2 ਨਵੰਬਰ ਨੂੰ ਸ਼ਾਹਰੁਖ ਖ਼ਾਨ ਨੇ ਆਪਣਾ 57ਵਾਂ ਜਨਮਦਿਨ ਮਨਾਇਆ। ਇਸ ਮੌਕੇ ’ਤੇ ਸ਼ਾਹਰੁਖ ਖ਼ਾਨ ਮੰਨਤ ਦੀ ਬਾਲਕਨੀ ’ਚੋਂ 2 ਵਾਰ ਬਾਹਰ ਨਿਕਲੇ। ਪ੍ਰਸ਼ੰਸਕਾਂ ਲਈ ਉਹ ਨਜ਼ਾਰਾ ਕਿਸੇ ਸੁਪਨੇ ਤੋਂ ਘੱਟ ਨਹੀਂ ਸੀ

ਇਸ ਤੋਂ ਇਲਾਵਾ ਜਨਮਦਿਨ ਮੌਕੇ ਸ਼ਾਹਰੁਖ ਨੇ ਆਪਣੇ ਲਾਇਲ ਪ੍ਰਸ਼ੰਸਕਾਂ ਲਈ ਫੈਨ ਮੀਟ ਰੱਖੀ। ਇਸ ਮੀਟ ਲਈ ਸ਼ਾਹਰੁਖ ਬੇਹੱਦ ਵੱਖਰੇ ਅੰਦਾਜ਼ ’ਚ ਪਹੁੰਚੇ। ਇਵੈਂਟ ਦੌਰਾਨ ਸ਼ਾਹਰੁਖ ਨੇ ਜੈਕੇਟ, ਵ੍ਹਾਈਟ ਡੈਨਿਮ ਤੇ ਵ੍ਹਾਈਟ ਟੀ-ਸ਼ਰਟ ਪਹਿਨੀ।

ਹਾਲ ਹੀ ’ਚ ਖ਼ਬਰਾਂ ਆ ਰਹੀਆਂ ਹਨ ਕਿ ਇਸ ਫੈਨ ਮੀਟ ’ਤੇ ਕਿੰਗ ਖ਼ਾਨ ਨੇ 97 ਲੱਖ ਦੇ ਆਊਟਫਿੱਟ ਪਹਿਨੇ ਸਨ। ਇਸ ਗੱਲ ਦੀ ਜਾਣਕਾਰੀ ਐੱਸ. ਆਰ. ਕੇ. ਕਲੋਸੈੱਟ ਨਾਂ ਦੇ ਇਕ ਇੰਸਟਾਗ੍ਰਾਮ ਪੇਜ ਨੇ ਦਿੱਤੀ ਹੈ।

2 ਨਵੰਬਰ ਨੂੰ ਹੋਈ ਫੈਨ ਮੀਟ ’ਚ ਕਿੰਗ ਖ਼ਾਨ ਨੇ ਗਿਵੇਂਚੀ ਬ੍ਰੈਂਡ ਦੀ ਜੈਕੇਟ ਕੈਰੀ ਕੀਤੀ ਸੀ, ਜਿਸ ਦੀ ਕੀਮਤ ਲਗਭਗ 1,63,555 ਹੈ। ਉਥੇ ਸ਼ਾਹਰੁਖ ਨੇ ਆਫ ਵ੍ਹਾਈਟ ਬ੍ਰੈਂਡ ਦੀ ਜੀਨਸ ਪਹਿਨੀ ਸੀ, ਜੋ ਲਗਭਗ 65,171 ਰੁਪਏ ਦੀ ਹੈ।

ਕਿੰਗ ਖ਼ਾਨ ਨੇ ਆਈਵੇਨ ਬ੍ਰੈਂਡ ਦੇ ਸਨਗਲਾਸਿਸ ਕੈਰੀ ਕੀਤੇ ਸਨ, ਜੋ 45,090 ਰੁਪਏ ਦਾ ਹੈ। ਕਿੰਗ ਖ਼ਾਨ ਦੇ ਇਸ ਲੁੱਕ ’ਚ ਸਭ ਤੋਂ ਮਹਿੰਗੀ ਚੀਜ਼ ਉਨ੍ਹਾਂ ਦੀ ਰੋਲੈਕਸ ਘੜੀ ਸੀ, ਇਸ ਰਾਇਲ ਘੜੀ ਦੀ ਕੀਮਤ 74,18,000 ਰੁਪਏ ਦੇ ਕਰੀਬ ਹੈ

ਇਸ ਤੋਂ ਇਲਾਵਾ ਕਿੰਗ ਖ਼ਾਨ ਨੇ 3 ਬ੍ਰੇਸਲੇਟ ਪਹਿਨੇ ਸਨ, ਜਿਨ੍ਹਾਂ ’ਚ 2 ਬ੍ਰੇਸਲੇਟ ਕਾਰਟੀਅਰ ਬ੍ਰੈਂਡ ਦੇ ਸਨ।

ਇਕ ਬ੍ਰੇਸਲੇਟ ਦੀ ਕੀਮਤ 6,21,421 ਰੁਪਏ ਸੀ, ਉਥੇ ਦੂਜਾ ਬ੍ਰੇਸਲੇਟ 6,00,000 ਰੁਪਏ ਦਾ ਸੀ। ਤੀਜਾ ਬ੍ਰੇਸਲੇਟ ਐੱਲ. ਵੀ. ਬ੍ਰੈਂਡ ਦਾ ਸੀ, ਜੋ 7,53,239 ਰੁਪਏ ਹੈ।

ਫੁੱਟਵਿਅਰ ਦੀ ਗੱਲ ਕਰੀਏ ਤਾਂ ਕਿੰਗ ਖ਼ਾਨ ਨੇ ਇਸ ਲੁੱਕ ਲਈ ਗੋਲਡਨ ਗੂਜ਼ ਬ੍ਰਾਂਡ ਦੇ ਸਨਿਕਰਸ ਕੈਰੀ ਕੀਤੇ ਸਨ, ਜੋ ਲਗਭਗ 79,523 ਰੁਪਏ ਦੇ ਹਨ। ਇਨ੍ਹਾਂ ਸਾਰੀਆਂ ਚੀਜ਼ਾਂ ਨੂੰ ਮਿਲਾ ਕੇ ਲਗਭਗ 97 ਲੱਖ ਦੀ ਕੀਮਤ ’ਚ ਸ਼ਾਹਰੁਖ ਦਾ ਇਹ ਲੁੱਕ ਪੂਰਾ ਹੋਇਆ ਹੈ।

ਜਦੋਂ ਤੋਂ ਸ਼ਾਹਰੁਖ ਦੇ ਇਸ ਜਨਮਦਿਨ ਲੁੱਕ ਦੀ ਡਿਟੇਲ ਸਾਹਮਣੇ ਆਈ ਹੈ, ਪ੍ਰਸ਼ੰਸਕ ਹੈਰਾਨ ਹੋ ਗਏ ਹਨ। ਸੋਸ਼ਲ ਮੀਡੀਆ ਯੂਜ਼ਰਸ ਇਸ ਪੋਸਟ ’ਤੇ ਰੱਜ ਕੇ ਪ੍ਰਤੀਕਿਰਿਆ ਦੇ ਰਹੇ ਹਨ।

ਇਕ ਯੂਜ਼ਰ ਨੇ ਕੁਮੈਂਟ ’ਚ ਲਿਖਿਆ, ‘‘ਸੱਤ ਜਨਮ ਤਕ ਖਾ ਸਕਦੇ ਹਾਂ ਇੰਨੇ ਪੈਸਿਆਂ ਨੂੰ।’’ ਦੂਜੇ ਯੂਜ਼ਰ ਨੇ ਲਿਖਿਆ, ‘‘ਇੰਨੇ ’ਚ ਤਾਂ ਮੇਰਾ ਘਰ, ਪਰਿਵਾਰ, ਜਾਇਦਾਦ ਤੇ ਕਿਡਨੀ ਸਭ ਕੁਝ ਵਿਕ ਜਾਵੇਗਾ।’’