PIB Fact Check: ਸਰਕਾਰ ਆਮ ਲੋਕਾਂ ਵਿੱਚ ਵੱਧ ਰਹੀ ਆਨਲਾਈਨ ਧੋਖਾਧੜੀ ਤੋਂ ਚਿੰਤਤ ਹੈ। ਅਜਿਹੇ ਘੁਟਾਲਿਆਂ ਵਿੱਚ ਪੈਸੇ ਗੁਆਉਣ ਵਾਲੇ ਆਮ ਲੋਕਾਂ ਦੀ ਮਦਦ ਲਈ ਸਰਕਾਰ ਲਗਾਤਾਰ ਅਲਰਟ ਜਾਰੀ ਕਰਦੀ ਹੈ। ਅਜਿਹੇ ਹੀ ਇੱਕ ਤਾਜ਼ਾ ਅਲਰਟ ਵਿੱਚ ਸਰਕਾਰ ਨੇ ਡਾਕਖਾਨੇ ਦੇ ਨਾਂ 'ਤੇ ਲੋਕਾਂ ਨਾਲ ਹੋ ਰਹੀ ਧੋਖਾਧੜੀ ਤੋਂ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਹੈ।
PIB ਫੈਕਟ ਚੈਕ ਨੇ ਕੀਤਾ ਖੁਲਾਸਾ
PIB ਫੈਕਟ ਚੈਕ ਤੋਂ ਪਤਾ ਲੱਗਿਆ ਹੈ ਕਿ ਇੰਡੀਆ ਪੋਸਟ ਦੇ ਨਾਂ 'ਤੇ ਲੋਕਾਂ ਨੂੰ ਸੰਦੇਸ਼ ਭੇਜੇ ਜਾ ਰਹੇ ਹਨ ਅਤੇ ਉਨ੍ਹਾਂ ਨੂੰ ਆਪਣੇ ਪਤੇ ਅਪਡੇਟ ਕਰਨ ਲਈ ਕਿਹਾ ਜਾ ਰਿਹਾ ਹੈ। ਐਸਐਮਐਸ ਰਾਹੀਂ ਭੇਜੇ ਜਾ ਰਹੇ ਸੰਦੇਸ਼ਾਂ ਵਿੱਚ ਲੋਕਾਂ ਨੂੰ ਕੁਝ ਦਿਨਾਂ ਦਾ ਸਮਾਂ ਦਿੱਤਾ ਜਾ ਰਿਹਾ ਹੈ ਅਤੇ ਉਨ੍ਹਾਂ ਨੂੰ ਕਿਹਾ ਜਾ ਰਿਹਾ ਹੈ ਕਿ ਜੇਕਰ ਉਹ ਨਿਰਧਾਰਤ ਸਮੇਂ ਵਿੱਚ ਆਪਣਾ ਪਤਾ ਅੱਪਡੇਟ ਨਹੀਂ ਕਰਦੇ ਤਾਂ ਉਨ੍ਹਾਂ ਦਾ ਆਉਣ ਵਾਲਾ ਇੱਕ ਪੈਕੇਜ ਵਾਪਸ ਆ ਸਕਦਾ ਹੈ।
ਇਦਾਂ ਠੱਗਦੇ ਅਪਰਾਧੀ
ਅਜਿਹੇ ਸੰਦੇਸ਼ਾਂ ਵਿੱਚ ਧੋਖਾਧੜੀ ਕਰਨ ਵਾਲੇ ਗਿਰੋਹ ਦਾ ਦਾਅਵਾ ਹੈ ਕਿ ਸਬੰਧਤ ਉਪਭੋਗਤਾ ਤੋਂ ਇੱਕ ਪੈਕੇਜ ਆ ਰਿਹਾ ਹੈ, ਜੋ ਪਤਾ ਅਪਡੇਟ ਨਾ ਹੋਣ 'ਤੇ ਵਾਪਸ ਕਰ ਦਿੱਤਾ ਜਾਵੇਗਾ। ਪਤਾ ਅੱਪਡੇਟ ਨਾ ਹੋਣ ਕਾਰਨ ਉਕਤ ਪੈਕੇਜ ਡਿਲੀਵਰ ਨਹੀਂ ਕੀਤਾ ਜਾ ਰਿਹਾ ਹੈ ਅਤੇ ਵਾਰ-ਵਾਰ ਵਾਪਸ ਕੀਤਾ ਜਾ ਰਿਹਾ ਹੈ। ਐਸਐਮਐਸ ਰਾਹੀਂ ਇੱਕ ਲਿੰਕ ਵੀ ਭੇਜਿਆ ਜਾ ਰਿਹਾ ਹੈ ਅਤੇ ਕਿਹਾ ਜਾ ਰਿਹਾ ਹੈ ਕਿ ਉਸ ਲਿੰਕ ਦੀ ਮਦਦ ਨਾਲ ਉਪਭੋਗਤਾ ਘਰ ਬੈਠੇ ਹੀ ਆਪਣਾ ਪਤਾ ਤੁਰੰਤ ਅਪਡੇਟ ਕਰ ਸਕਦੇ ਹਨ ਅਤੇ ਪਤਾ ਅਪਡੇਟ ਹੋਣ ਦੇ 24 ਘੰਟਿਆਂ ਦੇ ਅੰਦਰ ਉਨ੍ਹਾਂ ਨੂੰ ਪੈਕੇਜ ਦੀ ਡਿਲੀਵਰੀ ਮਿਲ ਜਾਵੇਗੀ।
ਗਲਤ ਹੁੰਦਾ ਕਥਿਤ ਪੈਕੇਜ ਦਾ ਦਾਅਵਾ
ਹਾਲਾਂਕਿ, ਅਜਿਹਾ ਨਹੀਂ ਹੁੰਦਾ ਕਿਉਂਕਿ ਅਸਲ ਵਿੱਚ ਦਾਅਵਾ ਕੀਤੇ ਅਨੁਸਾਰ ਕੋਈ ਪੈਕੇਜ ਆਇਆ ਹੀ ਨਹੀਂ ਹੁੰਦਾ ਹੈ। ਆਮ ਲੋਕ ਮੈਸੇਜ ਦੇ ਝਾਂਸੇ ਵਿੱਚ ਆ ਜਾਂਦੇ ਹਨ ਅਤੇ ਐਡਰੈੱਸ ਅਪਡੇਟ ਕਰਨ ਲਈ ਲਿੰਕ ਖੋਲ੍ਹਦੇ ਹਨ। ਸਬੰਧਤ ਲਿੰਕ ਇੱਕ ਸ਼ੱਕੀ ਵੈੱਬਸਾਈਟ ਦਾ ਹੈ, ਜਿੱਥੇ ਵੇਰਵੇ ਦਰਜ ਕਰਨ ਤੋਂ ਬਾਅਦ ਲੋਕ ਧੋਖਾਧੜੀ ਦਾ ਸ਼ਿਕਾਰ ਹੋ ਜਾਂਦੇ ਹਨ ਅਤੇ ਆਪਣੀ ਮਿਹਨਤ ਦੀ ਕਮਾਈ ਅਤੇ ਬੱਚਤ ਗੁਆ ਦਿੰਦੇ ਹਨ।
ਭੁੱਲ ਕੇ ਵੀ ਨਾ ਕਰੋ ਆਹ ਕੰਮ
ਪੀਆਈਬੀ ਫੈਕਟ ਚੈਕ ਦਾ ਕਹਿਣਾ ਹੈ ਕਿ ਅਜਿਹੇ ਸੰਦੇਸ਼ ਫਰਜ਼ੀ ਹੁੰਦੇ ਹਨ। ਇੰਡਿਆ ਪੋਸਟ ਜਾਂ ਡਾਕਖਾਨੇ ਦੁਆਰਾ ਕਦੇ ਵੀ ਅਜਿਹੇ ਸੰਦੇਸ਼ ਲੋਕਾਂ ਨੂੰ ਨਹੀਂ ਭੇਜੇ ਜਾਂਦੇ ਹਨ। ਇੰਡੀਆ ਪੋਸਟ ਕਦੇ ਵੀ ਐਸਐਮਐਸ ਭੇਜ ਕੇ ਪਤਾ ਅੱਪਡੇਟ ਕਰਨ ਲਈ ਨਹੀਂ ਕਹਿੰਦਾ। ਜੇਕਰ ਤੁਹਾਨੂੰ ਵੀ ਅਜਿਹਾ ਕੋਈ ਸੰਦੇਸ਼ ਮਿਲਦਾ ਹੈ ਤਾਂ ਉਸ ਨੂੰ ਨਜ਼ਰਅੰਦਾਜ਼ ਕਰ ਦਿਓ ਅਤੇ ਗਲਤੀ ਨਾਲ ਵੀ ਸ਼ੱਕੀ ਲਿੰਕ 'ਤੇ ਕਲਿੱਕ ਨਾ ਕਰੋ।
ਇਹ ਵੀ ਪੜ੍ਹੋ: Post Office Act: ਅੱਜ ਤੋਂ ਕੇਂਦਰ ਸਰਕਾਰ ਨੇ ਲਾਗੂ ਕੀਤਾ ਇਹ ਨਵਾਂ ਕਾਨੂੰਨ, ਜਾਣੋ ਤੁਹਾਨੂੰ ਕਿਵੇਂ ਪਹੁੰਚਾਵੇਗਾ ਫਾਇਦਾ