ਨਵੀਂ ਦਿੱਲ਼ੀ: ਸੋਨੇ ਦੇ ਖ਼ਰੀਦਦਾਰਾਂ ਲਈ ਬਹੁਤ ਵੱਡੀ ਖ਼ਬਰ ਹੈ। ਸੋਨੇ ਦੀਆਂ ਕੀਮਤਾਂ ’ਚ ਪਿਛਲੇ 7 ਮਹੀਨਿਆਂ ’ਚ ਲਗਪਗ 13 ਹਜ਼ਾਰ ਰੁਪਏ ਦੀ ਗਿਰਾਵਟ ਦਰਜ ਹੋ ਚੁੱਕੀ ਹੈ। ਪਿਛਲੇ ਵਰ੍ਹੇ 7 ਅਗਸਤ, 2020 ਨੂੰ ਸੋਨਾ ਆਪਣੇ ਉੱਚਤਮ ਪੱਧਰ ’ਤੇ ਪੁੱਜ ਗਿਆ ਸੀ। ਸੋਨੇ ਦੀ ਕੀਮਤ ਇਸ ਦਿਨ 56,200 ਰੁਪਏ ਤੋਂ ਪਾਰ ਹੋ ਗਈ ਸੀ।
ਸੋਨੇ ਦੀ ਕੀਮਤ ਵਿੱਚ ਭਾਵ 2021 ਦੇ ਮਾਰਚ ਮਹੀਨੇ ਦੇ ਤੀਜੇ ਕਾਰੋਬਾਰੀ ਹਫ਼ਤੇ ਦੇ ਪਹਿਲੇ ਦਿਨ ਥੋੜ੍ਹਾ ਵਾਧਾ ਵੇਖਿਆ ਜਾ ਰਿਹਾ ਹੈ। MCX ਉੱਤੇ ਸੋਨਾ ਵਾਇਆ 0.4 ਫ਼ੀਸਦੀ ਵਧ ਕੇ 44,915 ਰੁਪਏ ਪ੍ਰਤੀ 10 ਗ੍ਰਾਮ ਹੋ ਗਿਆ, ਜਦ ਕਿ ਚਾਂਦੀ ਵਾਇਦਾ 0.6 ਫ਼ੀਸਦੀ ਵਧ ਕੇ 67,273 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੋ ਗਿਆ।
ਪਿਛਲੇ ਸੈਸ਼ਨ ’ਚ ਸੋਨਾ ਇੱਕ ਸਾਲ ਦੇ ਹੇਠਲੇ ਪੱਧਰ ਉੱਤੇ ਪੁੱਜ ਗਿਆ ਸੀ। ਪਿਛਲੇ ਹਫ਼ਤੇ ਦੇ ਆਖ਼ਰੀ ਕਾਰੋਬਾਰੀ ਦਿਨ ਸ਼ੁੱਕਰਵਾਰ ਨੂੰ ਸੋਨੇ ਦਾ ਹੇਠਲਾ ਪੱਧਰ 4,059 ਰੁਪਏ ਪ੍ਰਤੀ 10 ਗ੍ਰਾਮ ਸੀ। ਚਾਂਦੀ ਦੀ ਕੀਮਤ 65,958 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੈ।
ਜੇ ਤੁਸੀਂ ਵਿਆਹ ਲਈ ਖ਼ਰੀਦਦਾਰੀ ਕਰਨ ਬਾਰੇ ਸੋਚ ਰਹੇ ਹੋ, ਤਾਂ ਇਸ ਤੋਂ ਵਧੀਆ ਮੌਕਾ ਨਹੀਂ ਮਿਲੇਗਾ। ਤੁਸੀਂ ਜੇ ਸੋਨੇ ’ਚ ਨਿਵੇਸ਼ ਕਰਨਾ ਚਾਹੁੰਦੇ ਹੋ, ਤਾਂ ਕੁਝ ਸਮਾਂ ਹੋਰ ਰੁਕ ਸਕਦੇ ਹੋ। ਸਰਾਫ਼ਾ ਬਾਜ਼ਾਰ ਦੇ ਜਾਣਕਾਰਾਂ ਮੁਤਾਬਕ ਤਾਂ ਆਉਣ ਵਾਲੇ ਦਿਨਾਂ ’ਚ ਸੋਨਾ ਹੋਰ ਵੀ ਸਸਤਾ ਹੋਵੇਗਾ।
ਮੰਨਿਆ ਜਾ ਰਿਹਾ ਹੈ ਕਿ ਸੋਨਾ 1,500 ਡਾਲਰ ਪ੍ਰਤੀ ਔਂਸ ਤੱਕ ਡਿੱਞ ਸਕਦਾ ਹੈ। ਉਸ ਤੋਂ ਬਾਅਦ ਇਸ ਵਿੱਚ ਸਥਿਰਤਾ ਦਿਸੇਗੀ। ਇਸ ਹਿਸਾਬ ਨਾਲ ਭਾਰਤੀ ਰੁਪਿਆਂ ਵਿੱਚ ਵੇਖਿਆ ਜਾਵੇ, ਤਾਂ ਸੋਨਾ ਲਗਪਗ 38,800 ਰੁਪਏ ਪ੍ਰਤੀ 10 ਗ੍ਰਾਮ ਦੇ ਪੱਧਰ ਉੱਤੇ ਪੁੱਜ ਸਕਦਾ ਹੈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :