ਜਾਣਕਾਰੀ ਮੁਤਾਬਕ ਇੱਕ ਵਿਅਕਤੀ ਨੇ ਆਪਣੀ ਪ੍ਰੇਮਿਕਾ ਤੇ ਮਾਪਿਆਂ ਵੱਲੋਂ ਚੁਣੀ ਹੋਈ ਕੁੜੀ ਨਾਲ ਸੱਤ ਫੇਰੇ ਲਏ। ਇਸ ਵਿਆਹ ਵਿੱਚ ਲਾੜਾ ਲਾੜੀਆਂ ਦੇ ਪਰਿਵਾਰਕ ਮੈਂਬਰ ਤੇ ਪਿੰਡ ਦੇ ਲੋਕ ਵੀ ਸ਼ਾਮਲ ਸਨ। ਇਹ ਸ਼ਾਇਦ ਇਸ ਇਲਾਕੇ ਦਾ ਪਹਿਲਾ ਐਸਾ ਵਿਆਹ ਸੀ ਜਿੱਥੇ ਇੱਕ ਮੰਡਪ 'ਚ ਲਾੜਾ ਇੱਕ ਤੇ ਦੁਲਹਾਨਾਂ ਦੋ ਹੋਣ।
ਦਰਅਸਲ, ਲਾੜਾ ਸੰਦੀਪ ਭੋਪਾਲ 'ਚ ਆਈਟੀਆਈ ਦੀ ਪੜ੍ਹਾਈ ਕਰ ਰਿਹਾ ਸੀ ਜਿਸ ਦੌਰਾਨ ਉਸ ਦੀ ਦੋਸਤੀ ਇੱਕ ਕੁੜੀ ਨਾਲ ਹੋ ਗਈ। ਉਧਰ ਉਸ ਦੇ ਘਰ ਵਾਲਿਆਂ ਨੇ ਵੀ ਉਸ ਲਈ ਇੱਕ ਕੁੜੀ ਵੇਖ ਲਈ ਤੇ ਵਿਆਹ ਪੱਕਾ ਕਰ ਦਿੱਤਾ। ਇਸ ਤੋਂ ਬਾਅਦ ਤਿੰਨਾਂ ਪਰਿਵਾਰਾਂ 'ਚ ਵਿਵਾਦ ਸ਼ੁਰੂ ਹੋ ਗਿਆ।
ਵਿਵਾਦ ਨੂੰ ਸੁਲਝਾਉਣ ਲਈ ਪੰਚਾਇਤ ਬੁਲਾਈ ਗਈ ਜਿਸ ਵਿੱਚ ਇਹ ਫੈਸਲਾ ਲਿਆ ਗਿਆ ਕਿ ਜੇਕਰ ਦੋਨੋਂ ਕੁੜੀਆਂ ਇੱਕੋ ਮੁੰਡੇ ਨਾਲ ਵਿਆਹ ਕਰਵਾਉਣ ਲਈ ਤਿਆਰ ਹਨ ਤਾਂ ਤਿੰਨਾਂ ਦਾ ਵਿਆਹ ਕਰ ਦਿੱਤਾ ਜਾਵੇ। ਪੰਚਾਇਤ ਦੇ ਇਸ ਫੈਸਲੇ ਤੇ ਦੋਨੋਂ ਕੁੜੀਆਂ ਰਾਜ਼ੀ ਹੋ ਗਈਆਂ ਤੇ ਨੌਜਵਾਨ ਨਾਲ ਵਿਆਹ ਕਰਵਾ ਲਿਆ।
ਇਸ ਵਿਆਹ ਦਾ ਇੱਕ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਪ੍ਰਸ਼ਾਸਨ ਵੀ ਹਰਕਤ 'ਚ ਆ ਗਿਆ ਹੈ ਤੇ ਇਸ ਮਾਮਲੇ ਦੀ ਜਾਂਚ ਕਰ ਰਿਹਾ ਹੈ।