ਖੰਡ ਮਿੱਲਾਂ ਨੂੰ ਮਿਲੀ ਰਾਹਤ, ਸਰਕਾਰ ਨੇ ਖੰਡ ਬਰਾਮਦ ਦੀ ਆਖਰੀ ਤਰੀਕ ਦਸੰਬਰ ਤੱਕ ਵਧਾਈ

ਮਹਾਮਾਰੀ ਦੌਰਾਨ ਬਹੁਤ ਸਾਰੀਆਂ ਮਿੱਲਾਂ ਨੂੰ ਢੋਆ-ਢੁਆਈ ਦੀ ਮੁਸੀਬਤ ਦਾ ਸਾਹਮਣਾ ਕਰਨਾ ਪਿਆ। ਇਸ ਲਈ ਸਰਕਾਰ ਨੇ ਉਨ੍ਹਾਂ ਦੇ ਕੋਟੇ ਨੂੰ ਨਿਰਯਾਤ ਕਰਨ ਲਈ ਦਸੰਬਰ ਤੱਕ ਕੁਝ ਹੋਰ ਸਮਾਂ ਦੇਣ ਦਾ ਫੈਸਲਾ ਕੀਤਾ ਹੈ।

ਨਵੀਂ ਦਿੱਲੀ: ਸਰਕਾਰ ਨੇ ਇਸ ਸਾਲ ਖੰਡ ਮਿੱਲਾਂ ਨੂੰ ਤੈਅ ਕੀਤੇ ਕੋਟਾ ਦੇ ਜ਼ਰੂਰੀ ਨਿਰਯਾਤ ਦੀ ਤੈਅ ਅੰਤਮ ਤਾਰੀਖ ਤਿੰਨ ਮਹੀਨੇ ਵਧਾ ਦਿੱਤੀ ਹੈ। ਖੁਰਾਕ ਮੰਤਰਾਲੇ ਦੇ ਸੀਨੀਅਰ ਅਧਿਕਾਰੀ ਨੇ ਸੋਮਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਸਰਕਾਰ ਨੇ ਸਤੰਬਰ 'ਚ ਖ਼ਤਮ ਹੋਣ ਵਾਲੇ 2019-20 ਦੇ ਮਾਰਕੀਟਿੰਗ ਸਾਲ ਲਈ ਵਾਧੂ ਖੰਡ ਦੇ ਨਿਪਟਾਰੇ ਵਿੱਚ ਮਦਦ ਲਈ ਕੋਟੇ ਅਧੀਨ 60 ਲੱਖ ਟਨ ਚੀਨੀ ਦੀ ਬਰਾਮਦ ਦੀ ਇਜਾਜ਼ਤ ਦੇ ਦਿੱਤੀ ਹੈ।

56 ਲੱਖ ਟਨ ਖੰਡ ਨਿਕਲ ਚੁੱਕੀ:

ਖੁਰਾਕ ਮੰਤਰਾਲੇ ਦੇ ਜੁਆਇੰਟ ਸੈਕਟਰੀ ਸੁਬੋਧ ਕੁਮਾਰ ਸਿੰਘ ਨੇ ਕਿਹਾ, "60 ਲੱਖ ਟਨ ਵਿੱਚੋਂ 57 ਲੱਖ ਟਨ ਖੰਡ ਦਾ ਇਕਰਾਰਨਾਮਾ ਹੋ ਚੁੱਕਾ ਹੈ ਤੇ ਮਿੱਲਾਂ ਵਿੱਚੋਂ ਕਰੀਬ 56 ਲੱਖ ਟਨ ਖੰਡ ਜਾਰੀ ਕੀਤੀ ਗਈ ਹੈ।" ਉਨ੍ਹਾਂ ਕਿਹਾ ਕਿ ਆਵਾਜਾਈ ਵਿੱਚ ਮੁਸ਼ਕਲ ਹੋਣ ਕਰਕੇ, ਕੁਝ ਮਿੱਲਾਂ ਆਪਣਾ ਸਟਾਕ ਨਹੀਂ ਭੇਜ ਸਕੀਆਂ।

ਮਹਾਮਾਰੀ ਕਰਕੇ ਸਮੱਸਿਆਵਾਂ:

ਸਿੰਘ ਨੇ ਕਿਹਾ, “ਮਹਾਮਾਰੀ ਦੌਰਾਨ ਬਹੁਤ ਸਾਰੀਆਂ ਮਿੱਲਾਂ ਨੂੰ ਤਰਕਪੂਰਨ ਮੁੱਦਿਆਂ ਦਾ ਸਾਹਮਣਾ ਕਰਨਾ ਪਿਆ। ਇਸ ਲਈ ਅਸੀਂ ਉਨ੍ਹਾਂ ਦੇ ਕੋਟੇ ਨੂੰ ਨਿਰਯਾਤ ਕਰਨ ਲਈ ਦਸੰਬਰ ਤੱਕ ਉਨ੍ਹਾਂ ਨੂੰ ਕੁਝ ਹੋਰ ਸਮਾਂ ਦੇਣ ਦਾ ਫੈਸਲਾ ਕੀਤਾ ਹੈ।” ਸ਼ੂਗਰ ਮਿੱਲਾਂ ਨੇ ਇਰਾਨ, ਇੰਡੋਨੇਸ਼ੀਆ, ਨੇਪਾਲ, ਸ੍ਰੀਲੰਕਾ ਤੇ ਬੰਗਲਾਦੇਸ਼ ਵਰਗੇ ਦੇਸ਼ਾਂ ਨੂੰ ਖੰਡ ਦੀ ਬਰਾਮਦ ਕੀਤੀ ਹੈ।

ਨਿਰਯਾਤ 'ਤੇ ਪਾਬੰਦੀ ਮਗਰੋਂ ਵੀ ਕਾਬੂ ਨਹੀਂ ਹੋ ਰਹੀ ਪਿਆਜ਼ ਦੀ ਕੀਮਤ, 60- ਤੋਂ 80 ਰੁਪਏ ਕਿੱਲੋ ਕੀਮਤ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904