ਐਸਬੀਆਈ ਦਾ ਗਾਹਕਾਂ ਨੂੰ ਵੱਡਾ ਤੋਹਫਾ, ਬਿਲਡਰ ਨੇ ਕੀਤਾ ਦੇਰੀ ਤਾਂ ਵਾਪਸ ਮਿਲੇਗੀ ਕਰਜ਼ ਦੀ ਰਕਮ

ਬੈਂਕ ਮੁਤਾਬਕ ਜੇ ਕੋਈ ਗਾਹਕ ਕਿਸੇ ਬਿਲਡਰ ਤੋਂ ਮਕਾਨ ਬਣਾਉਂਦਾ ਹੈ, ਤਾਂ ਬਿਲਡਰ ਨੂੰ ਤੈਅ ਸਮੇਂ ਲਈ ਇਸ ਨੂੰ ਬਣਾਉਣਾ ਹੋਵੇਗਾ। ਜੇ ਬਿਲਡਰ ਆਪਣਾ ਪ੍ਰੋਜੈਕਟ ਤੈਅ ਸਮੇਂ ਅੰਦਰ ਪੂਰਾ ਨਹੀਂ ਕਰਦਾ, ਤਾਂ ਬੈਂਕ ਆਪਣੇ ਗਾਹਕਾਂ ਨੂੰ ਪੂਰੀ ਰਕਮ ਅਦਾ ਕਰੇਗਾ।

ਨਵੀਂ ਦਿੱਲੀ: ਸਟੇਟ ਬੈਂਕ ਆਫ਼ ਇੰਡੀਆ ਆਪਣੇ ਗਾਹਕਾਂ ਨੂੰ ਸਮੇਂ-ਸਮੇਂ 'ਤੇ ਤੋਹਫੇ ਦਿੰਦਾ ਰਹਿੰਦਾ ਹੈ। ਅਜਿਹਾ ਹੀ ਤੋਹਫਾ ਇੱਕ ਵਾਰ ਫਿਰ ਐਸਬੀਆਈ ਗਾਹਕਾਂ ਲਈ ਲਿਆਇਆ ਗਿਆ ਹੈ। ਦਰਅਸਲ ਐਸਬੀਆਈ ਨੇ 'ਰੈਜ਼ੀਡੈਂਸ਼ੀਅਲ ਬਿਲਡਰ ਫਾਈਨਾਂਸ ਵਿਦ ਬਾਇਰ ਗਾਰੰਟੀ ਸਕੀਮ' ਸ਼ੁਰੂ ਕੀਤੀ ਹੈ।

ਬੈਂਕ ਮੁਤਾਬਕ ਜੇ ਕੋਈ ਗਾਹਕ ਕਿਸੇ ਬਿਲਡਰ ਤੋਂ ਮਕਾਨ ਬਣਾਉਂਦਾ ਹੈ, ਤਾਂ ਬਿਲਡਰ ਨੂੰ ਤੈਅ ਸਮੇਂ ਲਈ ਇਸ ਨੂੰ ਬਣਾਉਣਾ ਹੋਵੇਗਾ। ਜੇ ਬਿਲਡਰ ਆਪਣਾ ਪ੍ਰੋਜੈਕਟ ਤੈਅ ਸਮੇਂ ਅੰਦਰ ਪੂਰਾ ਨਹੀਂ ਕਰਦਾ, ਤਾਂ ਬੈਂਕ ਆਪਣੇ ਗਾਹਕਾਂ ਨੂੰ ਪੂਰੀ ਰਕਮ ਅਦਾ ਕਰੇਗਾ। ਬੈਂਕ ਨੇ ਕਿਹਾ ਹੈ ਕਿ ਅਜਿਹੀ ਸਥਿਤੀ 'ਚ ਬੈਂਕ ਸਿਰਫ ਗਾਹਕਾਂ ਨੂੰ ਅਸਲ ਰਕਮ ਵਾਪਸ ਕਰੇਗਾ। ਇਸ ਸਕੀਮ 'ਚ ਵਿਆਜ ਦਾ ਭੁਗਤਾਨ ਨਹੀਂ ਕੀਤਾ ਜਾਏਗਾ।

ਐਸਬੀਆਈ ਦੇ ਚੇਅਰਮੈਨ ਰਜਨੀਸ਼ ਕੁਮਾਰ ਨੇ ਕਿਹਾ ਹੈ ਕਿ ਇਹ ਯੋਜਨਾ ਇਸ ਢੰਗ ਨਾਲ ਤਿਆਰ ਕੀਤੀ ਗਈ ਹੈ ਕਿ ਇਸ ਨਾਲ ਬਿਲਡਰਾਂ ਤੇ ਘਰੇਲੂ ਖਰੀਦਦਾਰਾਂ ਦੋਵਾਂ ਨੂੰ ਲਾਭ ਹੋਵੇਗਾ। ਇਹ ਘਰੇਲੂ ਲੋਨ ਨੂੰ ਸਸਤਾ ਬਣਾ ਦੇਵੇਗਾ।

ਅਸਲ 'ਚ ਐਸਬੀਆਈ ਨੇ EBR ਯਾਨੀ ਐਕਸਟਰਨਲ ਬੈਂਚਮਾਰਕ ਅਧਾਰਤ ਦਰ ਨੂੰ ਘਟਾ ਦਿੱਤਾ ਹੈ। ਕਟੌਤੀ ਤੋਂ ਬਾਅਦ ਗਾਹਕਾਂ ਨੂੰ ਬਹੁਤ ਫਾਇਦਾ ਹੋਏਗਾ। ਘਰੇਲੂ ਲੋਨ ਦੀ ਈਐਮਆਈ 'ਚ ਕਮੀ ਆਵੇਗੀ। ਹੁਣ ਹੋਮ ਲੇਨ ਲੈਣ 'ਤੇ ਵਿਆਜ ਦਰ 7.90 ਪ੍ਰਤੀਸ਼ਤ ਤੋਂ ਸਲਾਨਾ ਸ਼ੁਰੂ ਹੋਵੇਗੀ। ਪਹਿਲਾਂ ਇਹ ਦਰ 8.15 ਪ੍ਰਤੀਸ਼ਤ ਸੀ।