ਹਰ ਕਿਸੇ ਦੀ ਨਜ਼ਰ ਆਉਣ ਵਾਲੇ ਆਸਕਰ ਅਵਾਰਡ (Oscars 2023) ਸਮਾਰੋਹ 'ਤੇ ਹੈ। ਕਿਉਂਕਿ ਇਸ ਵਾਰ ਆਸਕਰ 'ਚ ਭਾਰਤੀ ਸਿਨੇਮਾ ਦੀ ਸ਼ਾਨ ਬੋਲਦੀ ਨਜ਼ਰ ਆ ਸਕਦੀ ਹੈ।

ਸੁਪਰਸਟਾਰ ਆਰ ਮਾਧਵਨ ਦੀ ਸੁਪਰਹਿੱਟ ਫਿਲਮ 'ਰਾਕੇਟ੍ਰੀ- ਦ ਨਾਂਬੀ ਇਫੈਕਟ' ਨੂੰ ਵੀ ਆਸਕਰ 2023 ਲਈ ਸ਼ਾਰਟਲਿਸਟ ਕੀਤਾ ਗਿਆ ਹੈ।

ਇਸ ਦੀ ਜਾਣਕਾਰੀ ਖੁਦ ਆਰ ਮਾਧਵਨ ਨੇ ਸੋਸ਼ਲ ਮੀਡੀਆ 'ਤੇ ਦਿੱਤੀ ਹੈ। ਅਜਿਹੇ 'ਚ ਰਾਕੇਟਰੀ ਫਿਲਮ ਅਤੇ ਆਰ ਮਾਧਵਨ ਲਈ ਇਸ ਨੂੰ ਵੱਡੀ ਸਫਲਤਾ ਮੰਨਿਆ ਜਾ ਰਿਹਾ ਹੈ।

ਭਾਰਤੀ ਸਿਨੇਮਾ ਦੀਆਂ ਕਈ ਫਿਲਮਾਂ ਨੂੰ ਆਸਕਰ 2023 ਲਈ ਸ਼ਾਰਟਲਿਸਟ ਕੀਤਾ ਗਿਆ ਸੀ।

ਜਿਸ 'ਚ ਬਾਲੀਵੁੱਡ ਸੁਪਰਸਟਾਰ ਆਲੀਆ ਭੱਟ ਦੀ 'ਗੰਗੂਬਾਈ ਕਾਠੀਆਵਾੜੀ', ਨਿਰਦੇਸ਼ਕ ਵਿਵੇਕ ਅਗਨੀਹੋਤਰੀ ਦੀ 'ਦਿ ਕਸ਼ਮੀਰ ਫਾਈਲਜ਼' ਅਤੇ ਸਾਊਥ ਸਿਨੇਮਾ ਦੇ ਸੁਪਰਸਟਾਰ ਰਿਸ਼ਬ ਸ਼ੈੱਟੀ ਦੀ ਕਾਂਤਾਰਾ' ਆਸਕਰ ਲਈ ਕੁਆਲੀਫਾਈ ਕਰ ਚੁੱਕੀਆਂ ਹਨ।

ਅਜਿਹੇ 'ਚ ਸੁਪਰਸਟਾਰ ਆਰ ਮਾਧਵਨ ਦੀ ਪਿਛਲੇ ਸਾਲ ਦੀ ਸ਼ਾਨਦਾਰ ਫਿਲਮ ਰਾਕੇਟ੍ਰੀ- ਦ ਨਾਂਬੀ ਇਫੈਕਟ ਦਾ ਨਾਂ ਵੀ ਇਸ ਸੂਚੀ 'ਚ ਸ਼ਾਮਲ ਹੋ ਗਿਆ ਹੈ

ਜੋ ਆਸਕਰ 2023 ਵਿੱਚ ਭਾਰਤੀ ਫਿਲਮਾਂ ਦੀ ਦੌੜ ਵਿੱਚ ਸ਼ਾਮਲ ਹੋਵੇਗੀ।

ਆਰ ਮਾਧਵਨ ਨੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ 'ਤੇ ਆਪਣੀ ਫਿਲਮ ਦੀ ਆਸਕਰ ਸ਼ਾਰਟਲਿਸਟਿੰਗ ਦੀ ਜਾਣਕਾਰੀ ਦਿੱਤੀ ਹੈ।

ਇਸ ਦੇ ਨਾਲ ਹੀ ਆਰ ਮਾਧਵਨ ਨੇ ਕੈਪਸ਼ਨ 'ਚ ਲਿਖਿਆ ਹੈ ਕਿ- ਭਗਵਾਨ ਦੀ ਕਿਰਪਾ ਅਤੇ ਫਿੰਗਰ ਕ੍ਰਾਸਡ।

ਸਿਨੇਮਾਘਰਾਂ ਅਤੇ ਬਾਕਸ ਆਫਿਸ 'ਤੇ ਧਮਾਲ ਮਚਾਉਣ ਤੋਂ ਬਾਅਦ ਹੁਣ ਆਰ ਮਾਧਵਨ ਦੀ ਰਾਕੇਟਰੀ ਨੇ ਜ਼ਬਰਦਸਤ ਸਫਲਤਾ ਹਾਸਲ ਕੀਤੀ ਹੈ।