ਅਮਰੀਕਾ ਦੀ ਖੁਫੀਆ ਏਜੰਸੀ ਲਈ ਕੰਮ ਕਰਨ ਵਾਲੀ ਮੁਟਿਆਰ ਨੇ ISIS ਅੱਤਵਦਾਦੀ ਨਾ ਕਰਾ ਲਿਆ ਵਿਅਾਹ
ਗ੍ਰੀਨੀ ਦੇ ਵਿਆਹ ਬਾਰੇ ਪਤਾ ਲੱਗਣ ਮਗਰੋਂ ਉਸ ਨੂੰ ਦੋ ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ। ਹਾਲਾਂਕਿ ਏਜੰਸੀ ਨੇ ਗ੍ਰੀਨੀ ਦੀ ਸਜ਼ਾ ਨੂੰ ਘਟਾਉਣ ਦੀ ਮੰਗ ਕੀਤੀ ਹੈ। ਏਜੰਸੀ ਦਾ ਤਰਕ ਹੈ ਕਿ 38 ਸਾਲਾ ਗ੍ਰੀਨੀ ਬੜੀ ਸਹਿਯੋਗੀ ਹੈ ਅਤੇ ਉਸ ਨੂੰ ਪੂਰੀ ਸਜ਼ਾ ਨਹੀਂ ਮਿਲਣੀ ਚਾਹੀਦੀ। ਉਹ ਜਰਮਨੀ ਵਿਚ ਜਨਮੀ ਇੱਕ ਅਮਰੀਕੀ ਨਾਗਰਿਕ ਹੈ, ਜੋ 2011 ਵਿਚ ਐੱਫ. ਬੀ. ਆਈ. ਨਾਲ ਜੁੜੀ ਸੀ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਗ੍ਰੀਨੀ ਨੇ ਐੱਫ. ਬੀ. ਆਈ. ਨੂੰ ਆਪਣੇ ਦੌਰੇ ਬਾਰੇ ਝੂਠ ਬੋਲਿਆ ਅਤੇ ਡੈਨਿਸ਼ ਕਸਪਰਟ ਨਾਲ ਵਿਆਹ ਕਰਵਾਉਣ ਲਈ ਸੀਰੀਆ ਚਲੀ ਗਈ। ਡੈਨਿਸ਼ ਇੱਕ ਜਰਮਨ ਰੈਪਰ ਸੀ, ਜੋ ਬਾਅਦ ਵਿਚ ਆਈ. ਐੱਸ. ਨਾਲ ਜੁੜ ਗਿਆ ਸੀ। ਉਸ ਦਾ ਨਾਂ ਬਦਲ ਕੇ ਅੱਬੂ ਤਲਹਾ ਅਲ-ਅਲਮਾਨੀ ਹੋ ਗਿਆ।
ਨਿਊਯਾਰਕ: ਅਮਰੀਕਾ ਦੀ ਖ਼ੁਫ਼ੀਆ ਏਜੰਸੀ ਐੱਫ. ਬੀ. ਆਈ. ਲਈ ਉਸ ਵੇਲੇ ਸ਼ਰਮਨਾਕ ਹਾਲਤ ਪੈਦਾ ਹੋ ਗਈ ਜਦ ਏਜੰਸੀ ਦੀ ਇੱਕ ਅਨੁਵਾਦਕ (ਟਰਾਂਸਲੇਟਰ) ਨੇ ਅੱਤਵਾਦੀ ਸੰਗਠਨ ਆਈ. ਐੱਸ. ਆਈ. ਐੱਸ. ਦੇ ਉਸ ਅੱਤਵਾਦੀ ਨਾਲ ਵਿਆਹ ਕਰਵਾ ਲਿਆ, ਜਿਸ ਦੀ ਜਾਂਚ ਦੀ ਜ਼ਿੰਮੇਵਾਰੀ ਉਸ ਨੂੰ ਸੌਂਪੀ ਗਈ ਸੀ।
ਦੱਸਿਆ ਜਾ ਰਿਹਾ ਹੈ ਕਿ ਐੱਫ. ਬੀ. ਆਈ. ਦੀ ਇਹ ਅਨੁਵਾਦਕ ਡੇਨਿਏਲਾ ਗ੍ਰੀਨੀ ਟਾਪ ਸੀਕ੍ਰੇਟ ਸੁਰੱਖਿਆ ਮਨਜ਼ੂਰੀ ਨਾਲ 2014 ਵਿਚ ਸੀਰੀਆ ਗਈ ਸੀ ਅਤੇ ਜਿਸ ਪ੍ਰਮੁੱਖ ਆਈ. ਐੱਸ. ਦੇ ਅੱਤਵਾਦੀ ਦੀ ਉਸ ਨੇ ਜਾਂਚ-ਪੜਤਾਲ ਕਰਨੀ ਸੀ, ਉਸੇ ਨਾਲ ਵਿਆਹ ਕਰਵਾ ਲਿਆ। ਇਸ ਪੂਰੇ ਮਾਮਲੇ ਨੂੰ ਨਿਆਂ ਵਿਭਾਗ ਅਤੇ ਐੱਫ. ਬੀ. ਆਈ. ਨੇ ਗੁਪਤ ਰੱਖਿਆ ਸੀ।