Stock Market Closing: ਭਾਰਤੀ ਸ਼ੇਅਰ ਬਾਜ਼ਾਰ ਨੇ ਬੁੱਧਵਾਰ ਦੇ ਕਾਰੋਬਾਰੀ ਸੈਸ਼ਨ 'ਚ ਫਿਰ ਇਤਿਹਾਸ ਰਚ ਦਿੱਤਾ ਹੈ। ਬੀਐਸਈ ਸੈਂਸੈਕਸ ਨੇ ਪਹਿਲੀ ਵਾਰ 63,000 ਦੇ ਰਿਕਾਰਡ ਅੰਕੜੇ ਨੂੰ ਪਾਰ ਕੀਤਾ।

NSE ਦਾ ਨਿਫਟੀ ਵੀ ਤੇਜ਼ੀ ਨਾਲ 19,000 ਵੱਲ ਵਧ ਰਿਹਾ ਹੈ। ਬਾਜ਼ਾਰ 'ਚ ਘਰੇਲੂ ਅਤੇ ਵਿਦੇਸ਼ੀ ਨਿਵੇਸ਼ਕਾਂ ਦੀ ਜ਼ਬਰਦਸਤ ਖਰੀਦਦਾਰੀ ਕਾਰਨ ਜ਼ਬਰਦਸਤ ਉਛਾਲ ਦੇਖਣ ਨੂੰ ਮਿਲਿਆ।

ਅੱਜ ਦੇ ਕਾਰੋਬਾਰ ਦੇ ਬੰਦ ਹੋਣ 'ਤੇ ਸੈਂਸੈਕਸ 418 ਅੰਕਾਂ ਦੀ ਛਾਲ ਨਾਲ 63,100 ਦੇ ਰਿਕਾਰਡ ਉੱਚ ਪੱਧਰ 'ਤੇ ਬੰਦ ਹੋਇਆ ਹੈ।

ਇਸ ਤਰ੍ਹਾਂ ਨਿਫਟੀ 140 ਅੰਕਾਂ ਦੇ ਵਾਧੇ ਨਾਲ 18,758 'ਤੇ ਬੰਦ ਹੋਇਆ ਹੈ। ਇਹ ਲਗਾਤਾਰ ਪੰਜਵਾਂ ਵਪਾਰਕ ਸੈਸ਼ਨ ਹੈ ਜਿਸ ਵਿੱਚ ਭਾਰਤੀ ਬਾਜ਼ਾਰਾਂ ਨੇ ਨਵੀਆਂ ਉਚਾਈਆਂ ਨੂੰ ਛੂਹਿਆ ਹੈ।

ਵਧ ਰਹੇ ਸਟਾਕ : ਜੋ ਸ਼ੇਅਰ ਬਾਜ਼ਾਰ ਨੂੰ ਇਤਿਹਾਸਕ ਪੱਧਰ 'ਤੇ ਲਿਜਾਣ 'ਚ ਲੱਗੇ ਹੋਏ ਹਨ, ਉਨ੍ਹਾਂ 'ਚ ਮਹਿੰਦਰਾ ਐਂਡ ਮਹਿੰਦਰਾ 4 ਫੀਸਦੀ, ਅਲਟਰਾਟੈੱਕ ਸੀਮੈਂਟ 2.16 ਫੀਸਦੀ, ਪਾਵਰ ਗਰਿੱਡ 2.14 ਫੀਸਦੀ, ਐਚਯੂਐਲ 1.78 ਫੀਸਦੀ, ਭਾਰਤੀ ਏਅਰਟੈੱਲ 1.71 ਫੀਸਦੀ ਦੇ ਵਾਧੇ ਨਾਲ ਬੰਦ ਹੋਏ।

ਟਾਈਟਨ ਕੰਪਨੀ 1.59 ਫੀਸਦੀ, ਏਸ਼ੀਅਨ ਪੇਂਟਸ 1.51 ਫੀਸਦੀ ਅਤੇ ਟਾਟਾ ਸਟੀਲ 1.51 ਫੀਸਦੀ ਦੇ ਵਾਧੇ ਨਾਲ ਬੰਦ ਹੋਏ।

ਡਿੱਗ ਰਹੇ ਸਟਾਕ : ਅੱਜ ਬਾਜ਼ਾਰ 'ਚ ਇੰਡਸਇੰਡ ਬੈਂਕ ਦੇ ਸ਼ੇਅਰ 1.02 ਫੀਸਦੀ, ਐਸਬੀਆਈ 0.97 ਫੀਸਦੀ, ਐਚਸੀਐਲ ਟੈਕ 0.66 ਫੀਸਦੀ, ਆਈਟੀਸੀ 0.58 ਫੀਸਦੀ, ਬਜਾਜ ਫਿਨਸਰਵ 0.33 ਫੀਸਦੀ, ਬਜਾਜ ਫਾਈਨਾਂਸ 0.17 ਫੀਸਦੀ ਅਤੇ ਟੀਸੀਐਸ 0.14 ਫੀਸਦੀ ਡਿੱਗ ਕੇ ਬੰਦ ਹੋਏ।

ਸੈਕਟਰ ਦੀ ਸਥਿਤੀ : ਬਾਜ਼ਾਰ 'ਚ ਸਰਕਾਰੀ ਬੈਂਕ ਦੇ ਸੂਚਕ ਅੰਕ ਨੂੰ ਛੱਡ ਕੇ ਬਾਕੀ ਸਾਰੇ ਸੈਕਟਰਾਂ ਦੇ ਸ਼ੇਅਰਾਂ 'ਚ ਜ਼ਬਰਦਸਤ ਖਰੀਦਦਾਰੀ ਦੇਖਣ ਨੂੰ ਮਿਲੀ। ਬੈਂਕਿੰਗ, ਆਟੋ, ਆਈ.ਟੀ., ਫਾਰਮਾ, ਐੱਫ.ਐੱਮ.ਸੀ.ਜੀ., ਧਾਤੂ, ਰੀਅਲ ਅਸਟੇਟ, ਊਰਜਾ ਅਤੇ ਕੰਜ਼ਿਊਮਰ ਡਿਊਰੇਬਲ ਸੈਕਟਰਾਂ 'ਚ ਜ਼ਬਰਦਸਤ ਵਾਧਾ ਦਰਜ ਕੀਤਾ ਗਿਆ ਹੈ।

ਕਿਰੀਟ ਪਾਰਿਖ ਕਮੇਟੀ ਦੀਆਂ ਸਿਫਾਰਿਸ਼ਾਂ ਦਾ ਅਸਰ ਗੈਸ ਕੰਪਨੀਆਂ ਦੇ ਸ਼ੇਅਰਾਂ 'ਤੇ ਦੇਖਣ ਨੂੰ ਮਿਲਿਆ ਹੈ। ਮਿਡ ਕੈਪ ਅਤੇ ਸਮਾਲ ਕੈਪ ਸ਼ੇਅਰਾਂ 'ਚ ਵੀ ਜ਼ਬਰਦਸਤ ਉਛਾਲ ਦੇਖਣ ਨੂੰ ਮਿਲਿਆ ਹੈ। ਸੈਂਸੈਕਸ ਦੇ 30 ਸ਼ੇਅਰਾਂ 'ਚੋਂ 23 ਵਾਧੇ ਦੇ ਨਾਲ ਬੰਦ ਹੋਏ ਜਦਕਿ 7 ਘਾਟੇ ਨਾਲ ਬੰਦ ਹੋਏ।

ਨਿਫਟੀ ਦੇ 50 ਸਟਾਕਾਂ 'ਚੋਂ 42 ਸਟਾਕ ਚੜ੍ਹੇ ਅਤੇ ਸਿਰਫ 8 ਸਟਾਕ ਲਾਲ ਨਿਸ਼ਾਨ 'ਤੇ ਬੰਦ ਹੋਏ। ਬੀ.ਐੱਸ.ਈ. ਸੈਂਸੈਕਸ 'ਤੇ 3602 ਸ਼ੇਅਰਾਂ ਦੇ ਕਾਰੋਬਾਰ 'ਚ 2070 ਸ਼ੇਅਰ ਵਧ ਕੇ ਅਤੇ 1429 ਸ਼ੇਅਰ ਡਿੱਗ ਕੇ ਬੰਦ ਹੋਏ।