Saina Nehwal Divorce: ਮਸ਼ਹੂਰ ਬੈਡਮਿੰਟਨ ਖਿਡਾਰਨ ਸਾਇਨਾ ਨੇਹਵਾਲ ਨੇ ਆਪਣੇ ਪਤੀ ਪਾਰੂਪੱਲੀ ਕਸ਼ਯਪ ਤੋਂ ਵੱਖ ਹੋਣ ਦੇ ਆਪਣੇ ਫੈਸਲੇ ਨੂੰ ਜਨਤਕ ਕੀਤਾ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਨੋਟ ਸਾਂਝਾ ਕਰਕੇ ਇਹ ਜਾਣਕਾਰੀ ਦਿੱਤੀ।

ਦੋਵਾਂ ਦੀ ਪ੍ਰੇਮ ਕਹਾਣੀ ਬੈਡਮਿੰਟਨ ਕੋਰਟ ਤੋਂ ਹੀ ਸ਼ੁਰੂ ਹੋਈ ਸੀ। ਇਨ੍ਹਾਂ ਦੋਵਾਂ ਨੇ ਹੈਦਰਾਬਾਦ ਦੀ ਪੁਲੇਲਾ ਗੋਪੀਚੰਦ ਅਕੈਡਮੀ ਵਿੱਚ ਇਕੱਠੇ ਟ੍ਰੇਨਿੰਗ ਲਈ, ਇੱਥੋਂ ਦੋਵਾਂ ਵਿਚਕਾਰ ਦੋਸਤੀ ਸ਼ੁਰੂ ਹੋਈ ਜੋ ਬਾਅਦ ਵਿੱਚ ਪਿਆਰ ਵਿੱਚ ਬਦਲ ਗਈ।

ਸਾਇਨਾ ਨੇ ਇੰਸਟਾਗ੍ਰਾਮ ਸਟੋਰੀ 'ਤੇ ਇੱਕ ਨੋਟ ਸਾਂਝਾ ਕੀਤਾ ਅਤੇ ਲਿਖਿਆ, ਜ਼ਿੰਦਗੀ ਸਾਨੂੰ ਕਦੇ-ਕਦੇ ਵੱਖ-ਵੱਖ ਰਸਤਿਆਂ 'ਤੇ ਲੈ ਜਾਂਦੀ ਹੈ। ਬਹੁਤ ਸੋਚ-ਵਿਚਾਰ ਤੋਂ ਬਾਅਦ, ਪਾਰੂਪੱਲੀ ਕਸ਼ਯਪ ਅਤੇ ਮੈਂ ਵੱਖ ਹੋਣ ਦਾ ਫੈਸਲਾ ਕੀਤਾ ਹੈ।

ਅਸੀਂ ਇੱਕ ਦੂਜੇ ਲਈ ਸ਼ਾਂਤੀ, ਵਿਕਾਸ ਅਤੇ ਸਿਹਤਮੰਦ ਜੀਵਨ ਚੁਣਨ ਦਾ ਫੈਸਲਾ ਕੀਤਾ ਹੈ। ਮੈਂ ਇਨ੍ਹਾਂ ਯਾਦਗਾਰੀ ਪਲਾਂ ਲਈ ਧੰਨਵਾਦੀ ਹਾਂ ਅਤੇ ਭਵਿੱਖ ਲਈ ਸ਼ੁਭਕਾਮਨਾਵਾਂ ਦਿੰਦੀ ਹਾਂ। ਇਸ ਸਮੇਂ ਸਾਡੀ ਨਿੱਜਤਾ ਨੂੰ ਸਮਝਣ ਅਤੇ ਸਤਿਕਾਰ ਕਰਨ ਲਈ ਧੰਨਵਾਦ।

ਸਾਇਨਾ ਅਤੇ ਪਾਰੂਪੱਲੀ ਦਾ ਵਿਆਹ 14 ਦਸੰਬਰ, 2018 ਨੂੰ ਹੋਇਆ ਸੀ। ਹਰਿਆਣਾ ਦੇ ਹਿਸਾਰ ਵਿੱਚ ਜਨਮੀ ਸਾਇਨਾ ਪਾਰੂਪੱਲੀ ਕਸ਼ਯਪ ਤੋਂ 3 ਸਾਲ ਛੋਟੀ ਹੈ। ਵਿਆਹ ਸਮੇਂ, ਪਾਰੂਪੱਲੀ 31 ਸਾਲ ਅਤੇ ਸਾਇਨਾ ਨੇਹਵਾਲ 28 ਸਾਲ ਦੀ ਸੀ।

30 ਸਾਲ ਦੀ ਉਮਰ ਵਿੱਚ, ਸਾਇਨਾ ਨੇ ਰਾਜਨੀਤੀ ਵਿੱਚ ਵੀ ਪ੍ਰਵੇਸ਼ ਕੀਤਾ, ਉਹ 2020 ਵਿੱਚ ਭਾਜਪਾ ਪਾਰਟੀ ਵਿੱਚ ਸ਼ਾਮਲ ਹੋ ਗਈ ਸੀ। ਸਾਲ 2005 ਵਿੱਚ, ਸਾਇਨਾ ਨੇਹਵਾਲ ਨੇ 15 ਸਾਲ ਦੀ ਉਮਰ ਵਿੱਚ ਏਸ਼ੀਅਨ ਸੈਟੇਲਾਈਟ ਟੂਰਨਾਮੈਂਟ ਜਿੱਤਿਆ।

2012 ਲੰਡਨ ਓਲੰਪਿਕ ਵਿੱਚ, ਉਸਨੇ ਮਹਿਲਾ ਸਿੰਗਲਜ਼ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ। ਇਹ ਓਲੰਪਿਕ ਵਿੱਚ ਉਸਦਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਵੀ ਹੈ।

ਸਾਇਨਾ ਨੇ ਆਪਣੇ ਕਰੀਅਰ ਵਿੱਚ ਰਾਸ਼ਟਰਮੰਡਲ ਖੇਡਾਂ ਵਿੱਚ 3 ਸੋਨ ਗੋਲਡ ਮੈਡਲ, ਜਿਨ੍ਹਾਂ ਵਿੱਚੋਂ 2 ਮਹਿਲਾ ਸਿੰਗਲਜ਼ ਵਿੱਚ ਅਤੇ ਇੱਕ ਮਿਕਸਡ ਡਬਲਜ਼ ਵਿੱਚ ਆਇਆ ਸੀ।