Viral News: ਅੱਜਕੱਲ੍ਹ ਸੋਸ਼ਲ ਮੀਡੀਆ 'ਤੇ ਹਰ ਰੋਜ਼ ਕੁਝ ਨਾ ਕੁਝ ਨਵਾਂ ਤੇ ਖਾਸ ਦੇਖਣ ਨੂੰ ਮਿਲਦਾ ਹੈ। ਹਾਲ ਹੀ 'ਚ ਗਰਮੀਆਂ ਵੱਧਣ ਕਾਰਨ ਲੋਕਾਂ ਦੀ ਸਭ ਤੋਂ ਵੱਡੀ ਸਮੱਸਿਆ ਵਿਆਹ-ਸ਼ਾਦੀਆਂ 'ਤੇ ਜਾਣਾ ਬਣ ਗਿਆ ਹੈ। ਇਸ ਦੇ ਨਾਲ ਹੀ ਲਾੜੀ ਦੇ ਪਰਿਵਾਰ ਦੀ ਸਭ ਤੋਂ ਵੱਡੀ ਸਿਰਦਰਦੀ ਵਿਆਹ ਦੌਰਾਨ ਬਰਾਤੀਆਂ ਨੂੰ ਗਰਮੀ ਤੋਂ ਨਜਾਤ ਦਿਵਾਉਣਾ ਹੈ।
ਸੋਸ਼ਲ ਮੀਡੀਆ 'ਤੇ ਕਈ ਅਜਿਹੇ ਜੁਗਾੜੂ ਵੀਡੀਓ ਸਾਹਮਣੇ ਆਏ ਹਨ, ਜਿਨ੍ਹਾਂ ਨੂੰ ਦੇਖ ਕੇ ਜ਼ਿਆਦਾਤਰ ਲੋਕ ਹੈਰਾਨ ਹੋ ਜਾਂਦੇ ਹਨ। ਇਸ ਤਾਜ਼ਾ ਵਾਇਰਲ ਵੀਡੀਓ 'ਚ ਪਿੰਡਾਂ 'ਚ ਵਿਆਹ ਸਮਾਗਮ ਦੌਰਾਨ ਲੋਕ ਗਰਮੀ ਤੋਂ ਛੁਟਕਾਰਾ ਪਾਉਣ ਲਈ ਅਨੋਖਾ ਜੁਗਾੜ ਕਰਦੇ ਨਜ਼ਰ ਆ ਰਹੇ ਹਨ, ਜਿਸ ਨੂੰ ਦੇਖ ਕੇ ਜਿੱਥੇ ਬਰਾਤ ਸੁੱਖ ਦਾ ਸਾਹ ਲੈਂਦੇ ਨਜ਼ਰ ਆ ਰਹੀ ਹੈ, ਉੱਥੇ ਹੀ ਸੋਸ਼ਲ ਮੀਡੀਆ ਯੂਜ਼ਰਸ ਵੀ ਹੈਰਾਨ ਹਨ।
ਵਾਇਰਲ ਹੋ ਰਹੀ ਇਸ ਕਲਿੱਪ ਨੂੰ ਸੋਸ਼ਲ ਮੀਡੀਆ 'ਤੇ ਆਈਪੀਐਸ ਅਧਿਕਾਰੀ ਅਵਨੀਸ਼ ਸ਼ਰਨ ਨੇ ਟਵਿਟਰ 'ਤੇ ਸ਼ੇਅਰ ਕੀਤਾ ਹੈ। ਵੀਡੀਓ ਵਿੱਚ, ਇੱਕ ਥਰੈਸ਼ਰ ਮਸ਼ੀਨ ਬਰਾਤੀਆਂ ਦੇ ਸਵਾਗਤ ਲਈ ਲਗਾਈ ਗਈ।
ਦੱਸ ਦੇਈਏ ਕਿ ਥਰੈਸ਼ਰ ਮਸ਼ੀਨ ਦਾ ਪੇਂਡੂ ਖੇਤਰਾਂ ਵਿੱਚ ਬਹੁਤ ਮਹੱਤਵਪੂਰਨ ਕੰਮ ਹੁੰਦਾ ਹੈ। ਅੱਜ ਕੱਲ੍ਹ ਹਰ ਪਿੰਡ ਵਿੱਚ ਥਰੈਸ਼ਰ ਮਸ਼ੀਨ ਦੇਖੀ ਜਾ ਸਕਦੀ ਹੈ। ਇਹ ਮਸ਼ੀਨ ਦਾਣੇ ਤੋਂ ਪਰਾਲੀ ਨੂੰ ਵੱਖ ਕਰਨ ਦਾ ਕੰਮ ਬੜੀ ਤੇਜ਼ੀ ਨਾਲ ਕਰਦੀ ਹੈ, ਜਿਸ ਨਾਲ ਕਾਫੀ ਸਮਾਂ ਬਚਦਾ ਹੈ। ਇਹ ਆਮ ਤੌਰ 'ਤੇ ਕਣਕ ਨੂੰ ਵੱਖ ਕਰਨ ਲਈ ਵਰਤਿਆ ਜਾਂਦਾ ਹੈ। ਇਸ ਵੇਲੇ ਹਰ ਕੋਈ ਥਰੈਸ਼ਰ ਨਾਲ ਇਸ ਤਰ੍ਹਾਂ ਦਾ ਜੁਗਾੜ ਕਰਨਾ ਪਸੰਦ ਕਰ ਰਿਹਾ ਹੈ।