Lottery Ticket: ਇਨਸਾਨ ਦੀ ਕਿਸਮਤ ਕਦੋਂ ਪਲਟ ਜਾਵੇ ਕੁਝ ਕਿਹਾ ਨਹੀਂ ਜਾ ਸਕਦਾ। ਖਾਸ ਤੌਰ 'ਤੇ ਲਾਟਰੀ ਖੇਡਣ ਵਾਲਿਆਂ ਨਾਲ ਕਿਸਮਤ ਦਾ ਹੋਣਾ ਬਹੁਤ ਜ਼ਰੂਰੀ ਹੈ। ਅਜਿਹਾ ਹੀ ਕੁਝ ਅਮਰੀਕਾ ਦੇ ਇਕ ਜੋੜੇ ਨਾਲ ਹੋਇਆ। ਇੱਥੇ ਇੱਕ ਜੋੜੇ ਨੇ ਸੋਚਿਆ ਕਿ ਉਨ੍ਹਾਂ ਨੇ ਵਾਸ਼ਿੰਗਟਨ ਲਾਟਰੀ ਗੇਮ ਵਿੱਚ 360 ਡਾਲਰ ਜਿੱਤੇ ਹਨ, ਜੋ ਕਿ ਭਾਰਤੀ ਕਰੰਸੀ ਵਿੱਚ ਲਗਭਗ 30 ਹਜ਼ਾਰ ਰੁਪਏ ਹਨ, ਪਰ ਜਿੰਨੀ ਰਕਮ ਇਨ੍ਹਾਂ ਲੋਕਾਂ ਨੇ ਜਿੱਤੀ ਸੀ, ਉਹ ਉਨ੍ਹਾਂ ਦੇ ਸੋਚਣ ਤੋਂ ਵੱਧ ਸੀ।
ਲਿਨਵੁੱਡ ਦੇ ਇੱਕ ਜੋੜੇ ਨੇ ਜੁਲਾਈ ਵਿੱਚ ਫਰੇਡ ਮੇਅਰ ਵਿਖੇ ਹਿੱਟ ਗੇਮ 5 ਲਈ ਇੱਕ ਟਿਕਟ ਖਰੀਦੀ। 15 ਅਗਸਤ ਨੂੰ ਵਾਸ਼ਿੰਗਟਨ ਲਾਟਰੀ ਰਿਲੀਜ਼ ਦੇ ਅਨੁਸਾਰ, ਜਦੋਂ ਜੋੜੇ ਨੇ ਇੱਕ ਸਟੋਰ 'ਤੇ ਜਿੱਤੀ ਗਈ ਰਕਮ ਨੂੰ ਰਿਡੀਮ ਕਰਨ ਦੀ ਕੋਸ਼ਿਸ਼ ਕੀਤੀ, ਤਾਂ ਉਥੇ ਮੌਜੂਦ ਵਿਅਕਤੀ ਨੇ ਰਕਮ ਨੂੰ ਛੁਡਾਉਣ ਲਈ ਲਾਟਰੀ ਦਫਤਰ ਜਾਣ ਲਈ ਕਿਹਾ।
30 ਹਜ਼ਾਰ ਨਹੀਂ 3 ਕਰੋੜ ਦਾ ਇਨਾਮ
ਜਦੋਂ ਇਹ ਜੋੜਾ ਲਾਟਰੀ ਦਫਤਰ ਪਹੁੰਚਿਆ ਤਾਂ ਉਥੇ ਜਾ ਕੇ ਜਾਂਚ ਕੀਤੀ ਤਾਂ ਪਤਾ ਲੱਗਾ ਕਿ ਉਨ੍ਹਾਂ ਦੀ ਜਿੱਤੀ ਰਕਮ 360 ਡਾਲਰ ਨਹੀਂ ਸਗੋਂ 3 ਲੱਖ 60 ਹਜ਼ਾਰ ਡਾਲਰ ਹੈ। ਇਸ 'ਤੇ ਉਥੇ ਮੌਜੂਦ ਕਰਮਚਾਰੀ ਨੇ ਇਸ ਜੋੜੇ ਨੂੰ ਪੁੱਛਿਆ ਕਿ ਕੀ ਤੁਹਾਨੂੰ ਕੁਰਸੀ ਚਾਹੀਦੀ ਹੈ। ਇਸ ਕਰਮਚਾਰੀ ਨੇ ਅਜਿਹਾ ਇਸ ਲਈ ਪੁੱਛਿਆ ਕਿਉਂਕਿ ਇਹ ਰਕਮ ਜੋੜੇ ਦੇ ਸੋਚਣ ਨਾਲੋਂ ਕਿਤੇ ਵੱਧ ਸੀ।
ਕਪਲ ਦੇ ਹੋਸ਼ ਉੱਡ ਗਏ
ਲਾਟਰੀ 'ਚ ਉਮੀਦ ਤੋਂ ਕਿਤੇ ਜ਼ਿਆਦਾ ਜਿੱਤਣ ਦੀ ਖੁਸ਼ੀ ਦੱਸਦੇ ਹੋਏ ਇਸ ਜੋੜੇ ਨੇ ਕਿਹਾ ਕਿ ਕਾਗਜ਼ ਦੇ ਇਸ ਛੋਟੇ ਜਿਹੇ ਟੁਕੜੇ ਦੀ ਕੀਮਤ 3 ਕਰੋੜ ਰੁਪਏ ਹੈ। ਜੋੜੇ ਨੇ ਅੱਗੇ ਦੱਸਿਆ ਕਿ ਜਿੱਤੀ ਗਈ ਰਕਮ ਵਿੱਚੋਂ ਉਨ੍ਹਾਂ ਨੇ 10 ਹਜ਼ਾਰ ਡਾਲਰ ਆਪਣੇ ਬੇਟੇ ਅਤੇ ਨੂੰਹ ਨੂੰ ਦੇ ਦਿੱਤੇ ਹਨ ਅਤੇ ਬਾਕੀ ਪੈਸੇ ਉਹ ਆਪਣੇ ਰਿਟਾਇਰਮੈਂਟ ਫੰਡ ਵਿੱਚ ਜੋੜ ਦੇਣਗੇ। ਦਰਅਸਲ ਇਸ ਜੋੜੇ ਨੂੰ ਲਾਟਰੀ ਦਫਤਰ ਜਾਣ ਲਈ ਕਿਹਾ ਗਿਆ ਕਿਉਂਕਿ ਸਟੋਰ 'ਤੇ ਥੋੜ੍ਹੀ ਜਿਹੀ ਰਕਮ ਅਦਾ ਕੀਤੀ ਜਾਂਦੀ ਹੈ।
ਇਹ ਵੀ ਪੜ੍ਹੋ: Viral Video: ਲਾਲ ਮਿਰਚ ਨੇ ਇਸ ਖਤਰਨਾਕ ਪੌਦੇ ਦਾ ਕੀਤਾ ਬੁਰਾ ਹਾਲ, ਦੇਖੋ ਵਾਇਰਲ ਵੀਡੀਓ