Stock Market Closing :  ਹਫਤੇ ਦੇ ਤੀਜੇ ਕਾਰੋਬਾਰੀ ਦਿਨ ਵੀ ਸ਼ੇਅਰ ਬਾਜ਼ਾਰ 'ਚ ਗਿਰਾਵਟ ਦਰਜ ਕੀਤੀ ਗਈ ਹੈ। ਅੱਜ ਵੀ ਦਿਨ ਭਰ ਬਾਜ਼ਾਰ ਵਿੱਚ ਵਿਕਰੀ ਹਾਵੀ ਰਹੀ ਹੈ। ਬੁੱਧਵਾਰ ਨੂੰ ਕਾਰੋਬਾਰ ਕਰਨ ਤੋਂ ਬਾਅਦ ਸੈਂਸੈਕਸ ਅਤੇ ਨਿਫਟੀ ਦੋਵੇਂ ਸੂਚਕਾਂਕ ਲਾਲ ਨਿਸ਼ਾਨ 'ਤੇ ਬੰਦ ਹੋਏ ਹਨ। ਅੱਜ ਦੇ ਕਾਰੋਬਾਰ ਤੋਂ ਬਾਅਦ ਸੈਂਸੈਕਸ ਲਗਪਗ 145.37 ਅੰਕ ਭਾਵ 0.25 ਫੀਸਦੀ ਦੀ ਗਿਰਾਵਟ ਨਾਲ 57,996.68 ਦੇ ਪੱਧਰ 'ਤੇ ਬੰਦ ਹੋਇਆ। ਇਸ ਦੇ ਨਾਲ ਹੀ ਨਿਫਟੀ ਇੰਡੈਕਸ 30.25 ਅੰਕ ਜਾਂ 0.17 ਫੀਸਦੀ ਦੀ ਗਿਰਾਵਟ ਨਾਲ 17,322.20 ਦੇ ਪੱਧਰ 'ਤੇ ਬੰਦ ਹੋਇਆ ਹੈ।

 


ਅੱਜ ਦੇ ਕਾਰੋਬਾਰ ਤੋਂ ਬਾਅਦ 6 ਕੰਪਨੀਆਂ ਦੇ ਸ਼ੇਅਰ ਹਰੇ ਨਿਸ਼ਾਨ 'ਤੇ ਬੰਦ ਹੋਏ ਹਨ। ਇਸ ਤੋਂ ਇਲਾਵਾ 24 ਕੰਪਨੀਆਂ ਦੇ ਸ਼ੇਅਰਾਂ 'ਚ ਗਿਰਾਵਟ ਦਾ ਬੋਲਬਾਲਾ ਰਿਹਾ। ਅੱਜ ਦੇ ਕਾਰੋਬਾਰ ਤੋਂ ਬਾਅਦ ਐੱਸ.ਬੀ.ਆਈ. SBI ਦਾ ਸਟਾਕ ਕਰੀਬ 2 ਫੀਸਦੀ ਡਿੱਗ ਗਿਆ, ਜਿਸ ਤੋਂ ਬਾਅਦ ਸਟਾਕ 514 ਦੇ ਪੱਧਰ 'ਤੇ ਬੰਦ ਹੋਇਆ। ਇਸ ਦੇ ਨਾਲ ਹੀ ਭਾਰਤੀ ਏਅਰਟੈੱਲ ਟਾਪ ਗੈਨਰ 'ਚ ਸ਼ਾਮਲ ਸੀ। ਭਾਰਤੀ ਏਅਰਟੈੱਲ ਦੇ ਸ਼ੇਅਰ 1.13 ਫੀਸਦੀ ਵਧੇ।

 

ਗਿਰਾਵਟ ਵਾਲੇ ਸ਼ੇਅਰ
ਗਿਰਾਵਟ ਵਾਲੇ ਸਟਾਕਾਂ ਦੀ ਸੂਚੀ ਵਿੱਚ ਐਸਬੀਆਈ ਤੋਂ ਇਲਾਵਾ ਆਈਸੀਆਈਸੀਆਈ ਬੈਂਕ, ਟਾਟਾ ਸਟੀਲ, ਐਨਟੀਪੀਸੀ, ਅਲਟਰਾ ਕੈਮੀਕਲ, ਬਜਾਜ ਫਾਈਨਾਂਸ, ਬਜਾਜ ਫਿਨਸਰਵ, ਐਲਟੀ, ਮਾਰੂਤੀ, ਪਾਵਰ ਗਰਿੱਡ, ਏਸ਼ੀਅਨ ਪੇਂਟਸ, ਟਾਈਟਨ, ਇੰਡਸਇੰਡ ਬੈਂਕ, ਇੰਫੋਸਿਸ, ਰਿਲਾਇੰਸ, ਐਚਡੀਐਫਸੀ ਬੈਂਕ, ਆਈ.ਟੀ.ਸੀ. , TCS, Tech Mahindra ਅਤੇ Wipro ਦੇ ਸਟਾਕ ਵੀ ਲਾਲ ਨਿਸ਼ਾਨ 'ਤੇ ਬੰਦ ਹੋਏ।


ਵੱਧਦੇ ਸੈਕਟਰਲ
ਸੈਕਟਰਲ ਇੰਡੈਕਸ ਦੀ ਗੱਲ ਕਰੀਏ ਤਾਂ ਅੱਜ ਉਨ੍ਹਾਂ 'ਚ ਮਿਲਿਆ-ਜੁਲਿਆ ਕਾਰੋਬਾਰ ਦੇਖਣ ਨੂੰ ਮਿਲ ਰਿਹਾ ਹੈ। ਵਿੱਤੀ ਸੇਵਾਵਾਂ, ਐਫਐਮਸੀਜੀ, ਫਾਰਮਾ, ਰੀਅਲਟੀ, ਹੈਲਥਕੇਅਰ, ਕੰਜ਼ਿਊਮਰ ਡਿਊਰੇਬਲਸ ਤੇ ਆਇਲ ਐਂਡ ਗੈਸ ਸੈਕਟਰ ਅੱਜ ਦੇ ਕਾਰੋਬਾਰ ਤੋਂ ਬਾਅਦ ਹਰੇ ਰੰਗ 'ਚ ਬੰਦ ਹੋਏ।

ਵਿਕਰੀ ਵਾਲੇ ਸੈਕਟਰਲ
ਇਸ ਤੋਂ ਇਲਾਵਾ ਕਈ ਸੈਕਟਰਾਂ 'ਚ ਬਿਕਵਾਲੀ ਰਹੀ। ਨਿਜੀ ਬੈਂਕ, ਪੀਐਸਯੂ ਬੈਂਕ, ਮੈਟਲ, ਮੀਡੀਆ, ਆਈਟੀ, ਵਿੱਤੀ ਸੇਵਾਵਾਂ, ਆਟੋ ਤੇ ਨਿਫਟੀ ਬੈਂਕ ਅੱਜ ਦੀ ਗਿਰਾਵਟ ਵਾਲੀ ਸੈਕਟਰ ਸੂਚੀ ਵਿੱਚ ਲਾਲ ਨਿਸ਼ਾਨ ਵਿੱਚ ਬੰਦ ਹੋਏ ਹਨ।