ਨਵੀਂ ਦਿੱਲੀ: ਅੱਜਕਲ ਨੌਜਵਾਨਾਂ 'ਚ ਪ੍ਰਮੋਸ਼ਨ ਅਤੇ ਤਨਖਾਹ ਵਾਧੇ ਲਈ ਸਮੇਂ ਦੇ ਨਾਲ ਕੰਪਨੀ ਬਦਲਣ ਦਾ ਕ੍ਰੇਜ਼ ਹੈ। ਪਰ ਕੁਝ ਲੋਕ ਅਜਿਹੇ ਹੁੰਦੇ ਹਨ ਜੋ ਆਪਣੀ ਜ਼ਿੰਦਗੀ ਦਾ ਜ਼ਿਆਦਾਤਰ ਸਮਾਂ ਜਾਂ ਆਪਣੀ ਪੂਰੀ ਜ਼ਿੰਦਗੀ ਇੱਕੋ ਕੰਪਨੀ ਵਿੱਚ ਕੰਮ ਕਰਦੇ ਹੋਏ ਬਿਤਾਉਂਦੇ ਹਨ। ਕਈ ਕੰਪਨੀਆਂ ਆਪਣੇ ਕਰਮਚਾਰੀਆਂ ਨੂੰ ਵੱਖ-ਵੱਖ ਤਰੀਕਿਆਂ ਨਾਲ ਉਤਸ਼ਾਹਿਤ ਕਰਦੀਆਂ ਹਨ।
ਤੁਹਾਨੂੰ ਹੀਰਾ ਵਪਾਰੀ ਸਾਵਜੀ ਢੋਲਕੀਆ ਬਾਰੇ ਤਾਂ ਯਾਦ ਹੀ ਹੋਣਗੇ। ਸਾਵਜੀ ਆਪਣੇ ਨਾਲ ਕੰਮ ਕਰਨ ਵਾਲੇ ਕਰਮਚਾਰੀਆਂ ਨੂੰ ਮਹਿੰਗੇ ਤੋਹਫ਼ੇ ਦੇਣ ਲਈ ਮਸ਼ਹੂਰ ਹਨ। ਹੁਣ ਅਜਿਹਾ ਹੀ ਇੱਕ ਹੋਰ ਮਾਮਲਾ ਸਾਹਮਣੇ ਆਇਆ ਹੈ। ਦਰਅਸਲ ਕੇਰਲ ਸਥਿਤ ਕੰਪਨੀ ਨੇ ਆਪਣੇ ਇੱਕ ਵਫ਼ਾਦਾਰ ਕਰਮਚਾਰੀ ਨੂੰ ਉਤਸ਼ਾਹਿਤ ਕਰਨ ਲਈ ਨਵੀਂ ਮਰਸੀਡੀਜ਼ ਕਾਰ ਤੋਹਫੇ ਵਿੱਚ ਦਿੱਤੀ ਹੈ। ਕੰਪਨੀ ਤੋਂ ਇਹ ਤੋਹਫਾ ਮਿਲਣ ਬਾਰੇ ਸੁਣ ਕੇ ਹਰ ਕੋਈ ਹੈਰਾਨ ਹੈ।
ਮੁਲਾਜ਼ਮ ਨੂੰ ਇਸ ਦੀ ਮਿਹਨਤ ਦੇ ਬਲਬੂਤੇ ਮਰਸਡੀਜ਼ ਦੇ ਕੇ ਹੌਸਲਾ ਦੇਣ ਵਾਲੇ ਕਾਰੋਬਾਰੀ ਦਾ ਨਾਂ ਏ.ਕੇ.ਸ਼ਾਜੀ ਹੈ। ਉਹ ਕੇਰਲ ਵਿੱਚ ਰਿਟੇਲ ਆਊਟਲੈੱਟ ਚੇਨ MyG ਦਾ ਮਾਲਕ ਹੈ। ਉਨ੍ਹਾਂ ਦੇ ਸੂਬੇ ਭਰ ਵਿੱਚ 100 ਤੋਂ ਵੱਧ ਸਟੋਰ ਹਨ। ਉਸਨੇ ਪਿਛਲੇ 22 ਸਾਲਾਂ ਤੋਂ ਉਸਦੇ ਨਾਲ ਕੰਮ ਕਰ ਰਹੇ ਇੱਕ ਕਰਮਚਾਰੀ ਸੀਆਰ ਅਨੀਸ਼ ਨੂੰ 45 ਲੱਖ ਰੁਪਏ ਦੀ ਇੱਕ ਮਰਸੀਡੀਜ਼-ਬੈਂਜ਼ GLA ਕਲਾਸ 220d (Mercedes-Benz GLA Class 220d) ਤੋਹਫ਼ੇ ਵਿੱਚ ਦਿੱਤੀ ਹੈ।
ਸ਼ਾਜੀ ਨੇ ਕਰਮਚਾਰੀ ਨੂੰ ਦਿੱਤੇ ਇਸ ਤੋਹਫੇ ਦੀ ਵੀਡੀਓ ਅਤੇ ਫੋਟੋ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ। ਵੀਡੀਓ 'ਚ ਮੁਲਾਜ਼ਮ ਦਾ ਪਰਿਵਾਰ ਵੀ ਮੌਜੂਦ ਹੈ। ਸ਼ਾਜੀ ਦੇ ਇਸ ਕਦਮ ਦੀ ਸੋਸ਼ਲ ਮੀਡੀਆ 'ਤੇ ਕਾਫੀ ਸ਼ਲਾਘਾ ਹੋ ਰਹੀ ਹੈ। ਕੁਝ ਲੋਕਾਂ ਨੇ ਇਹ ਟਿੱਪਣੀ ਵੀ ਕੀਤੀ ਕਿ 'ਕਾਸ਼ ਮੈਂ ਵੀ ਇਸ ਕੰਪਨੀ ਦਾ ਹਿੱਸਾ ਹੁੰਦਾ'। ਇਸ ਦੇ ਨਾਲ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਫੋਟੋ 'ਚ ਸ਼ਾਜੀ ਆਪਣੇ ਕਰਮਚਾਰੀ ਦੀ ਮਹਿਨਤ ਦੀ ਸ਼ਲਾਘਾ ਕਰ ਰਹੇ ਹਨ।
ਤੋਹਫ਼ੇ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਸੀਆਰ ਅਨੀਸ਼ ਨੇ ਕਿਹਾ ਕਿ ਇਹ ਉਨ੍ਹਾਂ ਦੀ ਜ਼ਿੰਦਗੀ ਦਾ ਸਭ ਤੋਂ ਵੱਡਾ ਸਰਪ੍ਰਾਈਜ਼ ਹੈ। ਸੀਆਰ ਅਨੀਸ਼ ਰਿਟੇਲ ਆਊਟਲੇਟ ਫਰਮ ਮਾਈਜੀ ਦੇ ਗਠਨ ਤੋਂ ਪਹਿਲਾਂ ਹੀ ਸ਼ਾਜੀ ਦੇ ਨਾਲ ਕੰਮ ਕਰ ਚੁੱਕੇ ਹਨ। ਵਰਤਮਾਨ ਵਿੱਚ ਅਨੀਸ਼ MyG ਵਿੱਚ ਚੀਫ ਬਿਜਨਸ ਡੇਵਲਪਮੈਂਟ ਅਧਿਕਾਰੀ ਹੈ। ਇਸ ਤੋਂ ਪਹਿਲਾਂ ਉਹ ਮਾਰਕੀਟਿੰਗ, ਮੇਨਟੇਨੈਂਸ, ਯੂਨਿਟ ਡੇਵੈਲਪਮੈਂਟ ਸਮੇਤ ਵੱਖ-ਵੱਖ ਜ਼ਿੰਮੇਵਾਰੀਆਂ ਸੰਭਾਲ ਚੁੱਕੇ ਹਨ।
ਇਹ ਵੀ ਪੜ੍ਹੋ: Shaktimaan: ਇੱਕ ਵਾਰ ਫਿਰ ਆਪਣੇ ਜਾਦੂ ਨਾਲ ਵਾਪਸੀ ਕਰ ਰਿਹਾ ਭਾਰਤ ਦਾ ਪਹਿਲਾ ਸੁਪਰਹੀਰੋ 'ਸ਼ਕਤੀਮਾਨ', ਦੇਖੋ TEASER
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin