ਅਦਾਕਾਰ ਮਨੋਜ ਬਾਜਪਾਈ ਹਾਲ ਹੀ ਵਿੱਚ ਰਿਲੀਜ਼ ਹੋਈ ਆਪਣੀ ਫਿਲਮ 'ਦ ਫੈਮਲੀ ਮੈਨ 2' ਦੀ ਸਫਲਤਾ ਤੋਂ ਬਾਅਦ 7ਵੇਂ ਅਸਮਾਨ ‘ਤੇ ਹੈ। ਇਸ ਵੈੱਬ ਸੀਰੀਜ਼ ਵਿੱਚ ਉਨ੍ਹਾਂ ਇੱਕ ਵਾਰ ਫਿਰ ਆਪਣੀ ਸਰਬੋਤਮ ਅਦਾਕਾਰੀ ਦਿਖਾਈ ਹੈ। ਇਸ ਦੌਰਾਨ ਅਦਾਕਾਰ ਬਾਰੇ ਇੱਕ ਹੋਰ ਖੁਸ਼ਖਬਰੀ ਆਈ ਹੈ। ਰਿਪੋਰਟਾਂ ਦੀ ਮੰਨੀਏ ਤਾਂ ਮਨੋਜ ਨੇ ਇੱਕ ਹੋਰ ਵੈੱਬ ਸੀਰੀਜ਼ 'ਤੇ ਸਾਈਨ ਕੀਤੀ ਹੈ।
ਪੀਪਿੰਗਮੂਨ ਦੀ ਰਿਪੋਰਟ ਦੇ ਅਨੁਸਾਰ 'ਦਿ ਫੈਮਿਲੀ ਮੈਨ 2' ਦੀ ਸਫਲਤਾ ਤੋਂ ਬਾਅਦ ਨੈੱਟਫਲਿਕਸ ਨੇ ਨਵੀਂ ਵੈੱਬ ਸੀਰੀਜ਼ ਲਈ ਮਨੋਜ ਬਾਜਪਾਈ ਤੱਕ ਪਹੁੰਚ ਕੀਤੀ ਹੈ। ਇਸ ਲੜੀ ਦਾ ਨਿਰਦੇਸ਼ਨ ਅਭਿਸ਼ੇਕ ਚੌਬੇ ਕਰਨਗੇ, ਜਿਨ੍ਹਾਂ ਨੇ 'ਮਕਬੂਲ' ਤੇ 'ਇਸ਼ਕੀਆ' ਵਰਗੀਆਂ ਫਿਲਮਾਂ ਦਾ ਨਿਰਦੇਸ਼ਨ ਕੀਤਾ ਹੈ।
ਮਨੋਜ ਬਾਜਪਾਈ ਦੀ ਆਉਣ ਵਾਲੀ ਵੈੱਬ ਸੀਰੀਜ਼ ਦੇ ਸਿਰਲੇਖ ਦਾ ਫੈਸਲਾ ਨਹੀਂ ਕੀਤਾ ਹੈ। ਪਰ ਰਿਪੋਰਟ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਆਉਣ ਵਾਲੀ ਇਹ ਵੈੱਬ ਸੀਰੀਜ਼ ਬਲੈਕ ਕਾਮੇਡੀ ਹੋਵੇਗੀ। ਇਸ ਵਿੱਚ ਦੱਖਣੀ ਸਿਨੇਮਾ ਦੇ ਬਹੁਤ ਸਾਰੇ ਸ਼ਾਨਦਾਰ ਚਿਹਰੇ ਵੀ ਨਜ਼ਰ ਆਉਣਗੇ ਅਤੇ ਫੀਮੇਲ ਲੀਡ ਦੀ ਵੀ ਅਹਿਮ ਭੂਮਿਕਾ ਹੋਵੇਗੀ। ਇਸ ਲਈ ਅਦਾਕਾਰਾ ਨੂੰ ਵੀ ਸਾਈਨ ਕੀਤਾ ਗਿਆ ਹੈ।
ਮਨੋਜ ਛੇਤੀ ਹੀ ਵੈੱਬ ਸੀਰੀਜ਼ 'ਰੇ' ਵਿੱਚ ਨਜ਼ਰ ਆਉਣਗੇ, ਜਿਸ ਦਾ ਟ੍ਰੇਲਰ ਵੀ ਜਾਰੀ ਹੋ ਗਿਆ ਹੈ। ਇਹ ਸੀਰੀਜ਼ ਭਾਰਤੀ ਸਿਨੇਮਾ ਦੇ ਮਹਾਨ ਫਿਲਮ ਨਿਰਮਾਤਾ ਸੱਤਿਆਜੀਤ ਰੇ ਦੀਆਂ ਕਹਾਣੀਆਂ 'ਤੇ ਅਧਾਰਤ ਹੈ। ਮਨੋਜ ਬਾਜਪਾਈ ਵੀ ਇਸ ਵਿੱਚ ਅਹਿਮ ਭੂਮਿਕਾ ਨਿਭਾਅ ਰਹੇ ਹਨ। ਵੈਬ ਸੀਰੀਜ਼ 'ਰੇ' ਤੋਂ ਬਾਅਦ ਮਨੋਜ ਰੇਨਸਿਲ ਡੀ ਸਿਲਵਾ ਨਿਰਦੇਸ਼ਤ ਫਿਲਮ 'ਡਾਇਲ 100' ਵਿੱਚ ਨਜ਼ਰ ਆਉਣਗੇ। ਇਸ ਤੋਂ ਇਲਾਵਾ ਮਨੋਜ ਮਲਿਆਲਮ ਫਿਲਮ 'ਕੁਰੂਪ' ਲਈ ਸੁਰਖੀਆਂ 'ਚ ਹਨ। ਉਹ ਨਿਰਦੇਸ਼ਕ ਕੰਨੂ ਬਹਿਲ ਦੀ ਫਿਲਮ 'ਡਿਸਪੈਚ' ਵਿੱਚ ਵੀ ਮੁੱਖ ਭੂਮਿਕਾ ਨਿਭਾਅ ਰਹੇ ਹਨ।
https://play.google.com/store/
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://apps.apple.com/in/app/