ਤਿੰਨ ਦਹਾਕਿਆਂ ਤੱਕ ਫਿਲਮ ਇੰਡਸਟਰੀ 'ਤੇ ਰਾਜ ਕਰਨ ਵਾਲੇ ਸ਼ਾਹਰੁਖ ਖਾਨ ਨੇ ਇਸ ਸਾਲ 2023 'ਚ 'ਪਠਾਨ' ਅਤੇ 'ਜਵਾਨ' ਵਰਗੀਆਂ ਫਿਲਮਾਂ ਨਾਲ ਤੂਫਾਨ ਲਿਆ ਦਿੱਤਾ।

ਫਰਾਹ ਖਾਨ ਨੇ ਕਿਹਾ ਕਿ ਸ਼ਾਹਰੁਖ ਦੀ ਪ੍ਰਸਿੱਧੀ ਦਾ ਸਾਰਾ ਸਿਹਰਾ ਉਨ੍ਹਾਂ ਦੇ ਸਮਰਪਣ ਨੂੰ ਜਾਂਦਾ ਹੈ।

ਇਸ ਬਾਰੇ ਗੱਲ ਕਰਦੇ ਹੋਏ ਉਨ੍ਹਾਂ ਨੂੰ ਸ਼ਾਹਰੁਖ ਖਾਨ ਨਾਲ ਜਵਾਨ ਦੇ ਗੀਤ 'ਚਲਿਆ' ਦੀ ਸ਼ੂਟਿੰਗ ਯਾਦ ਆਈ।

ਉਸ ਨੇ ਦੱਸਿਆ ਕਿ ਕਿਸ ਤਰ੍ਹਾਂ ਸ਼ਾਹਰੁਖ ਹਰ ਕਦਮ ਨੂੰ ਪਰਫੈਕਟ ਬਣਾਉਣ ਲਈ ਰਿਹਰਸਲ 'ਤੇ ਧਿਆਨ ਦਿੰਦੇ ਸਨ।

ਹਾਲ ਹੀ 'ਚ ਭਾਰਤੀ ਸਿੰਘ ਅਤੇ ਹਰਸ਼ ਲਾਂਬਾਛੀਆ ਨਾਲ ਉਨ੍ਹਾਂ ਦੇ ਪੋਡਕਾਸਟ 'ਤੇ ਗੱਲਬਾਤ ਦੌਰਾਨ ਫਰਾਹ ਖਾਨ ਨੇ ਯਾਦ ਕੀਤਾ ਕਿ ਉਹ 'ਮੈਂ ਹੂੰ ਨਾ' ਲਈ ਸ਼ਾਹਰੁਖ ਖਾਨ ਦਾ ਸ਼ਰਟਲੈੱਸ ਸ਼ਾਟ ਚਾਹੁੰਦੀ ਸੀ,

ਪਰ ਪਿੱਠ ਦੀ ਸੱਟ ਕਰਕੇ ਉਹ ਆਪਣੀ ਬੌਡੀ 'ਤੇ ਫੋਕਸ ਨਹੀਂ ਕਰ ਸਕੇ। ਜਿਸ ਦੇ ਲਈ ਅੰਤ 'ਚ ਉਨ੍ਹਾਂ ਨੂੰ ਸਰਜਰੀ ਕਰਵਾਉਣੀ ਪਈ।

ਫਰਾਹ ਨੇ ਅੱਗੇ ਕਿਹਾ, “ਇਸ ਲਈ ਓਮ ਸ਼ਾਂਤੀ ਓਮ ਦੇ ਦੌਰਾਨ ਉਸਨੇ ਕਿਹਾ ਕਿ ਮੈਂ ਤੁਹਾਡੇ ਨਾਲ ਵਾਅਦਾ ਕੀਤਾ ਸੀ ਕਿ ਪਹਿਲੀ ਵਾਰ ਜਦੋਂ ਮੈਂ ਆਪਣੀ ਕਮੀਜ਼ (ਕੈਮਰੇ ਉੱਤੇ) ਉਤਾਰਾਂਗਾ

ਤਾਂ ਮੈਂ ਤੁਹਾਡੇ ਲਈ ਇਹ ਕਰਾਂਗਾ। ਉਸਨੇ ਦੋ ਦਿਨਾਂ ਤੋਂ ਪਾਣੀ ਨਹੀਂ ਪੀਤਾ ਸੀ, ਕਿਉਂਕਿ ਇਸ ਨਾਲ ਪੇਟ ਫੁੱਲਦਾ ਹੈ। ਦਰਦ-ਏ-ਡਿਸਕੋ 'ਚ ਇਸ ਤਰ੍ਹਾਂ ਉਸ ਦਾ ਲੀਨ ਲੁੱਕ ਦੇਖਣ ਨੂੰ ਮਿਲਿਆ।

ਇਸੇ ਗੱਲਬਾਤ ਦੌਰਾਨ ਫਰਾਹ ਖਾਨ ਨੇ ਇਹ ਵੀ ਯਾਦ ਕੀਤਾ ਕਿ ਕਿਵੇਂ ਉਹ ਸ਼ਾਹਰੁਖ ਖਾਨ ਨੂੰ ਦੇਖ ਕੇ ਹੈਰਾਨ ਰਹਿ ਗਈ ਸੀ,

ਕਿਉਂਕਿ 32 ਸਾਲ ਬਾਅਦ ਵੀ ਸ਼ਾਹਰੁਖ ਖਾਨ ਨੇ ਜਵਾਨ ਦੇ ਗੀਤ ਚਲਿਆ ਦੀ ਰਿਹਰਸਲ ਕਰਨ 'ਤੇ ਜ਼ੋਰ ਦਿੱਤਾ ਸੀ। ਕਿਉਂਕਿ ਉਨ੍ਹਾਂ ਨੇ ਸੋਚਿਆ ਕਿ ਉਹ ਬਿਹਤਰ ਨੱਚਣ ਦੇ ਯੋਗ ਹੋਣਗੇ।