ਪੰਜਾਬੀ ਗਾਇਕਾ ਬਾਣੀ ਸੰਧੂ ਇੰਨੀਂ ਦਿਨੀਂ ਖੂਬ ਸੁਰਖੀਆਂ ਬਟੋਰ ਰਹੀ ਹੈ। ਹਾਲ ਹੀ 'ਚ ਉਸ ਦੀ ਫਿਲਮ 'ਮੈਡਲ' ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਹੈ।

ਇਸ ਫਿਲਮ 'ਚ ਬਾਣੀ ਆਪਣੇ ਕੋ-ਅਦਾਕਾਰ ਜੈ ਰੰਧਾਵਾ ਦੇ ਨਾਲ ਰੋਮਾਂਸ ਕਰਦੀ ਨਜ਼ਰ ਆਈ। ਫਿਲਮ ਨੂੰ ਭਾਰਤ ਖਾਸ ਕਰਕੇ ਪੰਜਾਬ, ਹਰਿਆਣਾ ਤੇ ਰਾਜਧਾਨੀ ਚੰਡੀਗੜ੍ਹ 'ਚ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ।

ਫਿਲਮ ਦੇ ਤਕਰੀਬਨ ਸਾਰੇ ਸ਼ੋਅਜ਼ ਹਾਊਸਫੁੱਲ ਚੱਲ ਰਹੇ ਹਨ। ਇੱਕ ਕਾਬਲ ਸਟੂਡੈਂਟ ਦੇ ਗੈਂਗਸਟਰ ਬਣਨ ਦੀ ਕਹਾਣੀ ਤੇ ਬਾਣੀ ਦਾ ਡੈਬਿਉ ਲੋਕਾਂ ਦਾ ਖੂਬ ਦਿਲ ਜਿੱਤ ਰਿਹਾ ਹੈ।

ਪ੍ਰਸ਼ੰਸਕਾਂ ਵੱਲੋਂ ਮਿਲ ਰਹੇ ਪਿਆਰ ਨੂੰ ਦੇਖ ਬਾਣੀ ਸੰਧੂ ਨੇ ਪੋਸਟ ਸਾਂਝੀ ਕਰ ਸਭ ਦਾ ਧੰਨਵਾਦ ਕੀਤਾ ਹੈ। ਤੁਸੀ ਵੀ ਵੇਖੋ ਬਾਣੀ ਸੰਧੂ ਦੀ ਇਹ ਖਾਸ ਪੋਸਟ...

ਬਾਣੀ ਸੰਧੂ ਨੇ ਆਪਣੇ ਸੋਸ਼ਲ਼ ਮੀਡੀਆ ਹੈਂਡਲ ਇੰਸਟਾਗ੍ਰਾਮ ਉੱਪਰ ਪੋਸਟ ਸਾਂਝੀ ਕਰਦੇ ਹੋਏ ਲਿਖਿਆ, ਅੱਖਾਂ ਬਹੁਤ ਕੁੱਝ ਬਿਆਨ ਕਰਦੀਆਂ ਨੇ 💕 ਪਹਿਲਾਂ ਤਾਂ ਸਾਰਿਆਂ ਦਾ ਧੰਨਵਾਦ, ਜਿਹੜਾ ਤੁਸੀ ਮੈਡਲ ਨੂੰ ਇੰਨਾ ਜ਼ਿਆਦਾ ਪਿਆਰ ਦੇ ਰਹੇ ਹੋ...

ਗਾਇਕਾ ਨੇ ਅੱਗੇ ਲਿਖਦੇ ਹੋਏ ਕਿਹਾ ਕਿ ਸ਼ੁਕਰਗਜ਼ਾਰ ਹਾ ਉਸ ਪ੍ਰਮਾਤਮਾ ਦੀ ਵੀ ਡੈਬਿਊ ਮੂਵੀ ਆ ਮੇਰੀ ਤੇ ਉਹ ਵੀ ਬਲਾੱਕਬਸਟਰ...

ਸਭ ਤੋਂ ਜ਼ਿਆਦਾ ਖੁਸ਼ੀ ਮੈਨੂੰ ਮੇਰੀ ਟੀਮ ਨੂੰ ਖੁਸ਼ ਹੁੰਦੀਆਂ ਦੇਖ ਕੇ ਮਿਲ ਰਹੀ ਆ... ਉਨ੍ਹਾਂ ਵੱਲ ਦੇਖ-ਦੇਖ ਕੇ ਖੁਸ਼ ਹੋ ਰਹੀ ਆਂ ਮੈਂ... ਮੈਂ ਮੈਡਲ ਵਿੱਚ ਇੰਨੀ ਵਧੀਆ ਟੀਮ ਨਾਲ ਕੰਮ ਕਰ ਬਹੁਤ ਧੰਨਵਾਨ ਮਹਿਸੂਸ ਕਰ ਰਹੀ ਹਾਂ...

ਸਾਰਿਆਂ ਦੀ ਮੇਹਨਤ ਤੇ ਫਿਰ ਮੇਹਨਤ ਪਿੱਛੇ ਬਹੁਤ ਜ਼ਿਆਦਾ ਪਾਜ਼ੀਟਿਵ ਸੋਚ ਰੱਖਣ ਦਾ ਤੁਸੀ ਸਾਰੇ ਇੰਨਾ ਮੁੱਲ ਪਾ ਰਹੇ ਓ... ਸਾਰੀ ਮੈਡਲ ਟੀਮ ਨੂੰ ਬਹੁਤ-ਬਹੁਤ ਸ਼ੁਕਰੀਆਂ...🙏🏽🙏🏽☺️☺️...

ਫਿਲਮ ਦੀ ਅਦਾਕਾਰਾ ਬਾਣੀ ਸੰਧੂ ਨੇ ਇਸ ਦੀ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਉਸ ਨੇ ਸਿਨੇਮਾਘਰਾਂ 'ਚ ਮੰਜ਼ਰ ਦਿਖਾਇਆ ਹੈ। ਸਿਨੇਮਾਘਰ ਲੋਕਾਂ ਦੇ ਨਾਲ ਭਰੇ ਹੋਏ ਹਨ ਅਤੇ ਲੋਕ ਫਿਲਮ ਦਾ ਖੂਬ ਅਨੰਦ ਵੀ ਮਾਣ ਰਹੇ ਹਨ।

ਕਾਬਿਲੇਗ਼ੌਰ ਹੈ ਕਿ ਮੈਡਲ ਫਿਲਮ 2 ਜੂਨ ਨੂੰ ਰਿਲੀਜ਼ ਹੋਈ ਸੀ। ਇਸ ਫਿਲਮ ਰਾਹੀਂ ਬਾਣੀ ਨੇ ਐਕਟਿੰਗ ਦੀ ਦੁਨੀਆ 'ਚ ਕਦਮ ਰੱਖਿਆ ਹੈ। ਜਿਸ ਨੂੰ ਦਰਸ਼ਕਾਂ ਦਾ ਭਰਮਾ ਹੁੰਗਾਰਾ ਮਿਲ ਰਿਹਾ ਹੈ।