ਬਿੱਗ ਬੌਸ 12 ਦੇ ਘਰ ਤੋਹਫੇ ਵੰਡਣ ਆ ਰਹੀ ਇਹ ਹਸੀਨਾ

ਬਿੱਗ ਬੌਸ 12 ਦਾ ਸੀਜ਼ਨ ਆਪਣੇ ਅੰਤਮ ਪੜਾਅ ‘ਚ ਹੈ। ਇਸ ਦੇ ਨਾਲ ਹੀ ਘਰ ‘ਚ ਜਿੱਤ ਦਾ ਖਿਤਾਬ ਆਪਣੇ ਨਾਂ ਕਰਨ ਲਈ ਹਰ ਕੋਈ ਜੱਦੋ-ਜਹਿਦ ਕਰ ਰਿਹਾ ਹੈ। ਇਸ ਗਹਿਮਾ-ਗਹਿਮੀ ਦੇ ਮਾਹੌਲ ‘ਚ ਘਰ ‘ਚ ਬਾਲੀਵੁੱਡ ਐਕਟਰਸ ਉਰਵਸ਼ੀ ਰੌਤੇਲਾ ਦੀ ਐਂਟਰੀ ਹੋਣ ਵਾਲੀ ਹੈ ਜੋ ਸਭ ਨੂੰ ਕ੍ਰਿਸਮਸ ‘ਤੇ ਤੋਹਫੇ ਦੇਣ ਆਈ ਹੈ।

ਬਿੱਗ ਬੌਸ ਹਾਉਸ ‘ਚ ਉਰਵਸ਼ੀ ਕ੍ਰਿਸਮਸ ਮੌਕੇ ਆ ਰਹੀ ਹੈ। ਇਸ ਦਾ ਖ਼ੁਲਾਸਾ ਸਾਹਮਣੇ ਆਈਆਂ ਵੀਡੀਓ ਤੇ ਕੁਝ ਤਸਵੀਰਾਂ ਨਾਲ ਹੋਇਆ ਹੈ।

ਉਰਵਸ਼ੀ ਨੇ ਘਰਦਿਆਂ ਨੂੰ ਸ਼ਾਂਤਾ ਬਣ ਕੇ ਗਿਫਟ ਦਿੱਤੇ ਤੇ ਨਾਲ ਹੀ ਉਨ੍ਹਾਂ ਨਾਲ ਡਾਂਸ ਵੀ ਕੀਤਾ।

ਦੀਪਿਕਾ ਨੂੰ ਸ਼ਾਂਤਾ ਬਣੀ ਉਰਵਸ਼ੀ ਨੇ ਗਿਫਟ ‘ਚ ਵਿਆਹ ਵਾਲਾ ਦੁਪੱਟਾ ਦਿੱਤਾ ਹੈ ਤੇ ਸੁਰਭੀ ਨੂੰ ਟ੍ਰਾਫੀ ਮਿਲੀ ਹੈ ਜੋ ਉਸ ਨੇ ਕਾਫੀ ਪਹਿਲਾਂ ਜਿੱਤੀ ਸੀ।

ਬਿੱਗ ਬੌਸ ‘ਚ ਸੁਰਭੀ, ਦੀਪਕ ਤੇ ਸ਼੍ਰੀਸੰਤ ਨੂੰ ਇੱਕ ਸੀਕ੍ਰੇਟ ਟਾਸਕ ਮਿਲਦਾ ਹੈ, ਜਿਸ ‘ਚ ਉਹ ਸਾਰੇ ਕੰਟੈਸਟੈਂਟਸ ਨੂੰ ਇੱਕ-ਇੱਕ ਖੁਫੀਆ ਕੰਮ ਦਿੰਦੇ ਹਨ। ਇਸ ‘ਚ ਸੁਰਭੀ ਨੂੰ ਦੀਪਿਕਾ ਨੂੰ ਰਵਾਉਣ ਦਾ ਕੰਮ ਮਿਲਦਾ ਹੈ।