TIME100 Impact Awards: ਆਲੀਆ ਭੱਟ ਇਨ੍ਹੀਂ ਦਿਨੀਂ ਆਪਣੀ ਪ੍ਰੈਗਨੈਂਸੀ ਦਾ ਆਨੰਦ ਲੈ ਰਹੀ ਹੈ। ਇਸ ਦੇ ਨਾਲ ਹੀ ਉਹ ਆਪਣੇ ਕੰਮ ਦੇ ਵਾਅਦੇ ਵੀ ਪੂਰੇ ਕਰ ਰਹੀ ਹੈ। ਆਲੀਆ ਨੇ ਸ਼ਨੀਵਾਰ ਨੂੰ ਸਿੰਗਾਪੁਰ 'ਚ ਟਾਈਮ 100 ਇਮਪੈਕਟ ਐਵਾਰਡਸ 'ਚ ਸ਼ਿਰਕਤ ਕੀਤੀ। ਐਵਾਰਡ ਮਿਲਣ ਤੋਂ ਬਾਅਦ ਆਲੀਆ ਭੱਟ ਕਾਫੀ ਖੁਸ਼ ਨਜ਼ਰ ਆ ਰਹੀ ਸੀ। ਇਸ ਦੌਰਾਨ ਆਲੀਆ ਨੇ ਭਾਸ਼ਣ 'ਚ ਕਿਹਾ, 'ਮੇਰਾ ਭਾਰਤ ਮਹਾਨ ਹੈ'। ਇਵੈਂਟ ਲਈ ਆਲੀਆ ਨੇ ਖੂਬਸੂਰਤ ਗੋਲਡਨ ਗਾਊਨ ਪਾਇਆ ਹੋਇਆ ਸੀ।
ਦਸ ਦਈਏ ਕਿ ਇਸ ਸਾਲ ਇਹ ਐਵਾਰਡ ਜਿੱਤਣ ਵਾਲੀ ਆਲੀਆ ਭੱਟ ਇਕਲੌਤੀ ਭਾਰਤੀ ਕਲਾਕਾਰ ਹੈ। ਇਸ ਦੌਰਾਨ ਆਲੀਆ ਦੀ ਸਪੀਚ ਨੇ ਸਭ ਦਾ ਦਿਲ ਜਿੱਤ ਲਿਆ। ਆਲੀਆ ਨੇ ਕਿਹਾ ਕਿ ਜਦੋਂ ਤੁਸੀਂ ਆਪਣਾ ਬੈਸਟ ਵਰਜ਼ਨ ਬਣ ਕੇ ਦਿਖਾਉਂਦੇ ਹੋ ਤਾਂ ਸਭ ਤੇ ਇੰਪੈਕਟ (ਪ੍ਰਭਾਵ) ਪੈਂਦਾ ਹੈ। ਕਦੇ ਵੀ ਸਾਨੂੰ ਕਿਸੇ ਦੀ ਨਕਲ ਕਰਨ ਦੀ ਜਾਂ ਕੋਈ ਹੋਰ ਇਨਸਾਨ ਬਣਨ ਦੀ ਕੋਸ਼ਿਸ਼ ਨਹੀਂ ਕਰਨੀ ਚਾਹੀਦੀ। ਬਸ ਖੁਦ ਨਾਲ ਪਿਆਰ ਕਰੋ ਤੇ ਆਪਣਾ ਓਰੀਜਨਲ ਵਰਜ਼ਨ ਬਣ ਕੇ ਰਹੋ। ਐਵਾਰਡ ਮਿਲਣ ਤੋਂ ਬਾਅਦ ਆਲੀਆ ਭੱਟ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ, ਜਿਸ 'ਚ ਉਹ ਬੇਹੱਦ ਖੂਬਸੂਰਤ ਅਤੇ ਖੁਸ਼ ਨਜ਼ਰ ਆ ਰਹੀ ਹੈ। ਆਲੀਆ ਭੱਟ ਨੇ ਐਵਾਰਡ ਫੰਕਸ਼ਨ ਲਈ ਚਮਕਦਾਰ ਗੋਲਡਨ ਗਾਊਨ ਪਾਇਆ ਹੋਇਆ ਸੀ।
ਬੇਬੀ ਬੰਪ ਦੇ ਨਾਲ ਇਸ ਗਾਊਨ 'ਚ ਉਹ ਕਾਫੀ ਆਕਰਸ਼ਕ ਲੱਗ ਰਹੀ ਸੀ। ਆਲੀਆ ਭੱਟ ਨੂੰ ਇਹ ਐਵਾਰਡ ਸਿਨੇਮਾ ਵਿੱਚ ਕੰਮ ਕਰਨ ਲਈ ਦਿੱਤਾ ਗਿਆ। ਇਹ ਪੁਰਸਕਾਰ ਅਜਿਹੇ ਲੋਕਾਂ ਨੂੰ ਦਿੱਤਾ ਜਾਂਦਾ ਹੈ, ਜੋ ਆਪਣੇ ਖੇਤਰ ਵਿੱਚ ਕੁਝ ਵੱਖਰਾ ਕਰ ਰਹੇ ਹਨ, ਆਲੀਆ ਭੱਟ ਨੇ ਟਵਿੱਟਰ ਅਤੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਐਵਾਰਡ ਦੀਆਂ ਕਈ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਸ 'ਚ ਉਨ੍ਹਾਂ ਦੇ ਲੁੱਕ ਨੂੰ ਪ੍ਰਸ਼ੰਸਕਾਂ ਵਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਆਲੀਆ ਭੱਟ ਦੇ ਪ੍ਰਸ਼ੰਸਕ ਵੀ ਉਨ੍ਹਾਂ ਨੂੰ ਇਹ ਐਵਾਰਡ ਮਿਲਣ ਤੋਂ ਕਾਫੀ ਖੁਸ਼ ਹਨ। ਪ੍ਰਸ਼ੰਸਕਾਂ ਨੇ ਆਪਣੇ ਟਵਿਟਰ ਹੈਂਡਲ 'ਤੇ ਆਲੀਆ ਦੇ ਇਵੈਂਟ ਦੌਰਾਨ ਦੀਆਂ ਤਸਵੀਰਾਂ ਸ਼ੇਅਰ ਕਰਕੇ ਆਪਣੀ ਖੁਸ਼ੀ ਜ਼ਾਹਰ ਕੀਤੀ ਹੈ।