iphone Langar : ਤੁਸੀਂ ਪੂੜੀ-ਸਬਜ਼ੀ ਜਾਂ ਹਲਵਾ-ਪੂੜੀ ਦੇ ਲੰਗਰ ਬਾਰੇ ਤਾਂ ਸੁਣਿਆ ਹੋਵੇਗਾ, ਪਰ ਕੀ ਤੁਸੀਂ ਕਦੇ iPhone ਲੰਗਰ ਬਾਰੇ ਸੁਣਿਆ ਹੈ? ਜੇ ਨਹੀਂ ਤਾਂ ਇਹ ਖ਼ਬਰ ਤੁਹਾਨੂੰ ਹੈਰਾਨ ਕਰ ਸਕਦੀ ਹੈ। ਸੋਸ਼ਲ ਮੀਡੀਆ ਇੰਫਲੂਐਂਸਰ ਰਾਜਾ ਦ ਕਿੰਗ (Raja D King) ਨੇ 22 ਸਤੰਬਰ ਨੂੰ ਚੰਡੀਗੜ੍ਹ ਵਿੱਚ ‘iPhone ਲੰਗਰ’ ਲਗਾਉਣ ਦਾ ਐਲਾਨ ਕੀਤਾ ਹੈ। ਇਸ ਦੌਰਾਨ ਲੱਕੀ ਲੋਕਾਂ ਨੂੰ ਮੁਫ਼ਤ ਵਿੱਚ iPhone 17 ਦਿੱਤੇ ਜਾਣਗੇ।

Continues below advertisement

ਇਸ ਤੋਂ ਪਹਿਲਾਂ ਵੀ ਰਾਜਾ ਦ ਕਿੰਗ 500 ਰੁਪਏ ਦੇ ਨੋਟ ਵੰਡਣ ਕਾਰਨ ਸੁਰਖੀਆਂ ਵਿੱਚ ਆ ਚੁੱਕੇ ਹਨ। ਦੱਸਿਆ ਜਾਂਦਾ ਹੈ ਕਿ ਉਨ੍ਹਾਂ ਦਾ ਅਸਲ ਨਾਮ ਰਾਕੇਸ਼ ਤ੍ਰੇਹਾਨ ਹੈ।

ਮੀਡੀਆ ਦੀ ਮੌਜੂਦਗੀ ’ਚ ਵੰਡੇ ਜਾਣਗੇ iPhone

Continues below advertisement

ਰਾਜਾ ਦ ਕਿੰਗ ਨੇ ਦੱਸਿਆ ਕਿ ਪਹਿਲਾਂ iPhone 16 ਅਤੇ iPhone 17 ਦੇਣ ਦਾ ਫੈਸਲਾ ਕੀਤਾ ਗਿਆ ਸੀ ਪਰ ਉਨ੍ਹਾਂ ਮੁਤਾਬਕ ਜੇ ਕਿਸੇ ਨੂੰ iPhone 16 ਮਿਲਦਾ ਤਾਂ ਉਹ ਪੁੱਛ ਸਕਦਾ ਸੀ ਕਿ ਉਸ ਨੂੰ iPhone 17 ਕਿਉਂ ਨਹੀਂ ਮਿਲਿਆ। ਇਸ ਲਈ iPhone 16 ਨੂੰ ਹਟਾ ਦਿੱਤਾ ਗਿਆ ਹੈ ਅਤੇ ਹੁਣ iPhone 17 ਤੋਂ ਹੀ ਵੰਡ ਦੀ ਸ਼ੁਰੂਆਤ ਹੋਵੇਗੀ। ਉਨ੍ਹਾਂ ਕਿਹਾ ਕਿ iPhone ਲੋਕਾਂ ਨੂੰ ਮੀਡੀਆ ਦੀ ਮੌਜੂਦਗੀ ਵਿੱਚ ਵੰਡੇ ਜਾਣਗੇ।

ਰਾਜਾ ਮੁਤਾਬਕ ਪਹਿਲੇ ਪੜਾਅ ਵਿੱਚ ਚੰਡੀਗੜ੍ਹ ਅਤੇ ਮੋਹਾਲੀ ਦੇ ਲੋਕਾਂ ਨੂੰ 10 iPhone ਦਿੱਤੇ ਜਾਣਗੇ। ਇਸ ਤੋਂ ਬਾਅਦ 22 ਸਤੰਬਰ ਨੂੰ 10 ਹੋਰ ਸ਼ਹਿਰਾਂ ਨੂੰ ਇਸ ਵਿੱਚ ਸ਼ਾਮਲ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ 5 ਅਕਤੂਬਰ ਨੂੰ ਅਗਲੀ ਵਾਰ ਕਿੰਨੇ iPhone ਦਿੱਤੇ ਜਾਣਗੇ, ਇਸ ਦੀ ਤਾਰੀਖ ਦੱਸੀ ਜਾਵੇਗੀ। ਕੁੱਲ 12 ਸ਼ਹਿਰਾਂ ਲਈ iPhone ਕੱਢੇ ਜਾਣ ਦੀ ਗੱਲ ਕਹੀ ਗਈ ਹੈ।

ਕੌਣ ਹਨ ਰਾਜਾ ਦ ਕਿੰਗ?

ਰਾਜਾ ਦ ਕਿੰਗ ਲੋਕਾਂ ਨੂੰ ‘ਜੈ ਮਾਤਾ ਦੀ’ ਬੋਲਣ ਦੀ ਅਪੀਲ ਕਰਦੇ ਹਨ। ਉਨ੍ਹਾਂ ਦਾ ਦਾਅਵਾ ਹੈ ਕਿ ਉਹ ਧਰਤੀ ’ਤੇ ਇਕਲੌਤੇ ਅਜਿਹੇ ਵਿਅਕਤੀ ਹਨ ਜੋ ਸਿੱਧੇ ‘ਜੈ ਮਾਤਾ ਦੀ’ ਨਾਲ ਗੱਲ ਕਰਦੇ ਹਨ। ਉਨ੍ਹਾਂ ਮੁਤਾਬਕ ਇਹ ਗੱਲਬਾਤ ਸਿਰਫ਼ ਸੁਪਨੇ ਵਿੱਚ ਹੁੰਦੀ ਹੈ ਅਤੇ ਉਹ ਆਪਣੇ ਸੁਪਨੇ ਨੂੰ ਕਦੇ ਨਹੀਂ ਭੁੱਲਦੇ। ਜਦੋਂ ਉਨ੍ਹਾਂ ਤੋਂ ਪੈਸਿਆਂ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ ਸੀ ਕਿ ਸਾਰਾ ਪੈਸਾ ‘ਜੈ ਮਾਤਾ ਦੀ’ ਦਾ ਹੈ।

ਉਨ੍ਹਾਂ ਨੇ ਆਪਣੀ ਜਾਇਦਾਦ ਅਤੇ ਦਾਨ ਬਾਰੇ ਵੀ ਗੱਲ ਕੀਤੀ। ਰਾਜਾ ਨੇ ਦੱਸਿਆ ਕਿ ਪਿਤਾ ਦੀ ਮੌਤ ਤੋਂ ਬਾਅਦ ਜਾਇਦਾਦ ਦੇ ਦੋ ਹਿੱਸੇ ਹੋਣੇ ਸਨ, ਪਰ ਦੋਵਾਂ ਭਰਾਵਾਂ ਨੇ ਤਿੰਨ ਹਿੱਸੇ ਕਰਕੇ ਇੱਕ ਹਿੱਸਾ ਆਪਣੀ ਮਾਂ ਨੂੰ ਦੇ ਦਿੱਤਾ। ਉਨ੍ਹਾਂ ਦਾਨ ਕਰਨ ’ਤੇ ਸਵਾਲ ਚੁੱਕਣ ਵਾਲਿਆਂ ਬਾਰੇ ਕਿਹਾ ਕਿ ਉਨ੍ਹਾਂ ਨੂੰ ਅਜਿਹਾ ਵਿਅਕਤੀ ਦਿਖਾਇਆ ਜਾਵੇ ਜੋ ਦਾਨ ਕਰਕੇ ਭੁੱਖਾ ਜਾਂ ਕੰਗਾਲ ਹੋ ਗਿਆ ਹੋਵੇ।