Bigg Boss 17: ਮਸ਼ਹੂਰ ਟੀਵੀ ਅਦਾਕਾਰਾ ਅੰਕਿਤਾ ਲੋਖੰਡੇ ਇਨ੍ਹੀਂ ਦਿਨੀਂ 'ਬਿੱਗ ਬੌਸ 17' ਨੂੰ ਲੈ ਕੇ ਸੁਰਖੀਆਂ 'ਚ ਹੈ। ਸ਼ੋਅ ਦੌਰਾਨ ਅਦਾਕਾਰਾ ਮਰਹੂਮ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦਾ ਕਈ ਵਾਰ ਜ਼ਿਕਰ ਕਰਦੀ ਨਜ਼ਰ ਆਈ। ਇਸ ਕਾਰਨ ਉਹ ਸੋਸ਼ਲ ਮੀਡੀਆ 'ਤੇ ਕਈ ਵਾਰ ਟ੍ਰੋਲ ਹੋ ਚੁੱਕੀ ਹੈ। ਕਈ ਲੋਕਾਂ ਦਾ ਕਹਿਣਾ ਹੈ ਕਿ ਅੰਕਿਤਾ ਹਮਦਰਦੀ ਹਾਸਲ ਕਰਨ ਲਈ ਇਹ ਸਭ ਕਰ ਰਹੀ ਹੈ।
ਕੀ ਅੰਕਿਤਾ ਸੁਸ਼ਾਂਤ ਦੇ ਨਾਂ 'ਤੇ ਗੇਮ ਜਿੱਤਣ ਦੀ ਕੋਸ਼ਿਸ਼ ਕਰ ਰਹੀ ਹੈ?
ਹੁਣ ਮੀਡੀਆ ਨੇ ਵੀ ਇਸ ਮਾਮਲੇ ਨੂੰ ਲੈ ਕੇ ਅੰਕਿਤਾ ਤੋਂ ਤਿੱਖੇ ਸਵਾਲ ਕੀਤੇ ਹਨ। ਬਿੱਗ ਬੌਸ ਦੇ ਆਖਰੀ ਐਪੀਸੋਡ 'ਚ ਬੀ.ਬੀ. ਕਾਨਫਰੰਸ ਦਾ ਆਯੋਜਨ ਕੀਤਾ ਗਿਆ, ਜਿੱਥੇ ਘਰ ਦੇ ਮੈਂਬਰਾਂ ਨੂੰ ਮੀਡੀਆ ਦੇ ਕਈ ਤਿੱਖੇ ਸਵਾਲਾਂ ਦਾ ਸਾਹਮਣਾ ਕਰਨਾ ਪਿਆ। ਇਸ ਦੌਰਾਨ ਅਕਿੰਤਾ ਲੋਖੰਡੇ ਤੋਂ ਉਸ ਦੇ ਸਾਬਕਾ ਬੁਆਏਫ੍ਰੈਂਡ ਸੁਸ਼ਾਂਤ ਸਿੰਘ ਰਾਜਪੂਤ ਬਾਰੇ ਵੀ ਸਵਾਲ ਪੁੱਛੇ ਗਏ। ਇਕ ਪੱਤਰਕਾਰ ਨੇ ਉਨ੍ਹਾਂ ਨੂੰ ਪੁੱਛਿਆ, 'ਕੀ ਸੁਸ਼ਾਂਤ ਦਾ ਨਾਂ ਲੈਣਾ ਤੁਹਾਡੀ ਖੇਡ ਦਾ ਹਿੱਸਾ ਸੀ, ਤਾਂ ਜੋ ਤੁਸੀਂ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਦੀ ਹਮਦਰਦੀ ਹਾਸਲ ਕਰ ਸਕੋ?
ਇਨ੍ਹਾਂ ਦੋਸ਼ਾਂ 'ਤੇ ਅਦਾਕਾਰਾ ਨੇ ਤੋੜੀ ਚੁੱਪੀ
ਤਾਂ ਜਵਾਬ ਵਿੱਚ ਅੰਕਿਤਾ ਨੇ ਕਿਹਾ, 'ਨਹੀਂ। ਇਹ ਸਹੀ ਨਹੀਂ ਹੈ। ਅਭਿਸ਼ੇਕ ਅਤੇ ਮੈਂ ਹਮੇਸ਼ਾ ਉਸ ਬਾਰੇ ਗੱਲ ਕਰਦੇ ਹਾਂ। ਅਸੀਂ ਦੋਵੇਂ ਉਸ ਨੂੰ ਆਪਣਾ ਆਦਰਸ਼ ਮੰਨਦੇ ਹਾਂ। ਅਭਿਸ਼ੇਕ ਸੁਸ਼ਾਂਤ ਵਾਂਗ ਬਣਨਾ ਚਾਹੁੰਦਾ ਹੈ। ਅੰਕਿਤਾ ਅੱਗੇ ਕਹਿੰਦੀ ਹੈ ਕਿ ਮੈਂ ਉਸ ਬਾਰੇ ਹਮੇਸ਼ਾ ਚੰਗੀਆਂ ਗੱਲਾਂ ਕਹੀਆਂ ਹਨ। ਜੇਕਰ ਮੈਂ ਇਸ ਪਲੇਟਫਾਰਮ ਰਾਹੀਂ ਉਸ ਬਾਰੇ ਕੁਝ ਚੰਗਾ ਕਹਿ ਸਕਦੀ ਹਾਂ ਤਾਂ ਸਮੱਸਿਆ ਕੀ ਹੈ? ਉਸਨੇ ਚੰਗੀਆਂ ਗੱਲਾਂ ਕੀਤੀਆਂ ਹਨ ਅਤੇ ਮੈਂ ਇਸ ਬਾਰੇ ਗੱਲ ਕਰ ਸਕਦੀ ਹਾਂ। ਮੈਂ ਉਸਦਾ ਸਫ਼ਰ ਦੇਖਿਆ ਹੈ।
ਵਿੱਕੀ ਜੈਨ ਘਰੋਂ ਬੇਘਰ ਹੋਇਆ
ਤੁਹਾਨੂੰ ਦੱਸ ਦਈਏ ਕਿ ਸਲਮਾਨ ਖਾਨ ਦਾ ਸਭ ਤੋਂ ਚਰਚਿਤ ਰਿਐਲਿਟੀ ਸ਼ੋਅ ਬਿੱਗ ਬੌਸ 17 ਫਿਨਾਲੇ ਦੇ ਕਾਫੀ ਨੇੜੇ ਹੈ। ਹੁਣ ਕੁਝ ਹੀ ਦਿਨਾਂ 'ਚ ਦਰਸ਼ਕਾਂ ਨੂੰ ਇਸ ਦੀ ਵਿਜੇਤਾ ਮਿਲ ਜਾਵੇਗੀ। ਖਬਰਾਂ ਹਨ ਕਿ ਸ਼ੋਅ 'ਚ ਵਿੱਕੀ ਨੂੰ ਅੱਧੀ ਰਾਤ ਨੂੰ ਬੇਘਰ ਕੀਤਾ ਗਿਆ ਹੈ। ਅਜਿਹੇ 'ਚ ਬਿੱਗ ਬੌਸ ਨੇ ਹੁਣ ਆਪਣੇ 5 ਹੌਟ ਖਿਡਾਰੀ ਲੱਭ ਲਏ ਹਨ, ਜਿਨ੍ਹਾਂ 'ਚੋਂ ਇਕ ਜੇਤੂ ਟਰਾਫੀ ਆਪਣੇ ਘਰ ਲੈ ਜਾਵੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਹੁਣ ਸ਼ੋਅ 'ਚ ਮੁਨੱਵਰ ਫਾਰੂਕੀ, ਅੰਕਿਤਾ ਲੋਖੰਡੇ, ਅਭਿਸ਼ੇਕ ਕੁਮਾਰ, ਮੰਨਾਰਾ ਚੋਪੜਾ ਅਤੇ ਅਰੁਣ ਮਸ਼ੇਟੀ ਦੇ ਨਾਂ ਸ਼ਾਮਲ ਹਨ।