ਆਪਣੇ ਮਾਂ ਪਿਓ ਦੇ ਵਿਆਹ 'ਚ ਬੱਚੇ ਬਣੇ ਬਰਾਤੀ, 14 ਸਾਲ ਬਾਅਦ ਦੁਬਾਰਾ ਕੀਤਾ ਵਿਆਹ

ਵਿਦੇਸ਼ ਜਾਣ ਤੋਂ ਬਾਅਦ, ਕੋਈ ਵੀ ਆਪਣੀ ਮਿੱਟੀ, ਆਪਣੇ ਪਰਿਵਾਰ, ਆਪਣੇ ਸਭਿਆਚਾਰ ਨੂੰ ਯਾਦ ਨਹੀਂ ਕਰਦਾ। ਕੁਝ ਅਜਿਹੇ ਲੋਕ ਹਨ, ਭਾਵੇਂ ਵਿਦੇਸ਼ ਵਿੱਚ ਰਹਿੰਦੇ ਹੋਏ ਕਿੰਨੇ ਹੀ ਸਾਲ ਬੀਤ ਗਏ ਹੋਣ, ਪਰ ਉਨ੍ਹਾਂ ਦੇ ਦਿਲ ਅਤੇ ਦਿਮਾਗ ਵਿੱਚ, ਉਨ੍ਹਾਂ ਦੇ ਦੇਸ਼ ਦੀ ਮਿੱਟੀ ਉਨ੍ਹਾਂ ਦੀ ਆਪਣੀ ਸਭਿਅਤਾ ਘੁੰਮਦੀ ਰਹਿੰਦੀ ਹੈ। ਅਜਿਹਾ ਹੀ ਇੱਕ ਤਾਜ਼ਾ ਮਾਮਲਾ ਜ਼ਿਲ੍ਹਾ ਸੰਗਰੂਰ ਦੇ ਭਵਾਨੀਗੜ ਸਬ-ਡਵੀਜ਼ਨ ਦੇ ਪਿੰਡ ਵਲਦ ਖੁਰਦ ਦਾ ਹੈ। ਜਿਥੇ ਦਾ ਇੱਕ ਨੌਜਵਾਨ ਰਾਜੇਸ਼ ਕੁਮਾਰ ਕੌਸ਼ਲ ਇਸ ਪਿੰਡ ਤੋਂ ਵੈਨਕੂਵਰ ਸਰੀ ਵਿਖੇ ਸਟੱਡੀ ਬੇਸ ਤੇ ਚੱਲਾ ਗਿਆ ਸੀ। ਵੈਨਕੂਵਰ ਵਿੱਚ ਉਹ ਸੀਮਾ ਰਾਣੀ ਪਿੰਡ ਬੰਗਾ ਜ਼ਿਲ੍ਹਾ ਨਵਾਂਸ਼ਹਿਰ ਦੀ ਵਾਸੀ ਨੂੰ ਮਿਲਿਆ।

ਸੰਗਰੂਰ: ਵਿਦੇਸ਼ ਜਾਣ ਤੋਂ ਬਾਅਦ, ਕੋਈ ਵੀ ਆਪਣੀ ਮਿੱਟੀ, ਆਪਣੇ ਪਰਿਵਾਰ, ਆਪਣੇ ਸਭਿਆਚਾਰ ਨੂੰ ਯਾਦ ਨਹੀਂ ਕਰਦਾ। ਕੁਝ ਅਜਿਹੇ ਲੋਕ ਹਨ, ਭਾਵੇਂ ਵਿਦੇਸ਼ ਵਿੱਚ ਰਹਿੰਦੇ ਹੋਏ ਕਿੰਨੇ ਹੀ ਸਾਲ ਬੀਤ ਗਏ ਹੋਣ, ਪਰ ਉਨ੍ਹਾਂ ਦੇ ਦਿਲ ਅਤੇ ਦਿਮਾਗ ਵਿੱਚ, ਉਨ੍ਹਾਂ ਦੇ ਦੇਸ਼ ਦੀ ਮਿੱਟੀ ਉਨ੍ਹਾਂ ਦੀ ਆਪਣੀ ਸਭਿਅਤਾ ਘੁੰਮਦੀ ਰਹਿੰਦੀ ਹੈ। ਅਜਿਹਾ ਹੀ ਇੱਕ ਤਾਜ਼ਾ ਮਾਮਲਾ ਜ਼ਿਲ੍ਹਾ ਸੰਗਰੂਰ ਦੇ ਭਵਾਨੀਗੜ ਸਬ-ਡਵੀਜ਼ਨ ਦੇ ਪਿੰਡ ਵਲਦ ਖੁਰਦ ਦਾ ਹੈ। ਜਿਥੇ ਦਾ ਇੱਕ ਨੌਜਵਾਨ ਰਾਜੇਸ਼ ਕੁਮਾਰ ਕੌਸ਼ਲ ਇਸ ਪਿੰਡ ਤੋਂ ਵੈਨਕੂਵਰ ਸਰੀ ਵਿਖੇ ਸਟੱਡੀ ਬੇਸ ਤੇ ਚੱਲਾ ਗਿਆ ਸੀ। ਵੈਨਕੂਵਰ ਵਿੱਚ ਉਹ ਸੀਮਾ ਰਾਣੀ ਪਿੰਡ ਬੰਗਾ ਜ਼ਿਲ੍ਹਾ ਨਵਾਂਸ਼ਹਿਰ ਦੀ ਵਾਸੀ ਨੂੰ ਮਿਲਿਆ।

ਜਿਸ ਤੋਂ ਬਾਅਦ ਦੋਨਾਂ ਦੀ ਦੋਸਤੀ ਪਿਆਰ ਵਿੱਚ ਬੱਦਲ ਗਈ ਅਤੇ ਉਹਨਾਂ ਨੇ ਵਿਆਹ ਕਰਵਾ ਲਿਆ। ਵਿਦੇਸ਼ੀ ਰੀਤੀ ਰਿਵਾਜ਼ਾਂ ਨਾਲ ਦੋਵਾਂ ਨੇ ਵਿਆਹ ਦੇ ਬੰਧਨ ਵਿੱਚ ਆਪਣੇ ਆਪ ਨੂੰ ਬੰਨ੍ਹ ਲਿਆ। ਪਰ ਉਸ ਸਮੇਂ ਦੋਵਾਂ ਨੇ ਇੱਕ ਗੱਲ ਪੱਲੇ ਬੰਨ੍ਹ ਲਈ ਸੀ ਕਿ ਉਹ ਯਕੀਨੀ ਤੌਰ 'ਤੇ ਪੰਜਾਬ ਮੁੜ ਕੇ ਪੰਜਾਬੀ ਰੀਤੀ ਰੀਵਾਜ਼ ਨਾਲ ਵਿਆਹ ਜ਼ਰੂਰ ਕਰਵਾਉਣਗੇ।

ਆਖਰਕਾਰ ਉਹ ਸਮਾਂ 14 ਸਾਲਾਂ ਬਾਅਦ ਆ ਗਿਆ, ਜਦੋਂ ਪਤੀ-ਪਤਨੀ ਦੋਵੇਂ ਆਪਣੇ ਬੱਚਿਆਂ ਨੂੰ ਵੈਨਕੂਵਰ ਸਰੀ ਤੋਂ ਪੰਜਾਬ ਲੈ ਕੇ ਆਏ। ਫਿਰ ਵਿਆਹ ਦੇ 14 ਸਾਲਾਂ ਬਾਅਦ, ਰਾਜੇਸ਼ ਨੇ ਇੱਕ ਵਾਰ ਫਿਰ ਵਿਆਹ ਦੀ ਤਿਆਰੀ ਕੀਤੀ ਅਤੇ ਆਪਣੇ ਸੋਹਰੇ ਬੰਗਾ ਜ਼ਿਲ੍ਹਾ ਨਵਾਂਸ਼ਹਿਰ ਬਰਾਤ ਲੈ ਕੇ ਗਿਆ। ਦੋਵਾਂ ਨੇ ਪੰਜਾਬੀ ਸਭਿਅਤਾ ਅਨੁਸਾਰ ਵਿਆਹ ਕੀਤਾ। ਵਿਆਹ ਕਰਾਉਣ ਤੋਂ ਬਾਅਦ ਰਾਜੇਸ਼ ਨੇ ਭਵਾਨੀਗੜ ਆ ਕੇ ਇੱਕ ਪਾਰਟੀ ਵੀ ਦਿੱਤੀ।

ਰਾਜੇਸ਼ ਦੇ ਰਿਸ਼ਤੇਦਾਰਾਂ ਤੇ ਦੋਸਤਾਂ ਨੇ, ਜਿੱਥੇ ਰਾਜੇਸ਼ ਦੇ ਪਰਿਵਾਰ ਨੂੰ ਵਧਾਈ ਦਿੱਤੀ, ਉਥੇ ਉਨ੍ਹਾਂ ਨੇ ਆਪਣੀ ਮਿੱਟੀ, ਆਪਣੀ ਸਭਿਆਤਾ ਅਤੇ ਵਿਰਸੇ ਨਾਲ ਜੁੜੇ ਰਹਿਣ ਲਈ ਉਸ ਦੀ ਭਰਪੂਰ ਪ੍ਰਸ਼ੰਸਾ ਕੀਤੀ। ਇਸ ਅਨੌਖੇ ਵਿਆਹ ਨੂੰ ਲੈ ਕੇ ਦੂਰ ਦੂਰ ਤੱਕ ਕਾਫ਼ੀ ਚਰਚਾ ਹੋ ਰਹੀ ਹੈ।