IPL 2024 ਤੋਂ ਠੀਕ ਪਹਿਲਾਂ ਚੇਨਈ ਸੁਪਰ ਕਿੰਗਜ਼ ਨੇ ਵੱਡਾ ਬਦਲਾਅ ਕੀਤਾ ਹੈ। CSK ਨੇ ਰੁਤੁਰਾਜ ਗਾਇਕਵਾੜ ਨੂੰ ਨਵਾਂ ਕਪਤਾਨ ਐਲਾਨ ਦਿੱਤਾ ਹੈ।

ਹੁਣ ਮਹਿੰਦਰ ਸਿੰਘ ਧੋਨੀ ਟੀਮ ਦੀ ਕਪਤਾਨੀ ਨਹੀਂ ਕਰਨਗੇ। ਧੋਨੀ ਲੰਬੇ ਸਮੇਂ ਤੱਕ ਟੀਮ ਦੇ ਕਪਤਾਨ ਰਹੇ।

ਉਸਦੀ ਕਪਤਾਨੀ ਵਿੱਚ ਸੀਐਸਕੇ ਨੇ ਪੰਜ ਵਾਰ ਖਿਤਾਬ ਵੀ ਜਿੱਤਿਆ। ਪਰ ਹੁਣ ਉਹ ਇਹ ਜ਼ਿੰਮੇਵਾਰੀ ਨਹੀਂ ਸੰਭਾਲਣਗੇ।

ਧੋਨੀ ਦਾ ਬੱਲੇਬਾਜ਼ੀ ਦੇ ਨਾਲ-ਨਾਲ ਕਪਤਾਨੀ 'ਚ ਵੀ ਚੰਗਾ ਰਿਕਾਰਡ ਹੈ। ਰੁਤੂਰਾਜ ਇੱਕ ਪ੍ਰਤਿਭਾਸ਼ਾਲੀ ਖਿਡਾਰੀ ਹੈ। ਇਸ ਕਾਰਨ ਪ੍ਰਬੰਧਕਾਂ ਨੇ ਉਸ ’ਤੇ ਭਰੋਸਾ ਪ੍ਰਗਟਾਇਆ।

IPL ਤੋਂ ਠੀਕ ਪਹਿਲਾਂ ਧੋਨੀ ਦੇ ਪ੍ਰਸ਼ੰਸਕਾਂ ਨੂੰ ਵੱਡਾ ਝਟਕਾ ਲੱਗਾ ਹੈ। ਧੋਨੀ ਨੇ ਚੇਨਈ ਸੁਪਰ ਕਿੰਗਜ਼ ਦੀ ਕਪਤਾਨੀ ਛੱਡ ਦਿੱਤੀ ਹੈ।

ਹੁਣ ਉਨ੍ਹਾਂ ਦੀ ਜਗ੍ਹਾ ਰਿਤੁਰਾਜ ਟੀਮ ਦੀ ਕਮਾਨ ਸੰਭਾਲਣਗੇ। ਧੋਨੀ ਆਈਪੀਐਲ 2008 ਤੋਂ ਟੀਮ ਦੇ ਨਾਲ ਹਨ।

ਧੋਨੀ ਦੀ ਕਪਤਾਨੀ 'ਚ ਚੇਨਈ ਹੁਣ ਤੱਕ ਪੰਜ ਵਾਰ ਖਿਤਾਬ ਜਿੱਤ ਚੁੱਕੀ ਹੈ।

CSK ਨੇ 2010, 2011, 2018, 2021 ਅਤੇ 2023 ਵਿੱਚ IPL ਖਿਤਾਬ ਜਿੱਤਿਆ ਸੀ।

ਸੀਐਸਕੇ ਨੇ ਪਿਛਲੇ ਸੀਜ਼ਨ ਦੇ ਫਾਈਨਲ ਵਿੱਚ ਗੁਜਰਾਤ ਟਾਈਟਨਸ ਨੂੰ ਹਰਾਇਆ ਸੀ। ਚੇਨਈ ਨੇ ਇਹ ਮੈਚ 5 ਵਿਕਟਾਂ ਨਾਲ ਜਿੱਤ ਲਿਆ।

ਚੇਨਈ ਸੁਪਰ ਕਿੰਗਜ਼ ਨੇ ਟੀਮ ਦੀ ਕਪਤਾਨੀ ਨੂੰ ਲੈ ਕੇ ਬਿਆਨ ਜਾਰੀ ਕੀਤਾ ਹੈ। CSK ਨੇ ਕਿਹਾ, ਮਹੇਂਦਰ ਸਿੰਘ ਧੋਨੀ ਨੇ IPL 2024 ਤੋਂ ਪਹਿਲਾਂ ਟੀਮ ਦੀ ਕਪਤਾਨੀ ਰਿਤੂਰਾਜ ਗਾਇਕਵਾੜ ਨੂੰ ਸੌਂਪ ਦਿੱਤੀ ਹੈ।