ਨਵੀਂ ਦਿੱਲੀ: ਭਾਰਤੀ ਬਾਜ਼ਾਰ ਵਿਚ ਸਟੀਲ ਦੀਆਂ ਕੀਮਤਾਂ ਵਿਚ ਹੁਣ ਤੇਜ਼ੀ ਨਾਲ ਵੱਧ ਸਕਦੀ ਹੈ। ਜੇਐਸਡਬਲਯੂ ਸਟੀਲ, ਜੇਐਸਪੀਐਲ, ਐਮ/ਐਨਐਸ ਤੇ ਟਾਟਾ ਸਟੀਲ ਹੌਟ ਰੋਲਡ ਕੋਇਲ (ਐਚਆਰਸੀ) ਦੀਆਂ ਕੀਮਤਾਂ ਵਿਚ ਚਾਰ ਹਜ਼ਾਰ ਰੁਪਏ ਦਾ ਵਾਧਾ ਹੋ ਸਕਦਾ ਹੈ। ਸਟੀਲ ਕੰਪਨੀਆਂ ਦੇ ਸਰੋਤਾਂ ਦਾ ਕਹਿਣਾ ਹੈ ਕਿ ਕੰਪਨੀਆਂ ਨੇ ਹਾਲੇ ਸਟੀਲ ਦੀ ਕੀਮਤ ਵਧਾਉਣ ਦਾ ਫੈਸਲਾ ਨਹੀਂ ਕੀਤਾ ਹੈ, ਪਰ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਕੀਮਤਾਂ ਵਿਚ ਹੋਏ ਵਾਧੇ ਦੇ ਮੱਦੇਨਜ਼ਰ ਘਰੇਲੂ ਕੀਮਤ ਵਿਚ 1 ਅਪਰੈਲ ਤੋਂ ਵਾਧਾ ਹੋ ਸਕਦਾ ਹੈ। ਪਿਛਲੇ ਸਾਲ ਦਸੰਬਰ ਵਿਚ ਇਸ ਦੀ ਕੀਮਤ ਵਿਚ 2500 ਰੁਪਏ ਪ੍ਰਤੀ ਟਨ ਦਾ ਵਾਧਾ ਹੋਇਆ ਸੀ। ਇਸ ਤੋਂ ਬਾਅਦ ਪ੍ਰਤੀ ਟਨ ਵਿਚ ਡੇਢ ਹਜ਼ਾਰ ਦਾ ਵਾਧਾ ਹੋਇਆ।
ਦਸੰਬਰ 2020 ਵਿਚ ਸਟੀਲ ਦੀ ਕੀਮਤ ਵਿਚ ਵਾਧਾ 12 ਸਾਲਾਂ ਦੇ ਸਿਖਰ ਤੇ ਪਹੁੰਚ ਗਿਆ ਸੀ। ਹੁਣ ਇੱਕ ਵਾਰ ਫਿਰ ਇਸ ਦੀ ਕੀਮਤ ਵਿਚ ਵਾਧੇ ਦੀਆਂ ਸੰਭਾਵਨਾਵਾਂ ਵਧ ਰਹੀਆਂ ਹਨ। ਦਸੰਬਰ 2020 ਵਿਚ ਸਟੀਲ ਦੀਆਂ ਕੀਮਤਾਂ 48,300 ਰੁਪਏ ਪ੍ਰਤੀ ਟਨ 'ਤੇ ਪਹੁੰਚ ਗਈਆਂ ਸੀ। ਇਹ 2008 ਤੋਂ ਬਾਅਦ ਦਾ ਸਿਖਰਲਾ ਪੱਧਰ ਸੀ। ਦਸੰਬਰ 2020 ਵਿਚ, ਸਟੀਲ ਦੀਆਂ ਕੀਮਤਾਂ ਜੁਲਾਈ 2020 ਦੇ ਮੁਕਾਬਲੇ 32 ਪ੍ਰਤੀਸ਼ਤ ਵਧੀਆਂ।
ਦਰਅਸਲ, ਅੰਤਰਰਾਸ਼ਟਰੀ ਮਾਰਕੀਟ ਵਿਚ ਸਟੀਲ ਦੇ ਕੱਚੇ ਮਾਲ ਦੀਆਂ ਉੱਚ ਕੀਮਤਾਂ ਅਤੇ ਉਤਪਾਦਨ ਦੇ ਮੁਕਾਬਲੇ ਮੰਗ ਵਿਚ ਵਾਧਾ ਹੋਣ ਕਾਰਨ ਸਟੀਲ ਦੀਆਂ ਕੀਮਤਾਂ ਵਿਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ। ਘਰੇਲੂ ਬਜ਼ਾਰ ਵਿਚ ਕੱਚੇ ਮਾਲ ਵਿਚ ਤੇਜ਼ੀ ਨਾਲ ਵਾਧੇ ਅਤੇ ਓਡੀਸ਼ਾ ਵਿਚ ਉਤਪਾਦਨ ਵਿਚ ਗਿਰਾਵਟ ਕਰਕੇ ਸਟੀਲ ਦੀਆਂ ਕੀਮਤਾਂ ਵਿਚ ਵਾਧਾ ਹੋ ਰਿਹਾ ਹੈ।
ਦੱਸ ਦਈਏ ਕਿ ਭਾਰਤੀ ਬਾਜ਼ਾਰ ਵਿਚ ਬੁਨਿਆਦੀ ਢਾਂਚੇ ਦੇ ਖੇਤਰ 'ਤੇ ਸਰਕਾਰ ਵਲੋਂ ਜ਼ੋਰ ਦੇਣ ਤੋਂ ਬਾਅਦ ਸਟੀਲ ਦੀ ਮੰਗ 'ਚ ਤੇਜ਼ੀ ਵੇਖਣ ਨੂੰ ਮਿਲੀ। ਇਹੀ ਕਾਰਨ ਹੈ ਕਿ ਕੰਪਨੀਆਂ ਇਸ ਮੌਕੇ ਦਾ ਫਾਇਦਾ ਉਠਾਉਣਾ ਅਤੇ ਕੀਮਤਾਂ ਵਧਾਉਣਾ ਚਾਹੁੰਦੀਆਂ ਹਨ। ਇਸ ਨਾਲ ਅਚੱਲ ਸੰਪਤੀ ਦੇ ਖਰਚਿਆਂ ਵਿੱਚ ਵੀ ਵਾਧਾ ਹੋਵੇਗਾ।
ਇਹ ਵੀ ਪੜ੍ਹੋ: ਬੰਗਲਾਦੇਸ਼ ਦੌਰੇ ਸਮੇਂ ਪ੍ਰਧਾਨ ਮੰਤਰੀ ਮੋਦੀ ਨੇ ਕੀਤੀ ਚੋਣ ਜ਼ਾਬਤੇ ਦੀ ਉਲੰਘਣਾ, ਚੋਣ ਕਮਿਸ਼ਨ ਕੋਲ ਪਹੁੰਚੀ ਸ਼ਿਕਾਇਤ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904