ਕੇਂਦਰ ਸਰਕਾਰ GST ਸਿਸਟਮ ਨੂੰ ਬਦਲਣ ਦੀ ਤਿਆਰੀ ਕਰ ਰਹੀ ਹੈ। ਨਵੇਂ ਪ੍ਰਸਤਾਵ ਅਨੁਸਾਰ, ਛੋਟੇ ਅਤੇ ਵੱਡੇ ਇੰਜਣਾਂ ਵਾਲੀਆਂ ਬਾਈਕਾਂ 'ਤੇ ਵੱਖ-ਵੱਖ ਟੈਕਸ ਲਗਾਏ ਜਾ ਸਕਦੇ ਹਨ। ਜੇਕਰ ਇਹ ਪ੍ਰਸਤਾਵ ਲਾਗੂ ਹੁੰਦਾ ਹੈ, ਤਾਂ 350cc ਤੋਂ ਘੱਟ ਬਾਈਕਾਂ 'ਤੇ 18% ਜੀਐਸਟੀ ਲਗਾਇਆ ਜਾਵੇਗਾ, ਜਦੋਂ ਕਿ 350 ਸੀਸੀ ਤੋਂ ਵੱਧ ਇੰਜਣਾਂ ਵਾਲੀਆਂ ਮੋਟਰਸਾਈਕਲਾਂ ਲਗਜ਼ਰੀ ਸ਼੍ਰੇਣੀ ਵਿੱਚ ਆਉਣਗੀਆਂ ਅਤੇ ਉਨ੍ਹਾਂ 'ਤੇ 40% ਜੀਐਸਟੀ ਦੇਣਾ ਪਵੇਗਾ।
ਦਰਅਸਲ, ਇਸ ਦਾ ਸਿੱਧਾ ਅਸਰ ਕੰਪਨੀਆਂ ਅਤੇ ਗਾਹਕਾਂ 'ਤੇ ਪਵੇਗਾ, ਖਾਸ ਕਰਕੇ ਰਾਇਲ ਐਨਫੀਲਡ 'ਤੇ, ਕਿਉਂਕਿ ਇਸ ਸੈਗਮੈਂਟ ਵਿੱਚ ਇਸ ਦੀ ਵਿਕਰੀ ਸਭ ਤੋਂ ਵੱਧ ਹੈ। ਇਸ ਦੌਰਾਨ, ਰਾਇਲ ਐਨਫੀਲਡ ਦੇ ਐਮਡੀ ਸਿਧਾਰਥ ਲਾਲ ਨੇ ਸੋਸ਼ਲ ਮੀਡੀਆ 'ਤੇ ਸਰਕਾਰ ਨੂੰ ਸਾਰੇ ਦੋਪਹੀਆ ਵਾਹਨਾਂ 'ਤੇ ਇੱਕਸਾਰ 18% ਜੀਐਸਟੀ ਰੱਖਣ ਦੀ ਅਪੀਲ ਕੀਤੀ ਹੈ। ਹੁਣ ਇਹ ਦੇਖਣਾ ਬਾਕੀ ਹੈ ਕਿ ਇਸ ਬਦਲਾਅ ਤੋਂ ਬਾਅਦ ਬੁਲੇਟ 350 ਸਸਤਾ ਹੋਵੇਗਾ ਜਾਂ ਮਹਿੰਗਾ।
ਕਿਉਂ ਜ਼ਿਆਦਾ ਪ੍ਰਭਾਵਿਤ ਹੋਵੇਗੀ Royal Enfield ?
ਰਾਇਲ ਐਨਫੀਲਡ ਭਾਰਤੀ ਮਿਡ ਕੈਪੇਸਿਟੀ ਮੋਟਰਸਾਈਕਲ ਸੈਗਮੈਂਟ ਦੀ ਲੀਡਰ ਹੈ। ਕਲਾਸਿਕ, ਬੁਲੇਟ, ਹੰਟਰ ਅਤੇ ਮੀਟਿਓਰ ਵਰਗੀਆਂ ਜੇ-ਸੀਰੀਜ਼ ਬਾਈਕਾਂ ਦੀ ਬਹੁਤ ਮੰਗ ਹੈ। ਇਸ ਤੋਂ ਇਲਾਵਾ, ਕੰਪਨੀ 450cc ਅਤੇ 650cc ਪਲੇਟਫਾਰਮਾਂ 'ਤੇ ਵੀ ਕਈ ਮੋਟਰਸਾਈਕਲ ਵੇਚਦੀ ਹੈ। ਅਜਿਹੀ ਸਥਿਤੀ ਵਿੱਚ, ਜੇਕਰ 40% GST ਲਾਗੂ ਹੁੰਦਾ ਹੈ, ਤਾਂ ਇਨ੍ਹਾਂ ਬਾਈਕਾਂ ਦੀਆਂ ਕੀਮਤਾਂ ਵਿੱਚ ਕਾਫ਼ੀ ਵਾਧਾ ਹੋਵੇਗਾ ਅਤੇ ਇਸ ਸੈਗਮੈਂਟ ਨੂੰ ਪ੍ਰਭਾਵਿਤ ਕੀਤਾ ਜਾ ਸਕਦਾ ਹੈ। ਸਾਲ 2024 ਵਿੱਚ, ਰਾਇਲ ਐਨਫੀਲਡ ਨੇ ਭਾਰਤ ਵਿੱਚ 8.57 ਲੱਖ ਯੂਨਿਟ ਵੇਚ ਕੇ ਇੱਕ ਰਿਕਾਰਡ ਬਣਾਇਆ। ਪਰ ਟੈਕਸ ਵਿੱਚ ਵਾਧੇ ਕਾਰਨ ਇਹ ਵਾਧਾ ਰੁੱਕ ਸਕਦਾ ਹੈ।
Royal Enfield ਦੇ MD ਸਿਧਾਰਥ ਲਾਲ ਨੇ ਸੋਸ਼ਲ ਮੀਡੀਆ 'ਤੇ ਸਰਕਾਰ ਨੂੰ ਸਾਰੇ ਦੋਪਹੀਆ ਵਾਹਨਾਂ 'ਤੇ ਇਕਸਾਰ 18% ਜੀਐਸਟੀ ਰੱਖਣ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਭਾਰਤ ਪਹਿਲਾਂ ਹੀ ਛੋਟੇ ਇੰਜਣ ਵਾਲੀਆਂ ਬਾਈਕਾਂ ਵਿੱਚ ਵਿਸ਼ਵ ਮੋਹਰੀ ਹੈ ਅਤੇ ਹੁਣ ਮਿਡ ਕੈਪੇਸਿਟੀ ਵਾਲੀਆਂ ਬਾਈਕਾਂ ਵਿੱਚ ਵੀ ਵੱਡੀ ਪਹੁੰਚ ਬਣਾ ਰਿਹਾ ਹੈ।ਜੇਕਰ ਵੱਡੇ ਇੰਜਣ ਵਾਲੀਆਂ ਬਾਈਕਾਂ 'ਤੇ ਟੈਕਸ ਵਧਦਾ ਹੈ, ਤਾਂ ਇਹ ਸੈਗਮੈਂਟ ਦੇ ਵਿਕਾਸ ਨੂੰ ਨੁਕਸਾਨ ਪਹੁੰਚਾਏਗਾ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਗਾਹਕਾਂ ਨੂੰ ਬਿਹਤਰ ਮੁੱਲ ਅਤੇ ਭਾਰਤੀ-ਨਿਰਮਿਤ ਮੱਧ-ਆਕਾਰ ਦੀਆਂ ਮੋਟਰਸਾਈਕਲਾਂ ਦੇ ਕੇ ਦੁਨੀਆ ਭਰ ਵਿੱਚ ਆਪਣੀ ਪਕੜ ਮਜ਼ਬੂਤ ਕਰਨੀ ਚਾਹੀਦੀ ਹੈ। ਇਸ ਲਈ, ਇਹ ਜ਼ਰੂਰੀ ਹੈ ਕਿ ਟੈਕਸ ਢਾਂਚਾ ਸਾਰਿਆਂ ਲਈ ਇੱਕੋ ਜਿਹਾ ਹੋਵੇ।
ਗਾਹਕਾਂ ਦੇ ਲਈ ਕੀ ਮਾਇਨੇ ਰੱਖਦਾ GST?
ਤੁਹਾਨੂੰ ਦੱਸ ਦਈਏ ਕਿ ਜੇਕਰ ਨਵਾਂ GST ਨਿਯਮ ਲਾਗੂ ਹੁੰਦਾ ਹੈ, ਤਾਂ 350cc ਤੋਂ ਘੱਟ ਬਾਈਕ ਸਸਤੀਆਂ ਹੋ ਸਕਦੀਆਂ ਹਨ, ਕਿਉਂਕਿ ਉਨ੍ਹਾਂ 'ਤੇ ਸਿਰਫ 18% ਟੈਕਸ ਲੱਗੇਗਾ। 350cc ਤੋਂ ਉੱਪਰ ਦੀਆਂ ਬਾਈਕ ਮਹਿੰਗੀਆਂ ਹੋ ਜਾਣਗੀਆਂ, ਕਿਉਂਕਿ ਉਨ੍ਹਾਂ 'ਤੇ ਟੈਕਸ 40% ਹੋਵੇਗਾ।
ਰਾਇਲ ਐਨਫੀਲਡ ਵਰਗੀਆਂ ਕੰਪਨੀਆਂ ਲਈ, ਮਿਡ ਕੈਪੇਸਿਟੀ ਮੋਟਰਸਾਈਕਲ ਸੈਗਮੈਂਟ ਪ੍ਰਭਾਵਿਤ ਹੋਵੇਗਾ। ਗਾਹਕਾਂ ਲਈ ਬੁਲੇਟ, ਮੀਟੀਅਰ, ਇੰਟਰਸੈਪਟਰ ਵਰਗੀਆਂ ਬਾਈਕਾਂ ਦੀਆਂ ਕੀਮਤਾਂ ਵੱਧ ਸਕਦੀਆਂ ਹਨ।
Car loan Information:
Calculate Car Loan EMI