ਵਟਸਐਪ ਦੇ ਸ਼ੌਕੀਨਾਂ ਲਈ ਖੁਸ਼ਖਬਰੀ ਹੈ, ਹੁਣ ਯੂਟਿਊਬ, ਫੇਸਬੁੱਕ ਤੇ ਇੰਸਟਾ ਵਾਂਗ ਵਟਸਐਪ ਤੋਂ ਵੀ ਕਮਾਈ ਹੋਏਗੀ

ਜੀ ਹਾਂ, ਜੇਕਰ ਤੁਸੀਂ ਕੰਟੈਂਟ ਕ੍ਰਿਏਟਰ ਹੋ ਜਾਂ ਤੁਹਾਡੇ ਕੋਲ ਇੱਕ WhatsApp ਚੈਨਲ ਹੈ ਜਿਸ ਦੇ ਵਾਹਵਾ ਫੌਲੋਅਰ ਹਨ, ਤਾਂ ਤੁਹਾਨੂੰ ਮੋਟੀ ਕਮਾਈ ਹੋ ਸਕਦੀ ਹੈ। ਭਾਵ WhatsApp ਕੰਟੈਂਟ ਕ੍ਰਿਏਟਰਾਂ ਭੁਗਤਾਨ ਕਰੇਗਾ

ਦਰਅਸਲ ਜਦੋਂ ਤੋਂ WhatsApp ਨੇ ਚੈਨਲ ਫੀਚਰ ਲਾਂਚ ਕੀਤਾ ਹੈ, ਉਦੋਂ ਤੋਂ ਹੀ ਇਹ ਕਿਆਸ ਲਗਾਏ ਜਾ ਰਹੇ ਸਨ

ਕਿ ਭਵਿੱਖ ਵਿੱਚ ਇਸ ਨੂੰ ਮੋਨੇਟਾਈਜ਼ ਕੀਤਾ ਜਾਵੇਗਾ ਤੇ ਹੁਣ ਕੰਪਨੀ ਨੇ ਇਸ ਦੀ ਪੁਸ਼ਟੀ ਕੀਤੀ ਹੈ

WhatsApp ਦੇ ਚੈਨਲ ਨੂੰ ਹੁਣ ਮੋਨੇਟਾਈਜ਼ ਕੀਤਾ ਜਾ ਸਕਦਾ ਹੈ ਤੇ ਕੰਟੈਂਟ ਕ੍ਰਿਏਟਰ ਇਸ ਤੋਂ ਕਮਾਈ ਕਰ ਸਕਦੇ ਹਨ, WhatsApp ਨੇ ਆਪਣੇ ਅੱਪਡੇਟਸ ਟੈਬ ਲਈ ਕੁਝ ਨਵੇਂ ਫੀਚਰ ਪੇਸ਼ ਕੀਤੇ ਹਨ, ਜੋ ਚੈਨਲਾਂ ਤੇ ਸਟੇਟਸ ਦਾ ਕੇਂਦਰ ਹੈ।

ਹੁਣ ਉਪਭੋਗਤਾ ਆਪਣੇ ਮਨਪਸੰਦ ਚੈਨਲ ਵਿੱਚ ਸ਼ਾਮਲ ਹੋਣ ਤੇ ਵਿਸ਼ੇਸ਼ ਅਪਡੇਟਸ ਪ੍ਰਾਪਤ ਕਰਨ ਲਈ ਮਹੀਨਾਵਾਰ ਫੀਸ ਦੇ ਕੇ ਸਬਸਕ੍ਰਾਈਬ ਕਰ ਸਕਣਗੇ।

ਇਹ ਇੱਕ ਕਿਸਮ ਦਾ ਮੋਨੇਟਾਈਜ਼ੇਸ਼ਨ ਹੈ। ਇਹ ਮੋਨੇਟਾਈਜ਼ੇਸ਼ਨ ਦੂਜੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੋਂ ਵੱਖਰਾ ਹੋਵੇਗਾ। ਤੁਸੀਂ ਆਪਣੇ ਉਪਭੋਗਤਾਵਾਂ ਤੋਂ ਸਪੈਸ਼ਲ ਕੰਟੈਂਟ ਲਈ ਚਾਰਜ ਲੈ ਸਕਦੇ ਹੋ।

ਡਾਇਰੈਕਟਰੀ ਬ੍ਰਾਊਜ਼ ਕਰਦੇ ਸਮੇਂ ਉਪਭੋਗਤਾਵਾਂ ਨੂੰ ਨਵੇਂ ਤੇ ਮਨਪਸੰਦ ਚੈਨਲ ਦਿਖਾਏ ਜਾਣਗੇ। ਇਹ ਕਾਰੋਬਾਰੀ ਖਾਤੇ ਦੇ ਉਪਭੋਗਤਾਵਾਂ ਦੁਆਰਾ ਕੀਤੀ ਗਈ ਗੱਲਬਾਤ 'ਤੇ ਅਧਾਰਤ ਹੋਵੇਗਾ।

ਇੱਕ ਚੈਨਲ ਨੂੰ ਸਥਾਨ ਦੇ ਅਨੁਸਾਰ ਪ੍ਰਮੋਟ ਕੀਤਾ ਜਾ ਸਕਦਾ ਹੈ।

ਉਪਭੋਗਤਾ ਹੁਣ ਸਟੇਟਸ ਵਿੱਚ ਦਿਖਾਈ ਦੇਣ ਵਾਲੇ ਕਾਰੋਬਾਰ ਦੇ ਪ੍ਰਚਾਰ ਨਾਲ ਆਸਾਨੀ ਨਾਲ ਗੱਲਬਾਤ ਸ਼ੁਰੂ ਕਰਨ ਦੇ ਯੋਗ ਹੋਣਗੇ। ਇਹ ਇਸ਼ਤਿਹਾਰ ਉਪਭੋਗਤਾ ਦੇ ਸਥਾਨ, ਡਿਵਾਈਸ ਭਾਸ਼ਾ, ਆਦਿ ਦੇ ਅਧਾਰ ਤੇ ਦਿਖਾਏ ਜਾਣਗੇ।