ਮੱਧ ਪੂਰਬ ਵਿੱਚ ਚੱਲ ਰਹੇ ਸੰਘਰਸ਼ ਰੁਕਣ ਦੇ ਕੋਈ ਸੰਕੇਤ ਨਜ਼ਰ ਨਹੀਂ ਆ ਰਹੇ ਹਨ। ਹੁਣ ਇਨ੍ਹਾਂ ਦਾ ਮਾੜਾ ਅਸਰ ਕਾਰੋਬਾਰ 'ਤੇ ਦਿਖਾਈ ਦੇ ਰਿਹਾ ਹੈ।

ਸ਼ਿਪਿੰਗ ਕੰਟੇਨਰਾਂ ਦੀ ਕਮੀ ਅਤੇ ਚੀਨ ਤੋਂ ਆਉਣ ਵਾਲੇ ਸਮਾਨ 'ਤੇ ਭਾੜੇ ਦੇ ਖਰਚੇ ਵਧਣ ਕਾਰਨ ਆਈਟੀ ਹਾਰਡਵੇਅਰ, ਟੀਵੀ, ਵਾਸ਼ਿੰਗ ਮਸ਼ੀਨ ਅਤੇ ਏਸੀ ਵਰਗੀਆਂ ਇਲੈਕਟ੍ਰਾਨਿਕ ਵਸਤਾਂ ਦੀਆਂ ਕੀਮਤਾਂ ਵਧਣ ਦੀ ਪ੍ਰਬਲ ਸੰਭਾਵਨਾ ਹੈ।

ਇਸ ਦਾ ਅਸਰ ਭਾਰਤੀ ਗਾਹਕਾਂ 'ਤੇ ਪਵੇਗਾ।

ਬਾਜ਼ਾਰ ਮਾਹਿਰਾਂ ਮੁਤਾਬਕ ਪਿਛਲੇ 2 ਮਹੀਨਿਆਂ 'ਚ ਕੁਝ ਥਾਵਾਂ 'ਤੇ ਮਾਲ ਦੀ ਢੋਆ-ਢੁਆਈ ਲਗਭਗ ਚਾਰ ਗੁਣਾ ਵਧ ਗਈ ਹੈ।

ਪਹਿਲਾਂ ਸਮੁੰਦਰੀ ਜਹਾਜ਼ ਅਮਰੀਕਾ ਤੇ ਯੂਰਪ ਤੱਕ ਪਹੁੰਚਣ ਲਈ ਸੂਏਜ਼ ਨਹਿਰ ਦਾ ਰਸਤਾ ਲੈਂਦੇ ਸਨ। ਹੁਣ ਸੰਕਟ ਤੋਂ ਬਚਣ ਲਈ ਉਨ੍ਹਾਂ ਨੂੰ ਕਰੀਬ 8500 ਕਿਲੋਮੀਟਰ ਦਾ ਰਸਤਾ ਫੜਨਾ ਪੈ ਰਿਹਾ ਹੈ।

ਪਹਿਲਾਂ ਸਮੁੰਦਰੀ ਜਹਾਜ਼ ਅਮਰੀਕਾ ਅਤੇ ਯੂਰਪ ਤੱਕ ਪਹੁੰਚਣ ਲਈ ਸੂਏਜ਼ ਨਹਿਰ ਦਾ ਰਸਤਾ ਲੈਂਦੇ ਸਨ।

ਹੁਣ ਸੰਕਟ ਤੋਂ ਬਚਣ ਲਈ ਉਨ੍ਹਾਂ ਨੂੰ ਕਰੀਬ 8500 ਕਿਲੋਮੀਟਰ ਦਾ ਰਸਤਾ ਫੜਨਾ ਪੈ ਰਿਹਾ ਹੈ।

ਇਕਨਾਮਿਕ ਟਾਈਮਜ਼ ਦੀ ਰਿਪੋਰਟ ਦੇ ਅਨੁਸਾਰ, ਲੌਜਿਸਟਿਕਸ ਲਾਗਤ ਵੱਡੇ ਇਲੈਕਟ੍ਰਾਨਿਕ ਸਮਾਨ ਦੀ ਕੀਮਤ ਦਾ ਲਗਭਗ 2 ਤੋਂ 3 ਪ੍ਰਤੀਸ਼ਤ ਹੈ। ਖਦਸ਼ਾ ਜਤਾਇਆ ਜਾ ਰਿਹਾ ਹੈ ਕਿ ਜੇਕਰ ਇਹੀ ਸਥਿਤੀ ਜਾਰੀ ਰਹੀ ਤਾਂ ਇਹ ਕੀਮਤ ਗਾਹਕਾਂ ਤੋਂ ਵਸੂਲੀ ਜਾਣੀ ਯਕੀਨੀ ਹੈ।

ਇਸ ਤੋਂ ਇਲਾਵਾ ਕਿਸੇ ਜਹਾਜ਼ ਨੂੰ ਆਪਣੀ ਮੰਜ਼ਿਲ 'ਤੇ ਪਹੁੰਚਣ 'ਚ ਲੱਗਣ ਵਾਲੇ ਸਮੇਂ 'ਚ ਵੀ 35 ਤੋਂ 40 ਫੀਸਦੀ ਦਾ ਵਾਧਾ ਹੋਇਆ ਹੈ।

ਲਾਲ ਸਾਗਰ ਸੰਕਟ ਕਾਰਨ ਦੁਨੀਆ ਭਰ ਵਿੱਚ 20 ਅਤੇ 40 ਫੁੱਟ ਦੇ ਕੰਟੇਨਰਾਂ ਦੀਆਂ ਕੀਮਤਾਂ ਵਧ ਗਈਆਂ ਹਨ। ਕੰਪਨੀਆਂ ਆਪਣਾ ਮਾਲ ਇੱਕ ਥਾਂ ਤੋਂ ਦੂਜੀ ਥਾਂ ਭੇਜਣ ਲਈ 20 ਫੁੱਟ ਦੇ ਡੱਬਿਆਂ ਨੂੰ ਤਰਜੀਹ ਦੇ ਰਹੀਆਂ ਹਨ।