ਅੱਜਕੱਲ੍ਹ ਸਮਾਰਟਫੋਨ ਹਰ ਕਿਸੇ ਦੀ ਜ਼ਿੰਦਗੀ ਦਾ ਅਹਿਮ ਹਿੱਸਾ ਹੈ। ਇਸ 'ਚ ਬੈਂਕ ਅਕਾਊਂਟ, ਸੋਸ਼ਲ ਮੀਡੀਆ, ਨਿੱਜੀ ਫੋਟੋਆਂ ਤੇ ਹੋਰ ਜਰੂਰੀ ਡੇਟਾ ਸਟੋਰ ਹੁੰਦਾ ਹੈ।

ਪੈਸੇ ਦਾ ਲੈਣ-ਦੇਣ ਵੀ ਜ਼ਿਆਦਾਤਰ ਫੋਨ ਰਾਹੀਂ ਹੀ ਹੁੰਦਾ ਹੈ। ਇਸ ਕਰਕੇ ਹੈਕਰਾਂ ਦੀ ਵੀ ਇਸ ‘ਤੇ ਨਿਗਾਹ ਰਹਿੰਦੀ ਹੈ।

ਛੋਟੀ ਜਿਹੀ ਗਲਤੀ ਨਾਲ ਉਹ ਪੈਸੇ ਤੇ ਨਿੱਜੀ ਜਾਣਕਾਰੀ ਚੋਰੀ ਕਰ ਸਕਦੇ ਹਨ। ਇਸ ਲਈ ਸਮਾਰਟਫੋਨ ਨੂੰ ਹੈਕਿੰਗ ਤੋਂ ਬਚਾਉਣ ਲਈ ਕੁਝ ਜ਼ਰੂਰੀ ਟਿਪਸ ਮੱਦੇਨਜ਼ਰ ਰੱਖਣੀਆਂ ਚਾਹੀਦੀਆਂ ਹਨ।

ਹੈਕਿੰਗ ਤੋਂ ਬਚਣ ਲਈ ਹਮੇਸ਼ਾ ਮਜ਼ਬੂਤ ਪਾਸਵਰਡ ਬਣਾਓ।

ਪਾਸਵਰਡ ਵਿੱਚ ਵੱਡੇ ਤੇ ਛੋਟੇ ਅੱਖਰ, ਨੰਬਰ ਅਤੇ ਖ਼ਾਸ ਨਿਸ਼ਾਨ ਵਰਤੋਂ। ਨਾਲ ਹੀ, ਟੂ-ਫੈਕਟਰ ਔਥੈਂਟਿਕੇਸ਼ਨ ਚਾਲੂ ਰੱਖੋ ਤਾਂ ਜੋ ਤੁਹਾਡਾ ਅਕਾਊਂਟ ਹੋਰ ਸੁਰੱਖਿਅਤ ਰਹੇ।

ਫੋਨ ਤੇ ਐਪਸ ਨੂੰ ਹਮੇਸ਼ਾ ਸਮੇਂ ਸਿਰ ਅੱਪਡੇਟ ਕਰੋ। ਇਸ ਨਾਲ ਸੁਰੱਖਿਆ ਦੀਆਂ ਖਾਮੀਆਂ ਦੂਰ ਹੋ ਜਾਂਦੀਆਂ ਹਨ ਅਤੇ ਹੈਕਰਾਂ ਤੋਂ ਬਚਾਅ ਰਹਿੰਦਾ ਹੈ।

ਪਬਲਿਕ ਵਾਈ-ਫਾਈ ਦੇ ਲਾਲਚ ‘ਚ ਨਾ ਪਵੋ। ਹੈਕਰ ਅਜਿਹੇ ਨੈੱਟਵਰਕ ‘ਤੇ ਆਸਾਨੀ ਨਾਲ ਸੇਂਧ ਲਾ ਸਕਦੇ ਹਨ। ਇਸ ਲਈ ਪਬਲਿਕ ਵਾਈ-ਫਾਈ ‘ਤੇ ਕਦੇ ਵੀ ਟ੍ਰਾਂਜ਼ੈਕਸ਼ਨ ਜਾਂ ਸ਼ਾਪਿੰਗ ਨਾ ਕਰੋ।

ਐਪ ਹਮੇਸ਼ਾ ਗੂਗਲ ਪਲੇ ਸਟੋਰ ਜਾਂ ਐਪਲ ਐਪ ਸਟੋਰ ਤੋਂ ਹੀ ਡਾਊਨਲੋਡ ਕਰੋ।

ਅਣਜਾਣ ਲਿੰਕ ਜਾਂ ਸੋਸ਼ਲ ਮੀਡੀਆ ਤੋਂ ਐਪ ਡਾਊਨਲੋਡ ਨਾ ਕਰੋ, ਕਿਉਂਕਿ ਇਹ ਨਕਲੀ ਹੋ ਸਕਦੀਆਂ ਹਨ ਤੇ ਤੁਹਾਡਾ ਡੇਟਾ ਚੋਰੀ ਹੋ ਸਕਦਾ ਹੈ।