ਕੈਨੇਡਾ 'ਚ ਰਹਿ ਰਹੇ ਭਾਰਤੀਆਂ, ਖਾਸ ਕਰਕੇ ਪੰਜਾਬੀਆਂ ਲਈ ਇੱਕ ਵਧੀਆ ਖ਼ਬਰ ਆਈ ਹੈ।

ਕੈਨੇਡਾ ਸਰਕਾਰ ਨੇ Parents and Grandparents Program (PGP) 2025 ਲਈ ਨਵੀਆਂ ਅਰਜ਼ੀਆਂ ਲੈਣ ਦਾ ਐਲਾਨ ਕੀਤਾ ਹੈ।

28 ਜੁਲਾਈ 2025 ਤੋਂ ਚੁਣੇ ਉਮੀਦਵਾਰਾਂ ਨੂੰ Sponsorship ਲਈ ਸੱਦੇ ਭੇਜੇ ਜਾਣਗੇ। ਇਸ ਵਾਰ 10,000 ਅਰਜ਼ੀਆਂ ਨੂੰ ਮਨਜ਼ੂਰੀ ਦਿੱਤੀ ਜਾਵੇਗੀ।

PGP ਪ੍ਰੋਗਰਾਮ ਕੈਨੇਡਾ ਦੇ ਨਾਗਰਿਕਾਂ ਜਾਂ PR ਹੋਲਡਰਜ਼ ਲਈ ਹੈ, ਜੋ ਆਪਣੇ ਮਾਪਿਆਂ ਜਾਂ ਦਾਦਾ-ਦਾਦੀਆਂ ਨੂੰ ਕੈਨੇਡਾ 'ਚ ਸਥਾਈ ਤੌਰ 'ਤੇ ਬਸਾਉਣਾ ਚਾਹੁੰਦੇ ਹਨ।

ਜਿਨ੍ਹਾਂ ਨੂੰ ਸੱਦਾ ਪੱਤਰ ਮਿਲੇਗਾ, ਉਹ Permanent Residence Portal ਜਾਂ ਆਪਣੀ ਵਕੀਲ ਰਾਹੀਂ ਆਨਲਾਈਨ ਅਰਜ਼ੀ ਭੇਜ ਸਕਣਗੇ।

ਸਾਲ 2024 ਵਿੱਚ IRCC ਨੇ 35,700 ਲੋਕਾਂ ਨੂੰ ਅਰਜ਼ੀ ਦੇਣ ਦਾ ਮੌਕਾ ਦਿੱਤਾ, ਜਿਨ੍ਹਾਂ ਵਿੱਚੋਂ 20,500 ਦੀਆਂ ਅਰਜ਼ੀਆਂ ਮਨਜ਼ੂਰ ਹੋਈਆਂ।

2023 ਦੇ ਅੰਤ ਤੱਕ ਸਰਕਾਰ ਕੋਲ 40,000 ਤੋਂ ਵੱਧ Sponsorship ਅਰਜ਼ੀਆਂ ਬਕਾਇਆ ਸਨ।

ਰਿਪੋਰਟ ਮੁਤਾਬਕ, PGP ਅਰਜ਼ੀ ਦੀ ਪ੍ਰੋਸੈਸਿੰਗ ਦਾ ਔਸਤ ਸਮਾਂ 24 ਮਹੀਨੇ ਹੈ ਅਤੇ ਬੈਕਲੌਗ ਹਰ ਸਾਲ ਵੱਧ ਰਿਹਾ ਹੈ।

ਜਿਨ੍ਹਾਂ ਲੋਕਾਂ ਨੇ 2020 ਵਿੱਚ Sponsorship ਲਈ ਰੁਚੀ ਦਰਜ ਕਰਵਾਈ ਸੀ ਪਰ ਅਜੇ ਤੱਕ ਸੱਦਾ ਨਹੀਂ ਮਿਲਿਆ, ਉਨ੍ਹਾਂ ਨੂੰ ਆਪਣਾ 2020 ਵਾਲਾ ਈਮੇਲ ਚੈੱਕ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।

ਹੋ ਸਕਦਾ ਹੈ ਕਿ ਇਸ ਵਾਰ ਉਨ੍ਹਾਂ ਨੂੰ ਅਰਜ਼ੀ ਦੇਣ ਦਾ ਮੌਕਾ ਮਿਲ ਜਾਵੇ।