, ਵੀਰੇਂਦਰ ਕੁਮਾਰ, ਭੋਲਾ ਸਿੰਘ, ਰਾਜੇਂਦਰ ਸਿੱਧੂ, ਭਾਵਨਾ ਸਿੰਘ, ਮਧੂ, ਦੁਸ਼ਯੰਤ ਸ਼ਰਮਾ ਸਮੇਤ ਹੋਰ ਕਰਮਚਾਰੀਆਂ ਨੇ ਦੱਸਿਆ ਕਿ ਉਨ੍ਹਾਂ ਦੀਆਂ ਲੰਮੇ ਸਮੇਂ ਤੋਂ ਲਟਕਦੀਆਂ ਮੰਗਾਂ ’ਤੇ ਸਰਕਾਰ ਵੱਲੋਂ ਕੋਈ ਠੋਸ ਫ਼ੈਸਲਾ ਨਹੀਂ ਲਿਆ ਗਿਆ

ਉਨ੍ਹਾਂ ਕਿਹਾ ਕਿ ਵਾਰ-ਵਾਰ ਮੰਗ ਉਠਾਉਣ ਦੇ ਬਾਵਜੂਦ ਕਰਮਚਾਰੀਆਂ ਦੀਆਂ ਸਮੱਸਿਆਵਾਂ ਦਾ ਹੱਲ ਨਹੀਂ ਕੀਤਾ ਜਾ ਰਿਹਾ, ਜਿਸ ਨਾਲ ਪਟਵਾਰੀਆਂ ਵਿਚ ਰੋਸ ਲਗਾਤਾਰ ਵਧ ਰਿਹਾ ਹੈ।

ਯੂਨੀਅਨ ਦੇ ਨੁਮਾਇੰਦਿਆਂ ਨੇ ਦੱਸਿਆ ਕਿ ਉਨ੍ਹਾਂ ਦੀਆਂ ਮੁੱਖ ਮੰਗਾਂ ਵਿਚ ਸਟੇਟ ਕੇਡਰ ਵਿਵਸਥਾ ਨੂੰ ਰੱਦ ਕਰਨਾ, 17 ਜੁਲਾਈ 2020 ਨਾਲ ਸਬੰਧਤ ਸੱਤਵੇਂ ਤਨਖ਼ਾਹ ਕਮਿਸ਼ਨ ਦੇ ਪੱਤਰ ਨੂੰ

ਵਾਪਸ ਲੈਣਾ ਅਤੇ ਖ਼ਤਮ ਕੀਤੀਆਂ ਗਈਆਂ 1056 ਪਟਵਾਰੀ ਅਸਾਮੀਆਂ ਦੀ ਬਹਾਲੀ ਸ਼ਾਮਲ ਹੈ

ਇਸ ਤੋਂ ਇਲਾਵਾ ਵਿਭਾਗੀ ਕਰਮਚਾਰੀਆਂ ਨਾਲ ਜੁੜੇ ਹੋਰ ਲਟਕਦੇ ਮਾਮਲਿਆਂ ਦਾ ਵੀ ਜਲਦ ਹੱਲ ਕਰਨ ਦੀ ਮੰਗ ਕੀਤੀ ਗਈ ਹੈ।