Scientists discovered a new way to rejuvenate aging skin cells while retaining some of their specialized functions


Weird News: ਵਿਗਿਆਨੀਆਂ ਨੇ ਇੱਕ ਅਜਿਹੀ ਤਕਨੀਕ ਦੀ ਖੋਜ ਕਰਨ ਦਾ ਦਾਅਵਾ ਕੀਤਾ ਹੈ, ਜਿਸ ਦੀ ਵਰਤੋਂ ਕਰਕੇ ਉਹ ਇੱਕ 53 ਸਾਲਾ ਔਰਤ ਦੀ ਚਮੜੀ ਨੂੰ 30 ਸਾਲ ਦੀ ਲੜਕੀ ਵਰਗੀ ਜਵਾਨ ਦਿੱਖ ਦੇਣ ਵਿੱਚ ਕਾਮਯਾਬ ਹੋਏ ਹਨ। ਕੈਂਬ੍ਰਿਜ ਯੂਨੀਵਰਸਿਟੀ ਦੇ ਵਿਗਿਆਨੀਆਂ ਮੁਤਾਬਕ, ਇਹ ਤਕਨੀਕ ਚਿਹਰੇ ਦੇ ਸੈੱਲਾਂ ਨੂੰ ਨੁਕਸਾਨ ਪਹੁੰਚਾਏ ਬਗੈਰ ਜਵਾਨ ਰੱਖਦੀ ਹੈ।


'ਈ-ਲਾਈਫ ਮੈਗਜ਼ੀਨ' 'ਚ ਪ੍ਰਕਾਸ਼ਿਤ ਅਧਿਐਨ ਮੁਤਾਬਕ ਵਿਗਿਆਨੀਆਂ ਨੇ ਇਸ ਤਕਨੀਕ ਨੂੰ 'ਟਾਈਮ ਜੰਪ' ਦਾ ਨਾਂ ਦਿੱਤਾ ਹੈ। ਜਾਪਾਨ ਦੀ ਕਿਓਟੋ ਯੂਨੀਵਰਸਿਟੀ ਦੀ ਖੋਜਕਰਤਾ ਨੋਬਲ ਪੁਰਸਕਾਰ ਜੇਤੂ ਸ਼ਿਨਯਾ ਯਾਮਾਨਾਕਾ ਨੇ ਵੀ 2006 ਵਿੱਚ ਇਸ ਤਕਨੀਕ 'ਤੇ ਕੰਮ ਕੀਤਾ ਸੀ। ਵਿਗਿਆਨੀਆਂ ਨੇ ਕਿਹਾ ਕਿ ਖੋਜ ਅਜੇ ਵੀ ਸ਼ੁਰੂਆਤੀ ਪੜਾਅ 'ਤੇ ਹੈ, ਪਰ ਤਕਨਾਲੋਜੀ ਵਿਕਸਤ ਹੋ ਗਈ ਹੈ। ਜੇਕਰ ਹੋਰ ਖੋਜ ਕੀਤੀ ਜਾਂਦੀ ਹੈ, ਤਾਂ ਇਸ ਵਿਧੀ ਦੀ ਵਰਤੋਂ ਰੀਜਨਰੇਟਿਵ ਦਵਾਈ ਵਰਗੀ ਉੱਨਤ ਦਵਾਈ ਵਿਕਸਤ ਕਰਨ ਲਈ ਕੀਤੀ ਜਾ ਸਕਦੀ ਹੈ।


ਸਕਾਟਲੈਂਡ ਦੇ ਰੋਸਲਿਨ ਇੰਸਟੀਚਿਊਟ ਦੇ ਖੋਜਕਰਤਾਵਾਂ ਨੇ ਕਰੀਬ 25 ਸਾਲ ਪਹਿਲਾਂ ਡੌਲੀ ਨਾਂ ਦੀ ਭੇਡ ਦਾ ਕਲੋਨ ਬਣਾਇਆ ਤੇ ਇਸ 'ਤੇ ਕੰਮ ਕੀਤਾ। ਇਸ ਵਿੱਚ ਵਿਗਿਆਨੀਆਂ ਨੇ ਭੇਡਾਂ ਤੋਂ ਲਏ ਗਏ ਮੈਮਰੀ ਗਲੈਂਡ ਸੈੱਲਾਂ ਨੂੰ ਭਰੂਣ ਵਿੱਚ ਬਦਲ ਦਿੱਤਾ। ਤਕਨੀਕ ਦਾ ਉਦੇਸ਼ ਮਨੁੱਖੀ ਭਰੂਣ ਦੇ ਸਟੈਮ ਸੈੱਲਾਂ ਨੂੰ ਬਣਾਉਣਾ ਸੀ, ਜਿਨ੍ਹਾਂ ਨੂੰ ਖਾਸ ਟਿਸ਼ੂਆਂ ਜਿਵੇਂ ਕਿ ਮਾਸਪੇਸ਼ੀ, ਨਰਵ ਸੈੱਲਾਂ ਵਿੱਚ ਵਿਕਸਤ ਕੀਤਾ ਜਾ ਸਕਦਾ ਹੈ। ਇਨ੍ਹਾਂ ਦੀ ਵਰਤੋਂ ਸਰੀਰ ਦੇ ਪੁਰਾਣੇ ਅੰਗਾਂ ਨੂੰ ਬਦਲਣ ਲਈ ਕੀਤੀ ਜਾ ਸਕਦੀ ਹੈ।


ਨੋਬਲ ਜੇਤੂ ਵਿਗਿਆਨੀ ਤਕਨੀਕ 'ਤੇ ਕੰਮ ਕਰਦੇ ਹੋਏ ਜਰਮਨ ਮੋਲੀਕਿਊਲਰ ਬਾਇਓਲੋਜਿਸਟ ਵੁਲਫ ਰਿਕ, ਪੋਸਟ-ਡਾਕਟੋਰਲ ਵਿਦਿਆਰਥੀ ਦਿਲਜੀਤ ਗਿੱਲ ਤੇ ਸੰਸਥਾ ਦੀ ਟੀਮ ਸਟੈਮ ਸੈੱਲ ਰੀਪ੍ਰੋਗਰਾਮਿੰਗ ਦੀ ਪੂਰੀ ਪ੍ਰਕਿਰਿਆ 50 ਦਿਨਾਂ ਦੀ ਹੈ, ਜੋ ਕਈ ਪੜਾਵਾਂ ਵਿੱਚ ਪੂਰੀ ਹੁੰਦੀ ਹੈ। ਇਹ ਬੁਢਾਪੇ ਦੇ ਸੈੱਲਾਂ ਨੂੰ ਹਟਾ ਕੇ ਜਾਂ ਮੁਰੰਮਤ ਕਰਕੇ ਚੰਗਾ ਕਰਨ ਦੀ ਪ੍ਰਕਿਰਿਆ ਹੈ। ਇਸ ਦੌਰਾਨ ਉਨ੍ਹਾਂ ਨੂੰ ਕਿਸੇ ਵੀ ਕਿਸਮ ਦੇ ਸੈੱਲਾਂ ਵਿੱਚ ਬਦਲਿਆ ਜਾ ਸਕਦਾ ਹੈ। ਇਨ੍ਹਾਂ ਨੂੰ ਸਰੀਰ ਵਿੱਚ ਪਾ ਕੇ, ਉਹ ਨਿਸ਼ਾਨਾ ਅੰਗ ਜਾਂ ਇਸ ਦੇ ਸੈੱਲਾਂ ਵਾਂਗ ਕੰਮ ਕਰ ਸਕਦੇ ਹਨ। ਇਸਦੇ ਲਈ ਚਾਰ ਮੁੱਖ ਅਣੂ ਬਣਾਏ ਗਏ ਹਨ।


ਭਵਿੱਖ ਵਿੱਚ ਇਸ ਤਕਨਾਲੋਜੀ ਦੀ ਵਰਤੋਂ ਅਲਜ਼ਾਈਮਰ ਜਾਂ ਉਮਰ-ਸਬੰਧਤ ਬਿਮਾਰੀਆਂ ਦੇ ਉੱਨਤ ਤਰੀਕੇ ਨਾਲ ਇਲਾਜ ਕਰਨ ਲਈ ਕੀਤੀ ਜਾ ਸਕਦੀ ਹੈ। ਇਸ ਤਕਨੀਕ 'ਤੇ ਹੋਰ ਕੰਮ ਕਰਨਾ ਬਾਕੀ ਹੈ। ਵਰਤਮਾਨ ਵਿੱਚ ਜੋ ਵੀ ਸਕਾਰਾਤਮਕ ਨਤੀਜੇ ਸਾਹਮਣੇ ਆਏ ਹਨ, ਉਹ ਪ੍ਰਯੋਗਸ਼ਾਲਾਵਾਂ ਵਿੱਚ ਕੀਤੇ ਗਏ ਪ੍ਰਯੋਗਾਂ ਦੇ ਅਧਾਰ ਤੇ ਹਨ। ਮੁੱਖ ਤੌਰ 'ਤੇ ਇਹ ਤਕਨੀਕ ਪੁਰਾਣੇ ਸੈੱਲਾਂ ਦੀ ਮੁਰੰਮਤ ਦਾ ਕੰਮ ਕਰਦੀ ਹੈ।


ਇਹ ਵੀ ਪੜ੍ਹੋ: ਮਹਿੰਗਾਈ ਦੇ ਮੁੱਦੇ 'ਤੇ ਜਹਾਜ਼ 'ਚ ਬੁਰੀ ਤਰ੍ਹਾਂ ਘਿਰੀ ਸਮ੍ਰਿਤੀ ਇਰਾਨੀ, ਸੋਸ਼ਲ ਮੀਡੀਆ 'ਤੇ ਵੀਡੀਓ ਵਾਇਰਲ