Karan Aujla Viral Video: ਪੰਜਾਬੀ ਗਾਇਕ ਕਰਨ ਔਜਲਾ ਇੰਡਸਟਰੀ ਦਾ ਰੌਕਸਟਾਰ ਹੈ। ਉਸ ਨੇ ਆਪਣੇ ਕਰੀਅਰ 'ਚ ਅਨੇਕਾਂ ਹਿੱਟ ਗਾਣੇ ਤੇ ਐਲਬਮਾਂ ਮਿਊਜ਼ਿਕ ਇੰਡਸਟਰੀ ਦੀ ਝੋਲੀ ਪਾਈਆਂ ਹਨ। ਇਸ ਦੇ ਨਾਲ ਨਾਲ ਕਰਨ ਔਜਲਾ ਅੱਜ ਆਪਣੇ ਵਿਆਹ ਦੀ ਪਹਿਲੀ ਵਰ੍ਹੇਗੰਢ ਵੀ ਮਨਾ ਰਿਹਾ ਹੈ। ਇਸ ਦਰਮਿਆਨ ਔਜਲੇ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਅੱਗ ਵਾਂਗ ਵਾਇਰਲ ਹੋ ਰਿਹਾ ਹੈ।
ਇਹ ਵੀ ਪੜ੍ਹੋ: ਪੰਜਾਬੀ ਸਿੰਗਰ ਜੱਸੀ ਗਿੱਲ ਦੀ ਫਿਲਮ 'ਫੁਰਤੀਲਾ' ਦਾ ਟੀਜ਼ਰ ਹੋਇਆ ਰਿਲੀਜ਼, ਇਸ ਲੁੱਕ 'ਚ ਨਜ਼ਰ ਆਵੇਗਾ ਗਾਇਕ
ਦਰਅਸਲ, ਇਹ ਵੀਡੀਓ ਕਰਨ ਔਜਲਾ ਦਾ ਨਹੀਂ, ਬਲਕਿ ਗਾਇਕ ਦੇ ਬਾਰੇ ਹੈ। ਇਸ ਵੀਡੀਓ 'ਚ ਪਾਹੁਲਪ੍ਰੀਤ ਨਾਮ ਦੇ ਇੱਕ ਸ਼ਖਸ ਨੇ ਗਾਇਕ 'ਤੇ ਇਲਜ਼ਾਮ ਲਗਾਇਆ ਹੈ ਕਿ ਕਰਨ ਨੇ ਉਸ ਦੇ ਗਾਣੇ ਦੀਆਂ ਲਾਈਨਾਂ ਚੋਰੀ ਕਰ ਆਪਣੇ ਗੀਤ 'ਚ ਪਾਈਆਂ। ਇਸ ਵੀਡੀਓ 'ਤੇ ਖੁਦ ਕਰਨ ਔਜਲਾ ਨੇ ਕਮੈਂਟ ਕਰਕੇ ਰਿਐਕਟ ਵੀ ਕੀਤਾ ਹੈ। ਇਹ ਸ਼ਖਸ ਬੋਲਦਾ ਹੈ, 'ਕਰਨ ਔਜਲਾ ਦਾ ਜਿਹੜਾ ਗਾਣਾ ਆਇਆ ਟੌਪ ਕਲਾਸ, ਉਸ 'ਚ ਲਾਈਨ ਹੈਗੀ ਆ ਕਿ ਅਸੀਂ ਕਿਸੇ ਗੱਲੋਂ ਬੀਬਾ ਚੁੱਪ ਬੈਠੇ ਹਾਂ। ਦਰਅਸਲ, ਇਹ ਲਾਈਨਾਂ ਮੇਰੀਆਂ ਨੇ।' ਇਸ ਦੇ ਨਾਲ ਨਾਲ ਉਸ ਨੇ ਇਹ ਵੀ ਕਿਹਾ ਕਿ ਉਹ ਕਰਨ ਔਜਲਾ ਤੋਂ ਮੰਗ ਕਰਦਾ ਹੈ ਕਿ ਉਹ ਆਪ ਸਟੋਰੀ ਪਾ ਕੇ ਸਾਰੀ ਗੱਲ ਕਲੀਅਰ ਕਰੇ। ਕਰਨ ਔਜਲਾ ਨੇ ਇਸ ਵੀਡੀਓ 'ਤੇ ਕਮੈਂਟ ਵੀ ਕੀਤਾ ਹੈ। ਇਸ ਤੋਂ ਪਹਿਲਾਂ ਕਿ ਤੁਹਾਨੂੰ ਕਮੈਂਟ ਦਿਖਾਈਏ, ਪਹਿਲਾਂ ਤੁਸੀਂ ਦੇਖੌ ਇਹ ਵੀਡੀਓ:
ਸ਼ਖਸ ਕਰ ਰਿਹਾ ਸੀ ਮਜ਼ਾਕ, ਕਰਨ ਨੇ ਇੰਝ ਕੀਤਾ ਰਿਐਕਟ
ਤਾਂ ਵੀਡੀਓ 'ਚ ਤੁਸੀਂ ਦੇਖਿਆ ਕਿ ਇਹ ਸ਼ਖਸ ਕਰਨ ਔਜਲਾ ਦਾ ਨਾਮ ਲੈਕੇ ਮਜ਼ਾਕ ਕਰ ਰਿਹਾ ਸੀ। ਉਸ ਨੇ ਕਿਹਾ ਜਦੋਂ ਹੀ ਇਹ ਲਾਈਨਾਂ ਟੀਵੀ 'ਤੇ ਆਈਆਂ ਤਾਂ ਉਸ ਨੇ ਤੁਰੰਤ ਕਾਪੀ ਪੈੱਨ ਲੈਕੇ ਲਿਖ ਲਈਆਂ। ਇਸ 'ਤੇ ਰਿਐਕਟ ਕਰਦਿਆਂ ਕਰਨ ਔਜਲਾ ਨੇ ਕਮੈਂਟ ਕੀਤਾ, 'ਸਾਰੀ ਐਲਬਮ ਹੀ ਇਸ ਬੰਦੇ ਨੇ ਲਿਖੀ ਹੈ।' ਇਹ ਕਮੈਂਟ ਨੂੰ ਲੋਕ ਖੂਬ ਲਾਈਕ ਕਰ ਰਹੇ ਹਨ। ਦੇਖੋ:
ਕਾਬਿਲੇਗ਼ੌਰ ਹੈ ਕਿ ਕਰਨ ਔਜਲਾ ਦੀ ਐਲਬਮ 'ਸਟ੍ਰੀਟ ਡਰੀਮਜ਼' ਹਾਲ ਹੀ 'ਚ ਰਿਲੀਜ਼ ਹੋਈ ਹੈ। ਜਿਸ ਵਿੱਚ ਉਸ ਨੇ ਰੈਪਰ ਡਿਵਾਈਨ ਨਾਲ ਕੋਲੈਬ ਕੀਤਾ ਹੈ। ਇਸ ਤੋਂ ਇਲਾਵਾ ਕਰਨ ਔਜਲਾ ਅੱਜ ਆਪਣੇ ਵਿਆਹ ਦੀ ਪਹਿਲੀ ਵਰ੍ਹੇਗੰਢ ਵੀ ਮਨਾ ਰਿਹਾ ਹੈ।